റെജിയുടെ സുവിശേഷങ്ങൾ 2 [മനൂസ്] [Climax] 3163

അത് നോക്കാനെന്ന പോലെ മുൻവശത്ത് റെജിയെ കൂടി കണ്ടതോടെ ഷേർളിയുടെ പുഞ്ചിരി പൊട്ടിച്ചിരിയായി മാറി…

പൊടുന്നനെ അവൻ കേൾക്കാതിരിക്കാൻ അവർ തന്റെ വായ പൊത്തിപ്പിടിച്ചു…

പക്ഷെ റെജിയുടെ കാതുകളിൽ അപ്പോഴേക്കും അത് എത്തിയിരുന്നു…

പക്ഷെ അവൻ അങ്ങോട്ടേക്ക് നോക്കിയില്ല…

അത് അമ്മച്ചിയുടെ ചിരി ആണെന്ന് അവന് മുഖം കാണാതെ തന്നെ വ്യക്തമായിരുന്നു…

പണ്ട് താൻ ഒരുപാട് കണ്ട് കൊതിച്ച ചിരി…

ഇപ്പോഴും അതിന് മാറ്റം വന്നിട്ടില്ല എന്നവൻ ഓർത്തു…

അവന്റെ ഉള്ളിലെന്തോ വല്ലാത്തൊരു കുളിര് അനുഭവപ്പെട്ടു…

“ഓഹ് അവളുടെ മടി മാറ്റാൻ ഒടുക്കം എന്റെ കുഞ്ഞു തന്നെ വേണ്ടി വന്നല്ലോ…”

അടുക്കളയിൽ എത്തി ചായ ഗ്ലാസ്സുകളിൽ പകർന്ന് കൊണ്ട് ഷേർളി പറഞ്ഞു…

“ആ ഇതെന്നാ ആയാലും എനിക്കും ബോധിച്ചു…”

റിനിയും പറഞ്ഞു…

അപ്പോഴേക്കും രണ്ട് ഓടുമായി മന്ദം മന്ദം റിൻസി മുൻവശത്ത് എത്തി…

അവ തിണ്ണയിൽ അടുക്കിയത്തിന് ശേഷം വീണ്ടും തിരിഞ്ഞ് നടന്നു…

“നിൽക്ക്…”

റെജിയുടെ സ്വരം കേട്ടതും പ്രതീക്ഷയോടെ അവൾ തിരിഞ്ഞ് നോക്കി..

അത്രക്കും ദയനീയമായിരുന്നു ആ മിഴികളിലെ ഭാവം…