പ്രാണേശ്വരി 5-10 [പ്രൊഫസർ ബ്രോ] 338

“ഈ… ”

“ചിരിക്കല്ലെട്ടോ… എനിക്ക് നല്ല ദേഷ്യം വരുന്നുണ്ട് ”

“അറിയാതെ വിളിച്ചതല്ലേ.. ഞാൻ അറിഞ്ഞോ നീ ആണെന്ന് ”

“അത് മാത്രമല്ല… നീ ഇവിടെ എന്തെടുക്കുവായിരുന്നു ”

ഞാൻ വായിൽ നോക്കി നിന്നതെല്ലാം ഇവൾ കണ്ടു എന്നുറപ്പായി

“അത്… പിന്നെ… ആ ഞാൻ നീ വരുന്നതും നോക്കി നിക്കുവായിരുന്നു ”

“മോളെ ഇവൻ പറയുന്നതൊന്നും വിശ്വസിക്കല്ലെട്ടോ ഇവൻ ഇവിടെ ഉള്ള പിള്ളേരുടെ മുഴുവൻ കളക്ഷൻ എടുക്കുവായിരുന്നു ”

അതല്ലെങ്കിലും അങ്ങനെ തന്നെ വേണമല്ലോ എന്റെ അല്ലെ പെങ്ങൾ അപ്പൊ കിട്ടിയ അവസരത്തിൽ എനിക്കിട്ട് താങ്ങണമല്ലോ…

ലച്ചു പിന്നെ ഒന്നും പറയാൻ നിൽക്കാതെ എന്നെ നോക്കി പേടിപ്പിച്ചിട്ട് കോളേജിന്റെ ഉള്ളിലേക്ക് നടന്നു പോയി. എനിക്കിട്ട് നന്നായി പണിതിട്ട് നിന്നു ചിരിക്കുവാണ് എന്റെ പെങ്ങൾ

“നീ ചിരിക്കല്ലെട്ടോ മാളു… ഞാൻ ഇനി അതിനെ സമാധാനിപ്പിക്കാൻ കുറെ പാടുപെടും ”

“അത് നീ ആവശ്യമില്ലാത്ത പണിക്ക് പോയിട്ടല്ലേ… ”

“നീ എന്റെ അടുത്ത് വരും മോളെ അന്ന് ഞാൻ തന്നോളാം ഇതിനുള്ളത് ഇപ്പൊ ഞാൻ അവളെ ഒന്ന് ഡീൽ ചെയ്യട്ടെ ”

“ടാ… എന്നെ കാണാൻ എങ്ങനെ ഉണ്ടെന്ന് പറഞ്ഞിട്ട് പോടാ ”

“പോയി നിന്റെ കെട്യോനോട് ചോദിക്കടി പിശാശേ… ”

എന്റെ ദേഷ്യം കണ്ട് ചിരിക്കുന്ന മാളുവിനെ ഒന്നുകൂടി നോക്കിപ്പേടിപ്പിച്ചിട്ട് ഞാൻ ലച്ചുവിനെ സമാധാനിപ്പിക്കാൻ കോളേജിനുള്ളിലേക്കു നടന്നു.

കോളേജിന് ഉള്ളിൽ ചെന്നിട്ടും കണ്ണ് പോകുന്നത് നല്ല സെറ്റുസാരി ഉടുത്തു വന്നിരിക്കുന്ന കുട്ടികളിലേക്കാണ്. കണ്ണെടുക്കാൻ തോന്നുന്നില്ല ചുട്ടയിലെ ശീലം ചുടല വരെ എന്നാണല്ലോ… പെട്ടന്ന് ലച്ചുവിന്റെ ആ ഉണ്ടക്കണ്ണ് ഉരുട്ടിയുള്ള നോട്ടം മനസ്സിലേക്ക് വന്നതും ഈ നോട്ടം മതിയാക്കി ഞാൻ ലച്ചുവിനെ തിരക്കി മുകളിലേക്ക് പോയി

ഞാൻ അവളെ തിരക്കി വരും എന്ന് അവൾക്കുറപ്പാണല്ലോ… ഞങ്ങൾ എന്നും കാണുന്ന സ്ഥലത്ത് തന്നെ നിൽപ്പുണ്ട് ആൾ. ഞാൻ സ്റ്റെപ് കയറി വരുന്നത് കണ്ടതും അവൾ പെട്ടന്ന് തന്നെ ചുണ്ട് കോട്ടിക്കൊണ്ട് മുഖം തിരിച്ചു. ആ കാട്ടായം കണ്ടപ്പോൾ എനിക്ക് ചിരിയാണ് വന്നത് പക്ഷെ ഇപ്പൊ ചിരി ആരോഗ്യത്തിനു ഹാനികരമാണെന്നുള്ള ഓർമ വന്നപ്പോൾ ആ ചിരി മനസ്സിൽ തന്നെ ഒതുക്കി….

ഞാൻ പതിയെ നടന്നു അവളുടെ അടുത്തെത്തി. ഞാൻ എത്തിയെന്ന് അവൾക്കും മനസ്സിലായി പക്ഷെ ആൾ നല്ല കലിപ്പിൽ തന്നെ നിൽക്കുകയാണ് . എന്തെങ്കിലും ചെയ്ത് ആ കലിപ്പ് മാറ്റിയില്ലെങ്കിൽ നല്ലൊരു ദിവസമായിട്ടു എല്ലാം കുളമാകും.

“ലച്ചൂസേ… ”

ഞാൻ എന്നും അവളെ അങ്ങനെ വിളിക്കുമ്പോൾ അവൾക്കൊരു സന്തോഷവും നാണവും വരുന്നതാണ് . പക്ഷെ ഇന്ന് പെണ്ണ് മുഖത്തേക്ക് നോക്കുന്നത് പോലുമില്ല

“ലച്ചൂ… അവൾ ചുമ്മാ നമ്മളെ തമ്മിൽ തല്ലിക്കാൻ പറയുന്നതാ… ഞാൻ നിന്നെയല്ലാതെ വേറെ പെണ്ണിനെ നോക്കും എന്ന് തോന്നുന്നുണ്ടോ… ”

അത് പറഞ്ഞപ്പോൾ അവൾ നോട്ടം പതിയെ എന്റെ മുഖത്തേക്കാക്കി പക്ഷെ ഇപ്പോളും ആ ദേഷ്യം അങ്ങനെ തന്നെയുണ്ട്…

“നല്ലൊരു ദിവസമായിട്ടു വെറുതെ പിണങ്ങല്ലേ…”

“നിനക്ക് എന്തും കാണിക്കാം… എനിക്ക് അതൊന്നും കണ്ടു ദേഷ്യം വരാൻ പാടില്ലേ… ”

“അതിന് ഞാൻ എന്ത് ചെയ്തു എന്നാ… ”