റെജിയുടെ സുവിശേഷങ്ങൾ 2 [മനൂസ്] [Climax] 3163

അവന്റെ ഉള്ളിൽ പറഞ്ഞറിയിക്കാൻ കഴിയാതൊരു വികാരം ഉടലെടുത്തു…

എന്ത് ചെയണം എന്നറിയാതെ അവന്റെ നെഞ്ചം പിടഞ്ഞു….

പക്ഷെ അവനെ പോലും ഞെട്ടിച്ചുകൊണ്ട് സ്വന്തം കൈകൾ ഉയരുന്ന കാഴ്ചയാണ് അവൻ കണ്ടത്…

അവനാ ഗ്ലാസ് വാങ്ങി…

അപ്പോഴും അവന്റെ മിഴികൾക്ക് അത് ഉൾകൊള്ളാൻ കഴിഞ്ഞിരുന്നില്ല…

അത് അരുതാത്തത് എന്തോ കണ്ടത് പോലെ വിടർന്നിരുന്നു…

തന്റെ മനസ്സ് ഇപ്പോഴും ആ കൗമാരക്കാരന്റേതാണ് എന്നവൻ തിരിച്ചറിഞ്ഞ നിമിഷം…

കുട്ടിക്കാലത്ത് ആ കൈകളിൽ നിന്നും ഒരുരുള ചോറ് തിന്നാൻ കൊതിച്ച ആ 10 വയസ്സുകാരനായി അവൻ മാറി…

ഷേർളിയുടെ കണ്ണുകൾ അപ്പോഴേക്കും

ഈറനണിഞ്ഞിരുന്നു….

“മനസ്സമാധാനത്തോടെ മരിക്കാൻ എന്റെ മോൻ ഈ അമ്മച്ചിക്ക് ഒരവസരം തരണം…”

അതും പറഞ്ഞുകൊണ്ട് അവർ തിരികെ നടന്നു…

അപ്പോഴും അമ്മച്ചി പറഞ്ഞതിന്റെ പൊരുൾ മനസ്സിലാകാതെ റെജി അവർ നടന്ന് നീങ്ങുന്നതും നോക്കി നിന്നു…

എന്താണ് തനിക്ക് സംഭവിക്കുന്നത് എന്ന് റെജിക്ക് മനസ്സിലാകുന്നില്ലായിരുന്നു…

ആ ചായ നിരസിക്കുവാൻ തന്നെ ആയിരുന്നു അവന്റെ തീരുമാനം..

പക്ഷെ താൻ പോലും അറിയാതെ തന്റെ കരങ്ങൾ ഉയർന്നു,,