പച്ചയില🍃 പഴുക്കുമ്പോൾ 🍂 [രാവണാസുരൻ] 100

Note :-മാതാപിതാക്കൾ അവരെ വൃദ്ധസദനങ്ങളിൽ ആക്കുന്നത് ഇപ്പൊ ഒരു ഫാഷൻ പോലെ പിന്തുടരുന്ന ഒരു പരിഷ്‌കൃത സമൂഹത്തിൽ ആണ് നമ്മൾ കഴിയുന്നത്.ഈ കഥകൊണ്ട് എല്ലാത്തിനും മാറ്റം വരും എന്നൊന്നും ഞാൻ വിശ്വസിക്കുന്നില്ല.
പക്ഷെ കുറച്ചു കാര്യങ്ങൾ ഓർക്കുക

വയസ്സായ മാതാപിതാക്കളെ ശിശ്രുഷിക്കാൻ മടിച്ചാണ് നമ്മൾ അവരെ വൃദ്ധസദനങ്ങളിൽ എത്തിക്കുന്നത്.
അവർ കുഞ്ഞുങ്ങളായിരുന്ന നമ്മളെ നോക്കാൻ മടിച്ചിരുന്നെങ്കിൽ നമ്മളിൽ പലരുടെയും സ്ഥാനം അനാഥാലയങ്ങളിൽ ആയിരുന്നേനെ.പക്ഷെ അവർ അത് ചെയ്തില്ല ഒരു മനുഷായുസ്സ് മുഴുവൻ നമുക്ക് വേണ്ടി വണ്ടികളായെ പോലെ കുടുംബത്തിന്റെ ഭാരം ചുമലിലേറ്റി നടന്ന അച്ഛനെ ഉപേക്ഷിക്കാൻ ചിന്തിച്ചു നോക്കു.
പത്തുമാസം ഗർഭപാത്രത്തിൽ ചുമന്നു ജീവിതകാലം മുഴുവൻ മനസ്സിൽ നമ്മളെ ചുമന്നു നടക്കുന്ന അമ്മ നമുക്ക് വയ്യാതാകുമ്പോൾ ഡോക്ടറെ പോലെയും നഴ്സിനെ പോലെയും ശിശ്രുഷിക്കുന്ന,പ്രശ്നങ്ങളിൽ സുഹൃത്തിനെ പോലെ സഹോദരിയെപോലെ എല്ലാത്തിനുമുപരി നമുക്ക് വേണ്ടി വാദിക്കുന്ന വക്കീലായി,പഠിക്കുമ്പോൾ മാർക്ക് കുറഞ്ഞാൽ ടീച്ചറായി സഹപാഠിയായി,
നമ്മുടെ വേദനകളിൽ നമ്മളെക്കാൾ വേദനിക്കുന്ന അമ്മയെ ഉപേക്ഷിക്കാൻ ചിന്തിച്ചു നോക്കു നിങ്ങൾക്ക് കഴിയുമോ
എനിക്ക് അതിന് ഒരിക്കലും കഴിയില്ല.

നമ്മളിൽ പലരും കുഞ്ഞായിരിക്കുമ്പോൾ ജലദോഷം വന്നാൽ അമ്മ നമ്മടെ മൂക്കിൽ നിന്നും വാവച്ച് കഫം വലിച്ചെടുക്കുമായിരുന്നു.ഇപ്പോൾ വിലകൂടിയ വസ്ത്രങ്ങളും ആഡംബര ജീവിതവും തേടി നടക്കുന്ന നമ്മൾക്കെല്ലാവരും ഒരുകാലത്ത് ഉടുപ്പിച്ചു തന്ന വസ്ത്രങ്ങളിൽ തന്നെ കാര്യം സാധിച്ചിരുന്നവരാണ് അതൊന്നും ഒരു മടിയും കൂടാതെ വൃത്തിയാക്കുന്നവരാണ് അമ്മമാർ.ഏത് പ്രായത്തിൽ ആയാലും നമുക്ക് എഴുന്നേൽക്കാൻ പറ്റാതെ കിടന്ന കിടപ്പിൽ കാര്യം സാധിക്കുന്ന ഒരു അവസ്ഥവന്നാൽ അമ്മ ഒരുമടിയും കൂടാതെ അന്ന് ചെയ്ത കാര്യങ്ങൾ ഇന്നും ചെയ്യും. ഒന്ന് ചിന്തിച്ചു നോക്കു നമുക്ക് അത്രത്തോളം ഒന്നും ഒരിക്കലും ചെയ്യാൻ കഴിയില്ല എങ്കിലും അവരെ വൃദ്ധസദനങ്ങളിൽ ഉപേക്ഷിക്കാതിരിക്കുക എന്ന ഒരു കാര്യമെങ്കിലും അവർക്ക് വേണ്ടി ചെയ്യുക.

മാതാപിതാക്കൾ ഒരു നിമിഷം വേണ്ട എന്ന് ചിന്തിച്ചിരുന്നെങ്കിൽ തീരാവുന്നതായിരുന്നു നമ്മൾ എല്ലാവരുടെയും ജീവിതം.നമുക്ക് വേണ്ടി അവരുടെ ആഗ്രഹങ്ങൾ മാറ്റി വയ്ക്കേണ്ടിവരുമെന്ന് അറിയാമായിരുന്നിട്ടും അവർ അതിന് ഒരു മടിയും കാണിച്ചില്ല.
നമ്മളെപ്പോലുള്ള മക്കൾ ഒരുപാട് വട്ടം ചിന്തിക്കേണ്ടിയിരിക്കുന്നു….

അവസാനിച്ചു….

By

രാവണാസുരൻ(rahul)