റെജിയുടെ സുവിശേഷങ്ങൾ 2 [മനൂസ്] [Climax] 3163

അവിടെ ഒഴിഞ്ഞ ഒരു ഇല അവൻ കണ്ടു…

അത് കണ്ടതും അവന്റെ കണ്ണുകൾ നിറഞ്ഞു..

പക്ഷെ രാവിലെ കൈമോശം വന്ന തന്റെ മനസ്സിനെ വീണ്ടും കൈവിടാൻ അവൻ അനുവദിച്ചില്ല…

സ്നേഹത്തോടെയുള്ള ഷേർളിയുടെ പല നോട്ടങ്ങളെയും അവഗണിച്ച ആ പഴയ റെജി ആവാൻ അവൻ മനസ്സുകൊണ്ട് തീരുമാനിച്ചു..

“എനിക്ക് വേണ്ട…”

സന്തോഷം നിറഞ്ഞു നിന്ന അമ്മച്ചിയുടെ മുഖത്തേക്ക് നോക്കി അവൻ കടുപ്പിച്ച് പറഞ്ഞു…

അത് കേട്ടതും എല്ലാവരും ഞെട്ടി…

മൂന്ന് മുഖങ്ങളിലും ദുഃഖത്തിന്റെ കാർമേഘം ഇരുണ്ട് കൂടി…

ഷേർളിയുടെ കണ്ണുകളിൽ ആ ദുഃഖത്തിന്റെ കാർമേഘം കണ്ണീരായി പെയ്തു..

ജോയിയും സഹായിയും മുഖത്തോട് മുഖം നോക്കി…

അമ്മച്ചിയുടെയും പെങ്ങൻമാരുടെയും സങ്കടം ഹൃദയത്തിൽ മുള്ളുപോലെ തറച്ചെങ്കിലും അത് കാണാത്ത ഭാവത്തോടെ അവൻ അവിടെ നിന്നും ഇറങ്ങി തൻറെ ബൈക്കിൽ എങ്ങോട്ടെന്നില്ലാതെ പോയി…

അവൻ പോകുന്നതും നോക്കി

നിറകണ്ണുകളോടെ ഷേർളിയും മക്കളും നിന്നു..

ഷേർളിയ്ക്ക് ശരീരം തളരുന്ന പോലെ തോന്നി..

കൈവിട്ട നിധി കൈയ്യിൽ കിട്ടി എന്ന് സന്തോഷിച്ച അവർക്ക് റെജിയുടെ പ്രതികരണം താങ്ങാവുന്നതിലും അധികമായിരുന്നു…

മറുവശത്ത് റെജി വല്ലാത്തൊരു മാനസികാവസ്ഥയിൽ ആയിരുന്നു…

എന്തൊക്കെയാണ് താൻ പറയുന്നതെന്നോ പ്രവർത്തിക്കുന്നത് എന്നോ അവന് വ്യക്തമായി അറിയില്ലായിരുന്നു…

അവൻ നേരെ പോയത് അടുത്തുള്ള കുന്നിൻ ചെരുവിലേക്കാണ്…