രാക്ഷസൻ 4 [FÜHRER] 324

അവര്‍ക്കു ദൈവം നല്‍കി. തന്റേതു പോലെ അധികനാളാ സന്തോഷത്തിന് ആയസുണ്ടായിരുന്നില്ല.. മൂന്നു വയസുള്ള മകളേയും കൂട്ടി അപ്പുമാമയുടെ ഭാര്യ നിര്‍മ്മല അമ്മായി പടിയിറങ്ങിപ്പോയി.

പിന്നീട് അന്വേഷിച്ചെങ്കിലും മറ്റൊരാളോടൊപ്പം വിവാഹം കഴിഞ്ഞുവെന്ന വിവരമാണു ലഭിച്ചത്.

അതോടെ അപ്പുമാമ തകര്‍ന്നു പോയി. പിന്നീടു താനായിരുന്ന അദ്ദേഹത്തിനെല്ലാം.

അലോക് ചിന്തകള്‍ വിട്ടൊഴിഞ്ഞു കൂട്ടുകാരെ നോക്കി.

നിങ്ങളും എന്റെയൊപ്പം വാ. അവന്‍ ഉറച്ച സ്വരത്തില്‍ പറഞ്ഞു.

അവരും അതു കേട്ടു അമ്പരന്നു മുഖത്തോടു മുഖം നോക്കി. ഒന്നും മിണ്ടാതെയുള്ള അവരുടെ നില്‍പ്പു കണ്ട് അലോകിനു കലിവന്നു.

നിന്നോടൊക്കെ വരാന്‍ അല്ലേ പറഞ്ഞെ. അലോകിന്റെ ദേഷ്യം കണ്ട് അവര്‍ മടിച്ചിട്ടാണെങ്കിലും അവന്റൊപ്പം പോകാന്‍ തീരുമാനിച്ചു.

അത് അപ്പുമാമയ്ക്കും സമ്മതമായിരുന്നു.

യാത്രയ്‌ക്കൊടുവില്‍ അവന്‍ തന്റെ വീടിനു മുന്‍പിലെത്തി. ഒപ്പം അവന്റെ സുഹൃത്തുക്കളും ഉണ്ടായിരുന്നു.

വീട്ടിലേക്കു കയറിയ അവന്‍ ആദ്യം പോയതു തന്റെ അച്ഛന്റെയും അമ്മയുടെയും കുഴിമാടത്തിനരികിലേക്കാണ്.

അവിടെ ഏറെ നേരം അവന്‍ തനിച്ചിരുന്നു. അവന്റെ മിഴികള്‍ സങ്കടം കൊണ്ടു നിറഞ്ഞൊഴുകി.

ഏറെ നേരം കഴിഞ്ഞും അവന്‍ മടങ്ങിയെത്താത്തതു കൊണ്ട് അവന്റെ അരികിലേക്ക് അയ്യപ്പനും അമറും എത്തി

പോട്ടെടാ എല്ലാം കഴിഞ്ഞില്ലെ. അമറിന്റെ വാക്കുകേട്ട് അലോക് കണ്ണീര്‍ തുടച്ചു. അവര്‍ അവനെ വീട്ടിലേക്കു കൊണ്ടു പോയി.

ദിനരാത്രങ്ങള്‍ കൊഴിഞ്ഞു കൊണ്ടിരുന്നു. ഇതിനിടയക്കാണ് അപ്പുമാമ അവന്റെ പഠനത്തെക്കുറിച്ചു സൂചിപ്പിക്കുന്നത്.

ഉണ്ണീ ഇങ്ങനെ വീട്ടില്‍ തന്നെ കഴിഞ്ഞു കൂടിയാല്‍ കാര്യമില്ല.. നിന്റെ അച്ഛന്റെ സ്വത്തുക്കള്‍ ഒക്കെ നോക്കി നടത്തേണ്ടതു നീ തന്നെയാണ്.