രാജമല്ലി ചോട്ടിൽ നിന്നും 1 [ജ്വാല] 1290

പിന്നെയും ദിനങ്ങൾ ഓരോന്ന് കൊഴിഞ്ഞു ഒരു കൂട്ടം കുട്ടികൾക്കിടയിൽ വരുന്ന ഒരു കുട്ടി എന്നതിലപ്പുറം എനിക്കും അവളെ പറ്റി ഒന്നും അറിയില്ലായിരുന്നു, ഒൻപതേ കാൽ എന്ന സമയമുണ്ടെങ്കിൽ അവളെ കാണണം എന്നത് മാത്രം, ഇപ്പോൾ കൂട്ടം കൂടി നിന്ന് കമന്റടി സങ്കത്തിൽ നിന്നൊഴിവായി ഒറ്റയ്ക്ക് ഒരു രാജമല്ലി ചുവട്ടിലായി എന്ന് മാത്രം
എന്റെ മനസ്സിലെ ഇഷ്ടം ദിവസംതോറും കൂടി കൂടി വന്നു. അവളുടെ നടത്തം, ചിരി, നുണക്കുഴി ഒക്കെ മനസ്സിൽ ചേർത്ത് വച്ചു ഞാനൊരു കൊട്ടാരം തീർത്തു.

ഓണവും, ക്രിസ്തുമസും ഓടി മറഞ്ഞു ഇനി സ്കൂളിലെ അവസാന പരീക്ഷ ആണ്, അതിനിടയിൽ ഞാൻ സ്കൂളിൽ ഫുടബോൾ മത്സരങ്ങളിലൊക്കെ പങ്കെടുത്ത് അറിയപ്പെടുന്ന താരമായി മാറിയിരുന്നു, ഇന്റർ സ്കൂൾ ഫുടബോളിലെ വിജയി ഞങ്ങളുടെ സ്കൂൾ ആയിരുന്നു ഒപ്പം ഏറ്റവും മികച്ച ഗോൾകീപ്പർ എന്ന പട്ടവും എനിക്ക് കിട്ടി.

എട്ടാം ക്ലാസിലെ അവസാന പരീക്ഷയാണ് നാളെ മുതൽ അവധിക്കാലം തുടങ്ങുകയായി അന്നും പതിവ് പോലെ അവൾ വന്നു.
പതിവിനു വിപരീതമായി അന്നവൾ തനിച്ചേ ഉണ്ടായിരുന്നുള്ളൂ, രാജമല്ലി ചുവട്ടിൽ പുസ്തകവും മറിച്ചു ഇരിക്കുന്ന എന്നിലേക്ക് അവളുടെ കണ്ണുകൾ നോക്കുന്നതും ചുണ്ടിന്റെ ഒരു കോണിൽ പുഞ്ചിരി ഒഴുകി പോകുന്നതും ഞാൻ ശ്രദ്ദിച്ചു, എന്റെ മനസ്സിൽ ആയിരം പൂത്തിരികൾ ഒരുമിച്ചു കത്തി, ഞാനവൾ നടന്നു പോകുന്നത് നോക്കി നിന്നു…

രണ്ടു മാസത്തെ കാത്തിരിപ്പിന് ഊർജ്ജമായി പുഞ്ചിരിയും താലോലിച്ചു ഞാൻ പരീക്ഷയ്ക്കായി പോയി….
(തുടരും )
************************************
പ്രിയ സുഹൃത്തുക്കളെ ഏറെ കാലത്തിനു ശേഷം കുത്തിക്കുറിക്കുകയാണ്, ഇത് തുടരണമോ വേണ്ടായോ എന്ന് നിങ്ങൾ ആണ് തീരുമാനിക്കേണ്ടത്, വായിക്കുക, പ്രോത്സാഹിപ്പിക്കുക…
സ്നേഹപൂർവ്വം…
ജ്വാല.