പ്രാണേശ്വരി (climax) [പ്രൊഫസർ ബ്രോ] 736

ഇത്രയും നാളും ഒരുമിച്ചു ഇരുന്നിട്ടുണ്ടെങ്കിലും ആദ്യമായാണ് ഇങ്ങനെ ഒരവസ്ഥയിൽ ഒരേ കട്ടിലിൽ ലച്ചുവിനോടൊപ്പം കിടക്കുന്നത് അതോർത്തപ്പോഴേ നെഞ്ച് പിടക്കാൻ തുടങ്ങി

എനിക്ക് ലച്ചുവിനെ കെട്ടിപിടിക്കണം എന്നുണ്ട് പക്ഷെ എന്താ എന്നറിയില്ല ഒരു പേടി പോലെ…ഞാൻ പതിയെ കൈ നീട്ടും വീണ്ടും പിൻവലിക്കും ഇങ്ങനെ ഒരു രണ്ട് മൂന്ന് പ്രാവശ്യം കാണിച്ചു അവസാനം ഞാൻ ധൈര്യം സംഭരിച്ചു അവളുടെ കയ്യിൽ കൈ വച്ചു…എന്റെ കൈ തൊട്ടതും അവൾ ഒന്ന് ഞെട്ടിയപോലെ പിടഞ്ഞു, അവളുടെ ശ്വാസത്തിന്റെ ഗതി മാറുന്നത് എനിക്ക് കേൾക്കാമായിരുന്നു അവൾക്കും നല്ല ടെൻഷൻ ഉണ്ടെന്ന് അവളുടെ മുഖത്തു നിന്ന് വ്യക്തമാണ്

ഞാൻ പതിയെ അവളുടെ അടുത്തേക്ക് ചേർന്ന് കിടന്നു, അവളും എന്റെ അടുത്തേക്ക് അടുക്കുന്നുണ്ട്. കറങ്ങുന്ന ഫാനിന്റെ തണുത്ത കാറ്റിലും ഞങ്ങൾ വിയർക്കുകയായിരുന്നു

ഞാൻ അവളുടെ കയ്യിൽ നിന്നും കൈ എടുത്ത് ആ ഇടുപ്പിലൂടെ പിന്നിലേക്ക് കയ്യിട്ട് അവളെ എന്റെ നെഞ്ചോട് ചേർത്ത് കിടത്തി, അവളും ഒരു പൂച്ചക്കുഞ്ഞു പതുങ്ങുന്നതു പോലെ എന്റെ നെഞ്ചിലേക്ക് ഒതുങ്ങിക്കൂടി

കുറച്ചു സമയം ഞങ്ങൾ രണ്ട് പേരും ഒന്നും സംസാരിച്ചില്ല, പതിയെ അവളുടെ വിരലുകൾ എന്റെ നെഞ്ചിലെ രോമത്തിൽ പരതുവാൻ തുടങ്ങി… ആ ഒരു നിർവൃതിയിൽ ഞാനും കിടന്നു

“കരടി ”

അവളുടെ വായിൽ നിന്നും കുറച്ചു സമയത്തിന് ശേഷം ആദ്യമായി എന്തെങ്കിലും വന്നു

“എന്താ… ”

“കരടി എന്ന്… എന്ത് രോമമാ… ”

“നിനക്കിഷ്ടമല്ലേ…”

“ഹ്മ്മ്”

പെണ്ണ് നാണത്തോടെ മൂളിക്കൊണ്ട് ഒന്നുകൂടി നെഞ്ചിൽ മുഖം പൂഴ്ത്തി

കുറച്ചു സമയം അവൾ ഒന്നും മിണ്ടിയില്ല ഞാൻ നോക്കിയപ്പോൾ അവൾ എന്തോ ആലോചനയിൽ ആണ്, എന്നാലും നെഞ്ചിൽ ഉള്ള തലോടൽ നിർത്തിയിട്ടില്ല

“ടാ… ഞാൻ ഒരു കാര്യം ചോദിച്ചാൽ സമ്മതിക്കുമോ ”

അവളുടെ സ്വരത്തിൽ നിന്നും അവൾ എന്തോ സീരിയസ് ആയ കാര്യം ചോദിക്കാൻ പോവുകയാണെന്ന് എനിക്ക് മനസ്സിലായിരുന്നു, എന്നാലും അപ്പൊ അതെനിക്കൊരു തമാശ ആക്കുവാനാണ് തോന്നിയത്

“ഇപ്പൊ വയ്യ ലച്ചൂസേ… നാളെയാകട്ടെ… ”

അതിനുള്ള മറുപടി എന്റെ നെഞ്ചിൽ പല്ലുകൾ ഇറക്കിക്കൊണ്ടാണ് അവൾ പറഞ്ഞത്,

“ആ….. ”

അറിയാതെ നിലവിളിച്ചുപോയി

ഒരു നിമിഷം കൊണ്ട് അവളുടെ കൈകൾ എന്റെ വായെ മൂടി

“നാണം കെടുത്തല്ലേടാ പട്ടി…”

“പിന്നെ നെഞ്ചിൽ കടിച്ചാൽ വേദന എടുക്കൂല്ലേ ”

“അത് നീ വേണ്ടാത്തത് പറഞ്ഞിട്ടല്ലേ… ”

“ഞാൻ എന്ത് പറഞ്ഞു… ഇന്ന് വയ്യ…നാ…ളെ… ”

മുഴുവൻ പറയാൻ സമ്മതിച്ചില്ല അവൾ എന്റെ വാ പൊത്തി…