രാക്ഷസൻ 4 [FÜHRER] 324

നിലത്തു കിടന്ന സാബുവിനെ അലോക് ഉയര്‍ത്തി കസേരയില്‍ ഇരുത്തി… ഇനി പറ സാബൂ ആ കണ്ടെയ്‌നര്‍ ലോറിയില്‍ എങ്ങനെ സ്വര്‍ണം വന്നു. നീ അറിയാതെ അതു നടക്കില്ലെന്ന് എനിക്കറിയാം..

പറയാടാ… അലോക് അലറി..

എനിക്കറിയില്ല സാര്‍.. സത്യമായിട്ടും എനിക്കൊന്നുമറിയില്ല.. സാബു പറഞ്ഞതു കേട്ട് അലോകിനു കലിവന്നു.

ഡാ അമറേ.. അലോക് പുറത്തേയ്ക്കു നോക്കി ഉറക്കെ വിളിച്ചു. ഒന്‍പതു പേരും പുറത്തു കാത്തു നില്‍പ്പുണ്ടായിരുന്നു.

മറ്റു ലോറി ഡ്രൈവര്‍മാരും സ്ഥലത്തുണ്ടെങ്കിലും അലോകിനെയും കൂട്ടരെയും കണ്ട് അവര്‍ പേടിച്ചു മാറിനിന്നു. അകത്തേയ്ക്ക് ഓടി വന്ന അമര്‍ അലോകിനെ നോക്കി

അമറെ നീ വണ്ടിലൊരു പെട്ടി ഇരിക്കുന്നത് എടുത്തോണ്ടു വാ.

ഇവനുള്ള സമ്മാമാണതില്‍.

അമറിനും അതേക്കുറിച്ച് അറിവില്ലായിരുന്നു…. എന്തെങ്കിലും ഒപ്പിക്കാനാകുമെന്ന് അവന്‍ ഊഹിച്ചു പെട്ടിയെടുക്കാന്‍ പുറത്തേയ്ക്കു നടന്നു. പെട്ടിയുമായി തിരികെ വന്ന അമറിനൊപ്പം ദാസും വന്നു.

അലോക് സാബുവിനെ നോക്കി. അവസാനമായി ചോദിക്കുവാ നീ പറയുന്നുണ്ടോ.

ഭയത്താല്‍ വിറക്കുകയാണെങ്കിലും സാബു അലോകിന്റെ മിഴികളില്‍ നോക്കി സത്യമാണു പറഞ്ഞതെന്നു ആവര്‍ത്തിച്ചു.

അതു കേട്ടു അലോക് ചിരിച്ചു. സാബുവന് അതു കൊലച്ചിരിയായി തോന്നി.

ഡാ അമറെ ഇവന്റെ കൈയ്യു രണ്ടും പിന്നിലേക്കു പിടിക്ക്.

അതു കേട്ടതും അമര്‍ കസേരയ്ക്കു പിന്നില്‍ വന്നു നിന്നു സാബുവിന്റെ കൈ പിന്നിലേക്കു വിലിച്ചു പിടിച്ചു. സാബു വേദനകൊണ്ട് അലറി.

എന്നെ വിട്, ഞാന്‍ ഒന്നും ചെയ്തിട്ടില്ല. എനിക്ക് അറിയില്ല. സത്യമായിട്ടും എനിക്ക് ഒന്നും അറിയില്ല.  സാബു കരഞ്ഞു പറഞ്ഞു. അലോകിന് അതു കേട്ടിട്ട് കുലുക്കമൊന്നും ഉണ്ടായില്ല.

അലോക് അമര്‍ കൊണ്ടു വന്ന ബോക്‌സെടുത്തു തുറന്നു.

അതിനുള്ളില്‍ ഉണ്ടായിരുന്ന വിഷം മുറ്റിനിന്ന അണലി  കൊത്താന്‍ വന്നു. അലോക്  ബോകിസിലേക്കു കൈയ്യിട്ടു പാമ്പിനെ പിടിക്കാന്‍ തുനിഞ്ഞതും അതു വീണ്ടും തന്നെ കൊത്താന്‍ വന്നതുകണ്ട് അവന്‍ കൈവലിച്ചു.