റെജിയുടെ സുവിശേഷങ്ങൾ 2 [മനൂസ്] [Climax] 3163

മനസ്സിൽ ഉരുണ്ടുകൂടിയ സന്തോഷം അതിരില്ലാതെ പുറത്തേക്ക് ഒഴുകുമ്പോൾ അതിന്റെ പ്രതിഫലനമായി കണ്ണുകളിൽ ഒഴുകുന്ന ജലപ്രവാഹം അവൻ കാണാതിരിക്കാൻ അവർ ഉള്ളിലേക്ക് പോയി…

റിൻസിയും റിനിയും ആ കാഴ്‌ച കണ്ട് കരഞ്ഞു പോയിരുന്നു…

പക്ഷെ ഇരുവരും ആരും കാണാതെ ആ മിഴിനീര് തുടച്ചുമാറ്റാനും മറന്നില്ല …

പൊട്ടിയ ഓടുകൾ മാറ്റുന്ന തിരക്കിൽ ആയിരുന്ന ജോയിയും സഹായിയും ഈ സംഭവങ്ങൾ ഒന്നും ശ്രദ്ധിച്ചിരുന്നില്ല…

“അടുക്കളയിൽ പണി ഒന്നൂല്ലേടി നിനക്ക്…”

റിനിയെ നോക്കി റെജി ചോദിച്ചു…

“ഉണ്ട്..”

“എന്നാ അകത്തോട്ട് പോ…”

അവന്റെ ആജ്ഞ കേട്ടതും റിനി അകത്തേക്ക് നടന്നു…

“നീ എവിടെ പോണ്…”

ഇച്ചേച്ചിയുടെ പിറകെ അകത്തേക്ക് രക്ഷപെടാൻ ശ്രമിച്ച റിൻസിയെ തടഞ്ഞുകൊണ്ട് അവൻ ചോദിച്ചു…

“അത്… അടുക്കളയിൽ പണി..”

വിക്കി വിക്കി അവൾ പറഞ്ഞു…

“ഞാൻ അവളോടല്ലെ പോകാൻ പറഞ്ഞേ… നിന്നോട് പറഞ്ഞോ…”

ഗൗരവത്തോടെ അവൻ ചോദിച്ചു…

ഇല്ലെന്ന അർത്ഥത്തിൽ അവൾ തല ഇരുവശത്തേക്കും ആട്ടി…