[ Previous Part ]
സുഹൃത്തുക്കുള കഥ താമസിച്ചതിന് ക്ഷമ ചോദിക്കുന്നു. കൈക്ക് പെയിൻ വന്നതിനാലാണ് എഴുത്ത് താമസിച്ചത്. രാക്ഷസൻ എന്ന കഥയുടെ അവസാന ഭാഗമാണിത്. മറ്റു ഭാഗങ്ങൾ സ്വീകരിച്ചപോലെ ഇതും സ്വീകരിക്കുമെന്ന് പ്രതീക്ഷിക്കുന്നു.
മുംബൈ നഗരത്തിലെ ജനസാന്ദ്രത കൂടിയ ഇന്ദിരാ നഗര്‍ ചേരി.
നൂറുകണക്കിനു കുടുംബങ്ങള്‍ തകര പാട്ടകൊണ്ടും ടര്‍പോളിന്‍ കൊണ്ടും ചുവരുകളും മേല്‍ക്കൂരകളും നിര്‍മ്മിച്ചു ഒരു നേരത്തെ അന്നത്തിനായി തെരുവില്‍ അലയുന്നവര്‍.
ഇന്നത്തെ പകല്‍ അവര്‍ക്ക് ആഹളാദത്തിന്റെതായിരുന്നു. തങ്ങളെ കുടിയൊഴിപ്പിക്കാന്‍ വന്ന ബഹുരാട്ര കമ്പിനിയെ മാസങ്ങള്‍ നീണ്ട സമരത്തിനൊടുവില്‍ മുട്ടുകുത്തിച്ചതിന്റെ ആഹ്‌ളാദ പ്രകടനങ്ങള്‍ക്കു ശേഷം സകലരും തളര്‍ന്നുറങ്ങുകയാണ്.
ഉറങ്ങുമ്പോഴും അവരുടെ മുഖത്തുള്ള പുഞ്ചിരി അവര്‍ എത്രമാത്രം സന്തോഷിക്കുന്നുവെന്നതിനു തെളിവായിരുന്നു.
പക്ഷേ, നിലാവില്ലാത്ത ആ രാത്രിയില്‍ ശാന്തമായി ഉറങ്ങുന്ന അവരെ തേടി അയാള്‍ തന്റെ ചുവടുകള്‍ മുന്നോട്ടുവെച്ചു.
അയാള്‍ക്കു പിന്നിലായി രണ്ടു ലോഡ് ഇന്ധന ലോറികളും കിടപ്പുണ്ടായിരുന്നു. ലോറിയില്‍ കണക്ടു ചെയ്ത നീളന്‍ ഹോസുമായി അയാള്‍ മുന്നോട്ടു നടന്നു. കുടിലുകളുടെ ഒത്ത നടുക്കെത്തിയ അയാള്‍ ചേരിയിലെ ഓടകളിലേക്കും കുടിലിനു മുകളിലേക്കുമെല്ലാം ടാങ്കറില്‍ നിന്നുള്ള ഇന്ധനം തുറന്നു വിട്ടു. പക്ഷേ, ക്ഷീണിതരായി ഉറങ്ങിക്കൊണ്ടിരുന്ന ജനങ്ങള്‍ ഇതൊന്നും അറിഞ്ഞില്ല.
കുഞ്ഞിന്റെ നിര്‍ത്താതെയുള്ള കരച്ചില്‍ കേട്ടാണു രോഹിണി ഉയര്‍ന്നത്. കണ്ണു തിരുമിതുറന്ന അവള്‍ അരികിലായി കെട്ടിയ തൊട്ടിലില്‍ കിടന്നുറുങ്ങുന്ന തന്റെ കുട്ടിയുടെ അടുത്തേയ്ക്കു ചെന്നു അവനെ കൈയ്യിലെടുത്തു. അവനെ താരാട്ടു പാടി ഉറക്കാന്‍ ശ്രമിച്ചു.
ചുറ്റും നോക്കിയ അവള്‍ക്കു തുരുമ്പു വീണു ദ്രവിച്ച തകരപ്പാട്ടയുടെ ഇടയിലൂടെ വെള്ളം ചോര്‍ന്നൊലിച്ചു കുട്ടിയുടെ മേലേക്കു വീണതാണ് അവന്‍ എഴുനേല്‍ക്കാന്‍ കരാണമെന്നു അവള്‍ക്കു മനസിലായി.
പാട്ടു പാടിയിട്ടും അവന്‍ ഉറങ്ങുന്നില്ലെന്ന് മനസിലായ അവള്‍ അവനെ തൊട്ടിലില്‍ വീണ്ടും കിടത്തി.
?
ആദ്യഭാഗം ലഭിക്കുന്നില്ലല്ലോ എനിക്ക്
കിടിലൻ
♥️♥️♥️♥️♥️♥️