പച്ചയില? പഴുക്കുമ്പോൾ ? [രാവണാസുരൻ] 100

മകന് 5വയസ്സ് പ്രായമുള്ളപ്പോൾ ഒരു അപകടത്തിൽ ഭർത്താവ് മരിച്ചുപോയി പ്രേമിച്ചു വിവാഹം കഴിച്ചതുകൊണ്ടും അവരോട് അനുകമ്പ കാട്ടിയാൽ അവരുടെ ചിലവുകൾ തങ്ങളുടെ തലയിൽ ആകും എന്നും രണ്ടു കുടുംബക്കാരും ഭയന്നിരുന്നു അതുകൊണ്ട് അവർ ആ അമ്മയെയും മകനെയും കയ്യൊഴിഞ്ഞു.

ആ അമ്മയുടെ കഠിനാധ്വാനവും ചില നല്ലവരായ നാട്ടുകാരുടെയും സഹായംകൊണ്ട് അവരുടെ ഭക്ഷണവും അവന്റെ പഠിത്തവും അല്ലലില്ലാതെ പോയി.
പല ദിവസങ്ങളും ആ അമ്മ മകന് ഭക്ഷണം കൊടുക്കാനായി പട്ടിണി കിടന്നു.തുടർച്ചയായ കഠിനാധ്വാനംമൂലം അമ്മയ്ക്ക് ചില ആരോഗ്യപ്രശ്നങ്ങൾ വന്നു തുടങ്ങി.മകൻ പഠിച്ചു നല്ലൊരു ജോലി സമ്പാദിച്ചു.നല്ലൊരു പെൺകുട്ടിയെ അവൻതന്നെ കണ്ടെത്തി അമ്മയോട് പറഞ്ഞു അമ്മ അവരുടെ വിവാഹം നടത്തിക്കൊടുത്തു.അവൻ തന്റെ വിദ്യാസമ്പന്നയായ ഭാര്യയ്ക്ക് അടുക്കളപ്പണി ചെയ്യാൻ ബുദ്ധിമുട്ടുള്ളത്കൊണ്ട് അമ്മ ജോലിക്ക് പോകുന്നത് നിർത്തിച്ചു.മരുമകൾക്ക് വീട്ടുജോലി ചെയ്യാൻ വയ്യാത്തതുകൊണ്ട് ആ അമ്മ തന്നെ വീട്ടിലെ ജോലികളെലാം ചെയ്തു.

അങ്ങനെ ആ അമ്മയ്ക്ക് ഒരു പ്രൊമോഷൻ കൂടെ കിട്ടി ഇപ്പോൾ അവർ ഒരു പെൺകുട്ടിക്ക് മുത്തശ്ശിയായി.അവർ അടുക്കളയിലെ ജോലി കഴിഞ്ഞുള്ള സമയം കൊച്ചുമകളെ താലോലിക്കാൻ ചിലവഴിച്ചു.തന്റെ മകന്റെ വളർച്ച അടുത്ത് നിന്ന് കാണാൻ കഴിയാത്ത ഒരു അമ്മയുടെ ആഗ്രഹം തന്റെ കൊച്ചുമകൾ വഴി നിറവേറ്റി.അവർ തന്റെ കൊച്ചുമകളുടെയും മകന്റെയും മരുമകളുടെയും കാര്യങ്ങൾ
നോക്കാൻ അവർക്ക് ഒരു കുറവും വരാതിരിക്കാൻ ആ വീട്ടിൽ ഓടിനടന്നു.
വർഷങ്ങൾ ദിവസങ്ങൾപോലെയും വയസ്സ് സംഖ്യകൾ പോലെയും കൊഴിഞ്ഞു പോയി.

ഇപ്പോൾ കൊച്ചുമകൾക്ക് 9വയസ്സ്
ആയി.ജീവിതത്തിന്റെ രണ്ടറ്റം കൂട്ടിമുട്ടിക്കാനുള്ള കഠിനാധ്വാനം കാരണം ആ അമ്മയ്ക്ക് വാർദ്ധക്യസഹജമായ ആരോഗ്യപ്രശ്നങ്ങളും ഓർമ്മക്കുറവും വന്നുചേർന്നു.മകനും മരുമകൾക്കും അവർ വയ്ക്കുന്ന കറികളിൽ ഉപ്പ് കുറവായും എരിവ് കൂടുതലായും തോന്നിത്തുടങ്ങി.പക്ഷെ തന്റെ കൊച്ചുമകൾക്ക് അവർ അപ്പോഴും ഒരു കളിക്കൂട്ടുകാരി തന്നെയായി തുടർന്ന്.
പോകെ പോകെ അവർക്ക് ജോലികൾ ചെയ്യാൻ കഴിയാതെയായി.മരുമകൾ അവരുടെ സ്ഥാനം ഏറ്റെടുത്തു പക്ഷെ അവൾക്ക് ആ അമ്മ ഒരു അധികപ്പറ്റായി തോന്നിത്തുടങ്ങി.

ഒരു മാസതോളം ഉള്ള വഴക്കുകൾക്ക് ശേഷം മകനും മരുമകളും ഒരു തീരുമാനത്തിൽ എത്തിച്ചേർന്നു ആ അമ്മയെ വൃദ്ധസദനത്തിൽ ആക്കാം.അതിന് അവർ കണ്ടെത്തിയ ന്യായം അവരുടെ പ്രായത്തിലുള്ളവരുടെ തുണയാണ് ഇപ്പോൾ ആ അമ്മയ്ക്ക് ആവശ്യം അവരുമായി സംസാരിച്ചും ഇടപഴകുകയും ചെയ്യുമ്പോൾ ആ അമ്മ സന്തോഷവതിയാകും
എന്നതായിരുന്നു.അങ്ങനെ തന്റെ മകന്റെ നല്ല ഭാവിക്ക് വേണ്ടി യൗവനവും ആയുസ്സും ബലികഴിപ്പിച്ച ആ അമ്മ ഒരു വൃദ്ധസദനത്തിലെ അന്തേവാസി ആയി.

പിന്നെയും കാലചക്രം കറങ്ങി ആ അമ്മ വൃദ്ധസദനത്തിലെ അന്തേവാസിയായിട്ട് ഇന്നേക്ക് 6മാസം തികഞ്ഞു.ആ വീട്ടിൽ ഇപ്പോൾ ആ അമ്മയില്ലാത്തതിന്റെ വിഷമം അനുഭവിക്കുന്ന ഒരേ ഒരാൾ അവരുടെ