രാക്ഷസൻ 1 [Führer] 298

എന്നാലും എന്റെ ഇസേ നിനക്കു നന്നാകാനൊരു പ്ലാനും ഇല്ലേ..

ഇല്ലാല്ലോ.. അവള്‍ അവനെ നോക്കി പറഞ്ഞിട്ടു ചുറ്റും വീക്ഷിച്ചു..

ഇങ്ങനെ കറങ്ങി നടക്കണം ആരേലും ഒക്കേ ലൈനടിക്കണം.. കൊള്ളാവുന്നവനാണേ കെട്ടി ലൈഫ് സെറ്റാകണം. സംസാരിക്കുന്നതിനിടയിൽ
അവളുടെ നോട്ടം ഒരിടത്തു ചെന്നുടക്കിനിന്നു..

അവൻ പക്ഷേ അവളെ പുച്ഛത്തോടെ നോക്കി. പിന്നെ നിനക്കു വേണ്ടി ചെക്കൻമാർ ക്യൂ അല്ലേ.. ഒന്ന് അങ്ങോട്ട് നടന്നേടി പിശാചേ.. അവള് വളക്കാൻ നടക്കുന്നു.  മരിയാതയ്ക്ക് ഒക്കെ ആണേ നിനക്ക് കൊള്ളാം. അല്ലേ അപ്പൻ ഇങ്ങു വരും. അപ്പോഴും മോള് ഇതു തന്നെ പറയണം.
അവൻ്റെ കളിയാക്കൽ കേട്ട് അവൾക്ക് ദേഷ്യം വന്നു.

കൂടുതൽ അങ്ങ് പുച്ഛിക്കല്ലേ ഇച്ചായാ.. ദേ അങ്ങോട്ട് നോക്ക്.
അവള്‍ പാര്‍ക്കിങ് ഏരിയായുടെ സൈഡിലേക്കു കൈയ്ചൂണ്ടി കാട്ടി അലക്‌സിനോട് പറഞ്ഞു.

വേണമെങ്കില്‍ ആ ജീപ്പിന്റെ ബോണറ്റില്‍ ഇരിക്കുന്ന ചുള്ളനെ ഞാൻ വളച്ചു കാണിക്കാം. കാണണോ അവൾ പരിഹാസത്തോടെ അവനെ ചൊടിപ്പിക്കാനായി ചോദിച്ചു.

അവള്‍ കൈയ് ചൂണ്ടിയ ഭാഗത്തേയ്ക്കു നോക്കിയ അലക്സ് കണ്ടത് ഒരു റെയ്ഞ്ച്‌റോവറിന്റെ മുകളില്‍ കയിയിരിക്കുന്ന  യുവാവിനെയാണ്.

നല്ല സ്‌റ്റൈലില്‍ വെട്ടിയ മുടിയും കട്ട താടിയുമുളള ഒരുത്തന്‍. കൂളിങ് ഗ്ലാസും വെച്ചു എങ്ങും ശ്രദ്ധിക്കാതെ മൊബൈല്‍ ഫോണില്‍ എന്തോ ചെയ്‌തോണ്ടിരിക്കുകയാണ്. അവന്റെ കൈയ്യില്‍ നക്ഷത്രങ്ങളെപോലെ തിളങ്ങുന്ന കല്ലുകളുകള്‍ കൊണ്ടൊരു മാലയും ചുറ്റിപിടിച്ചിരുന്നു.

ഒറ്റ നോട്ടത്തില്‍ തന്നെ ആരും നോക്കിപ്പോകും. അത്രയും തേജസുള്ള യുവാവ്.

അലക്‌സും ഒന്നേ നോക്കിയുള്ളൂ.