രാക്ഷസൻ 1 [Führer] 298

ഞെട്ടല്‍കൊണ്ട് അവന്‍ നിന്നു വിറയ്ക്കാന്‍ തുടങ്ങി.. അവനെ നോക്കി നല്‍ക്കുന്ന ഇസയുടെ കൈയ്യില്‍ പിടിച്ചു വലിക്കാന്‍ അലക്‌സ് ശ്രമിച്ചെങ്കിലും അലക്സിൻ്റെ വിറയ്ക്കുന്ന കൈകള്‍ക്ക് അതിനുള്ള ശേഷിയില്ലായിരുന്നു.

തിരിഞ്ഞു നോക്കിയ ഇസ അവന്റെ മുഖത്തെ ഭയം കണ്ട് പകച്ചു പോയി.. ആദ്യമായാണ് അലക്സിനെ ഇത്രയും പേടിച്ചു അവൾ  കാണുന്നത്.

എന്നാ ഇച്ചായി മുഖം വല്ലാണ്ടിരിക്കുന്നേ.  ഞാൻ തമാശയ്ക്കു പറയുന്നതല്ലേ ഇച്ചായി. ഇച്ചായി വാ നമുക്ക് പോകാം.

  അവൾ അലക്‌സിനെയും വിളിച്ചുകൊണ്ടു തിരിഞ്ഞു നടക്കാന്‍ ഭാവിച്ചതും അവളെ തട്ടിമറിച്ചിട്ട് ഒരാള്‍ ആ യുവാവിനെ ലക്ഷ്യമാക്കി ഓടി.

ആരുടെ പതിനാറിനു പോകുവാടാ പുല്ലേ.. നിലത്ത് കിടന്ന ഇസ അയാളെ ചീത്ത വിളിച്ചു.

അവളെ ഒന്നു തിരിഞ്ഞു പോലും നോക്കാതെ അയാൾ  ഓടി ആ യുവാവിന്റെ അടുത്തെത്തി.

കൈയ്മുട്ടില്‍ പറ്റിയ പൊടി തൂത്തുകൊണ്ടു നിലത്തിരുന്ന ഇസയെ അലക്‌സ് പിടിച്ച് എഴുനേല്‍പ്പിച്ചു.

ഇവനൊന്നും കണ്ണുകണ്ടൂടെ….അവള്‍ അമര്‍ഷത്തോടെ അയാളെ നോക്കി പറഞ്ഞു.
യുവാവിന്റെ അരികിലേക്ക് ഓടിപോയ ആളെ അവള്‍ സൂക്ഷിച്ചു നോക്കി.

മധ്യവയസ്‌കനായ അയാളുടെ വേഷ ഭൂഷാധികളള്‍കണ്ടാല്‍ തന്നെ അറിയാം പണത്തിന്റെ മീതേ ഉറങ്ങുന്നവനാണെന്ന്. ചെറ്റ അവൾ മനസിൽ പറഞ്ഞു.

ഓടിയെത്തിയ മധ്യവയസ്‌കന്‍ കാറിലിരിക്കുന്ന യുവാവിനു മുന്‍പിലായി മുട്ടുകുത്തി നിന്നു.

ഭയം നിറഞ്ഞ കണ്ണുകളോടെ അയാളവനുനേരെ കൈ കൂപ്പിക്കൊണ്ടു കരഞ്ഞപേക്ഷിച്ചു.

മന്നിച്ചിട് ഭായ്.. ഇനിമേ തപ്പു പണ്ണമാട്ടെ ഭായ്..തെരിയാമതാ പണ്ണിട്ടെ. ഇന്ത വാട്ടി മന്നിച്ചിടു ഭായ്..

അയാൾ ഓരോന്നും പറഞ്ഞുകൊണ്ടു യുവാവിന്റെ കാലില്‍ പിടിച്ചു മാപ്പ് അപേക്ഷിച്ച് കരയുകയായിരുന്നു.