രാക്ഷസൻ 4 [FÜHRER] 324

അവന്‍ കുറച്ചു നേരം ആലോചിച്ചിരുന്നു

എന്നിട്ട് അപ്പുമാമയോടായ് പറഞ്ഞു….

എനിക്കും പഠിക്കാന്‍ പോകണമെന്നുണ്ടു അപ്പുമാമേ. പക്ഷേ, മറ്റു കുട്ടികള്‍ എല്ലാം എന്നെ എങ്ങനെ കാണും. എന്നെ ഒരു കൊലയാളിയായേ അവരു കാണു.

അയാള്‍ക്കും അതൊരു പ്രശ്‌നമാണെന്നു തോന്നി. പിന്നീട് അവനെ കണ്ണൂരിലേക്കയച്ചു പഠിപ്പിക്കാന്‍ തീരുമാനിച്ചു.

അവനോടൊപ്പം മറ്റു ഒന്‍പതു പേരെയും കൂടെ കൂട്ടാനും അപ്പുമാമ പദ്ധതിയിട്ടു. ചുരുങ്ങിയ ദിവസത്തിനുള്ളില്‍ തന്നെ അവര്‍ അപ്പുമാമയുടെ സ്‌നേഹം പിടിച്ചു പറ്റിയിരുന്നു.

വിവരമറിഞ്ഞ് എല്ലാരും അലോകിനരികിലേക്ക് ഓടിയെത്തി.

ഡാ.. ഞങ്ങള്‍ വരണോ.. പഠിക്കാന്‍ പോക്കൊക്കേ ബോറാരിക്കും. ഞങ്ങളെക്കൊണ്ട് അതൊന്നും പറ്റൂല്ല. നിന്റെ ഒറ്റ നിര്‍ബന്ധം കൊണ്ടാണു പത്താം ക്ലാസ് തന്നെ എങ്ങനെയോ എഴുതിയെടുത്തത്. ദാസ് ആണ് അതു പറഞ്ഞത്.

അഖിലും അവനെ പിന്താങ്ങി.

ശരിയാടാ ഞങ്ങള്‍ വേണെ നിന്റെ കൂടെ വരാം. പക്ഷേ, പഠിക്കാന്‍ വരാനൊന്നും ഞങ്ങളില്ല. ദാസ് അവനെ നോക്കാതെ പറഞ്ഞു.

ഞാന്‍ കണ്ണൂര്‍ക്കു പോകും. നിങ്ങളും എന്നോടൊപ്പം ഉണ്ടാകും.. അതിനു ഒരു മാറ്റവുമില്ല. അലോക് തീര്‍ത്തു പറഞ്ഞു.

ഒടുവില്‍ അവന്റെ വാശിക്കു മുന്‍പില്‍ അവര്‍ക്കു കീഴടങ്ങേണ്ടിവന്നു.

കണ്ണൂരില്‍ ഗവണ്‍മെന്റ സ്‌കൂളിലാണ് അവര്‍ക്ക് അഡ്മിഷന്‍ കിട്ടിയത്. അതു മതിയെന്ന് അവന്‍ അപ്പുമാമയോട് പറഞ്ഞിരുന്നു. അപ്പുമാമയുടെ സുഹൃത്തായ രാഷ്ട്രീയ നേതാവ് വഴിയാണ് എല്ലാവര്‍ക്കും അഡ്മിഷന്‍ എടുത്തത്..