പച്ചയില🍃 പഴുക്കുമ്പോൾ 🍂 [രാവണാസുരൻ] 100

ആ അമ്മയുടെ മരുമകൾ മൗനം ഭേദിച്ചുകൊണ്ട് സംസാരിച്ചു തുടങ്ങിമരുമകൾ :-നമ്മൾ ചെയ്തത് തെറ്റായിപ്പോയി അല്ലേ.അവൾ അങ്ങനെ പറഞ്ഞപ്പോൾ എന്റെ നെഞ്ചിൽ എന്തോ ആണി തറച്ചു കയറിയതുപോലെ.നമ്മൾ അമ്മയെ വൃദ്ധസദനത്തിൽകൊണ്ടാക്കിയപ്പോൾ അമ്മയുടെയും അവസ്ഥ ഇതു തന്നെ ആയിരുന്നിരിക്കും അല്ലേ?

മകൻ :-എന്റെ അമ്മയുടെ അവസ്ഥ മനസ്സിലാക്കാൻ മകളുടെ വാക്കുകൾ വേണ്ടി വന്നു. 🥺

മരുമകൾ :-അവൾ നമ്മളെ വൃദ്ധസദനത്തിൽ കൊണ്ടാക്കിയാൽ നമുക്ക് സഹിക്കാൻ കഴിയുമോ.അമ്മയ്ക്കും അതുപോലെ ആയിരുന്നിരിക്കും അല്ലേ.

ടാ ചെക്കാ കഥ കഥ എങ്ങനെയുണ്ടായിരുന്നു

😳അതിന് കഥ തീർന്നോ ഇങ്ങനെ മുഴുവനും ഇല്ലാത്ത കഥ പറയാനാണോ എന്നെ ഇവിടെ പിടിച്ചിരുത്തിയത്.
😬ഇനി നിങ്ങളോട് മൂവാണ്ടൻമാവ് മുഴുവൻ കഥ പറഞ്ഞു തന്നില്ലേ.

ഞാൻ ഒന്ന് പറയട്ടെടാ.നീ ആ മൂവാണ്ടൻമാവ് കണ്ടോ? അതിൽ ഊഞ്ഞാലാടുന്ന കുട്ടിയുടെ പിന്നിൽ നിൽക്കുന്ന ആ വയസ്സായ അമ്മയെ കണ്ടോ അവരുടെ കഥയാ നമ്മൾ ഇത്രയും നേരം പറഞ്ഞത്.

അപ്പൊ ആ അമ്മയെ മകനും മരുമകളും തിരിച്ചു കൊണ്ടുവന്നോ? ശേ ഉപേക്ഷിച്ചു കളഞ്ഞവരുടെ അടുത്തേയ്ക്ക് ആ അമ്മ തിരിച്ചു വരണ്ടായിരുന്നു.

ഹഹഹ ടാ അതിന് അവർ ഒരു അമ്മയാണ് മക്കളുടെ തെറ്റുകൾ ക്ഷമിക്കാൻ മാത്രമേ അമ്മമാർക്ക് അറിയാവൂ.
നിനക്ക് ഈ കഥയിൽ നിന്ന് വല്ലതും മനസ്സിലായോ?

സോറി മുത്തശ്ശാ ഞാൻ ഇനി മുതിർന്നവരെ ബഹുമാനിച്ചോളാം.
മുത്തശ്ശന്റെ വില മനസ്സിലാക്കാൻ എനിക്ക് ആ അമ്മയുടെ കഥ വേണ്ടിവന്നു.

ഇനി എനിക്ക് എന്തുപറ്റിയാലും ഞാൻ സന്തോഷവാനായിരിക്കും.നിന്നെ ഇങ്ങനെ കാണാനാണ് ഞാൻ ആഗ്രഹിച്ചിരുന്നത്.

മുത്തശ്ശാ ആ അമ്മയുടെ മുഖത്തെ സന്തോഷം കണ്ടോ ഇപ്പോ അവരും ഒരു കുട്ടിയായത് പോലെയാണ് തോന്നുന്നത്.

അത് അങ്ങനെയാ വീട്ടിലെ മുതിർന്നവർ അവരുടെ നല്ല പ്രായത്തിൽ കുടുംബത്തിന് വേണ്ടി കഷ്ട്ടപ്പെടുകയായിരിക്കും.
വാർധക്യത്തിൽ കൊച്ചുമകളുടെ കൂടെ കളിച്ചും ചിരിച്ചും ഒക്കെയാണ് അവർ നഷ്ടപ്പെടുത്തിയ കാലഘട്ടം തിരിച്ചു പിടിക്കാൻ ശ്രമിക്കുന്നത്.

അപ്പൊ മുത്തശ്ശനും എന്റെ ഒപ്പം ഇതുപോലെ സമയം ചിലവിടാൻ ആഗ്രഹമുണ്ടോ.ആഗ്രഹം ഉണ്ടായിരുന്നു മോനെ പക്ഷേ ഇനിയത് പറ്റുമെന്ന് തോന്നുന്നില്ല.

ഒരു ചെറിയ മന്ദമാരുതൻ ആ മരത്തെ തൊട്ട് തലോടി യാത്രയായി അതോടൊപ്പം ആ പഴുത്ത ഇലയും യാത്രയായി അഗാധങ്ങളിലേക്ക് മരണത്തിന്റെ താഴ്‌വരയിലേക്ക്.