രാജമല്ലി ചോട്ടിൽ നിന്നും 1 [ജ്വാല] 1290

ബാപ്പ പുറകിൽ നിന്ന് ഒരു വിളി കേട്ടു തിരിഞ്ഞു നോക്കി നേരത്തെ എന്നോട് സംസാരിച്ച വൃദ്ധന്റെ അടുത്ത് പിന്തിരിഞ്ഞ് നിൽക്കുന്ന ഒരു പെൺകുട്ടി ചുവന്ന ചുരിദാറും അതിനു ചേർന്ന തട്ടം ചുറ്റി കെട്ടി നിൽക്കുന്ന കുട്ടിയുമായി വൃദ്ധൻ സംസാരിക്കുന്നു,
ഞാൻ വേഗം നടന്നു എയർപോർട്ടിന് ഉള്ളിലേക്ക് കയറാൻ നേരം ഒരിക്കൽ കൂടി പിന്തിരിഞ്ഞു അതേ നിമിഷം ആ പെൺകുട്ടിയും തിരിഞ്ഞു എന്റെയും അവളുടെയും കണ്ണുകൾ ഒരു നിമിഷം ഉടക്കി, അതേ നിമിഷാർദ്രത്തിൽ തന്നെ ചില്ലു വാതിൽ അടയുകയും ചെയ്തു ചില്ലുവാതിലിൽ പറ്റി പിടിച്ച നേർത്ത മഴത്തുള്ളികളുടെ ഇടയിലൂടെ അവളുടെ ചിതറിയ മുഖം ഞാൻ കണ്ടു…അതെ അവൾ തന്നെ ഒരു നിമിഷത്തെ ഇടവേളയിൽ വീണ്ടും തുറന്ന ചില്ലു വാതിലിലൂടെ ഞാൻ അവളെ നോക്കി പക്ഷേ അവൾ നിന്ന സ്ഥലം ശൂന്യമായിരുന്നു എന്റെ കണ്ണുകൾ നാലുപാടും പരതി…
************************************
കൊച്ചിയിൽ നിന്നും പറന്നുയർന്ന വിമാനത്തിന്റ ജനലിലൂടെ ഞാൻ പുറത്തേയ്ക്ക് നോക്കി മഴ ശക്തമായി തന്നെ പെയ്യുന്നുണ്ട്, മനസ്സിന്റെ ഉള്ളിലെ നെരിപ്പോടിനു അപ്പോഴേക്കും ചൂട് പിടിച്ചു കഴിഞ്ഞിരുന്നു ആ കണ്ണുകൾ എന്നെ ദഹിപ്പിക്കുന്നു, ഞാൻ കണ്ണുകൾ ഇറുക്കിയടച്ചു തല രണ്ടു ദിശയിലേക്കും ആട്ടി, മനസ്സിന്റെ ഉള്ളിൽ ഏറെ കാലമായി അടക്കി വച്ചിരിക്കുന്ന വികാര വിചാരങ്ങൾ ഒരു നിമിഷം പുറത്തേയ്ക്ക് ചാടാൻ വെമ്പി…

വിമാനം ഇപ്പോൾ മേഘ കീറുകൾക്കിടയിൽ ആണ്, എന്റെ മനസ്സ് പിന്നിലേക്ക് അതി വേഗം സഞ്ചരിക്കാൻ തുടങ്ങി.

എട്ടാം ക്ളാസിലായിരുന്നു ഞാനാ സ്കൂളിൽ ചേർന്നത് ഏഴാം ക്ലാസ് വരെ മറ്റൊരു സ്കൂളിൽ ആയിരുന്നു അപ്പോഴാണ് ബാപ്പ പുതിയ വീട് വയ്ക്കുന്നത് ഗ്രാമത്തിൽ നിന്നും ടൗണിലേക്ക് എന്റെ വിദ്യാഭ്യാസവും സ്വാഭാവികമായി പറിച്ചു നടേണ്ടി വന്നു
ആൺകുട്ടികൾ മാത്രം പഠിക്കുന്ന സ്കൂൾ ക്രിസ്ത്യൻ മാനേജ്‌മെന്റിന്റെ കീഴിൽ നടത്തപ്പെടുന്ന “സെന്റ് അലോഷ്യസ് ഹൈസ്‌കൂൾ ” കുറച്ച് അപ്പുറം മാറി പെൺകുട്ടികൾ പഠിക്കുന്ന സ്‌കൂളും ഉണ്ടായിരുന്നു, ആ വിശാലമായ മതിൽ കെട്ടിനുള്ളിൽ തന്നെയായിരുന്നു ഇരുസ്‌കൂളുകളും, ഹോസ്റ്റലുകളും പിന്നെ പാതിരി പട്ടത്തിനു പഠിക്കുന്നവരും ഒക്കെ കൂടി നല്ല രസമാണ് അവിടെ,
സ്കൂളിന്റെ മുൻവശം നിറയെ വരി വരിയായി രാജമല്ലി ചെടി വച്ചു പിടിപ്പിച്ചിട്ടുണ്ട്, എല്ലാം പൂത്തു നിൽക്കുന്ന സമയമായാൽ എന്റെ സാറേ നമ്മൾ അറിയാതെ ലയിച്ചു പോകും, രാജമല്ലി ചെടികൾക്ക് താഴെ റോഡാണ് പെൺകുട്ടികളുടെ സ്‌കൂളിലേക്കുള്ള വഴി എല്ലാ വായി നോട്ടവും അവിടെ തന്നെ, അവിടെയാണ്, നെല്ലിക്ക മാങ്ങ, മുട്ടായി തുടങ്ങിയവ വിൽക്കുന്ന ബാലൻ ചേട്ടന്റെ കടയും…

സ്കൂളിലെ ദിവസങ്ങൾ വളരെ സന്തോഷം നിറഞ്ഞതായിരുന്നു, കളിയും, പഠനവുമായി ദിവസം മുന്നോട്ട് പൊയ്ക്കൊണ്ടിരുന്നു
ഓണാവധി കഴിഞ്ഞു ഞങ്ങൾ വീണ്ടും ഒത്തു കൂടി പഴയ രാജമല്ലി മരത്തിന്റെ ചുവട്ടിൽ ഇങ്ങനെ നിൽക്കുമ്പോൾ ആണ് ഒരു കൂട്ടം പെൺകുട്ടികൾ വരുന്നത്, പല കമന്റുകൾ കേട്ട് കടന്നുവരുന്ന പെൺകുട്ടികൾക്കിടയിൽ നിന്ന കുട്ടിയിൽ എന്റെ കണ്ണുകൾ പതിച്ചു, കൂടെ നിന്ന കൂട്ടുകാർ പറഞ്ഞ കമന്റു കേട്ട് നോക്കിയ കുട്ടികളിൽ അവളുടെ കണ്ണും എന്റെ കണ്ണുമായി ഉടക്കി,
മനസ്സിന്റെ ഉള്ളിലെവിടെയോ ആ കണ്ണുകൾ തറച്ചു നിന്നു അന്നത്തെ ക്ലാസ് എനിക്ക് വിരസമായി തോന്നി, അവളെ വീണ്ടും കാണാൻ ഞാൻ പെൺകുട്ടികളുടെ സ്കൂളിന്റെ പരിസരങ്ങളിൽ അലഞ്ഞു തിരിഞ്ഞു, പെട്ടന്ന് എന്റെ തോളിൽ ആരോ പിടിച്ചു നോക്കുമ്പോൾ എന്റെ പ്രിയ സുഹൃത്ത് സാം എന്താടാ ഇവിടെ?
ഹേയ് ഒന്നുമില്ലടാ,

ഞാൻ രാവിലെ മുതൽ നിന്നെ ശ്രദ്ദിക്കുന്നു ആരെ കാണാനാ ഇവിടെ കറങ്ങുന്നത്?
അവന്റെ ചോദ്യങ്ങൾക്കൊന്നും എന്റെ കൈവശം മറുപടി ഉണ്ടായിരുന്നില്ല ഒരു വളിച്ച ചിരിയായിരുന്നു എന്റെ മറുപടി…