പാണ്ടിമണിയൻ [ജ്വാല] 1302

അവരുടെ തമിഴ് എനിക്കു കുറച്ചുമാത്രം മനസ്സിലാകുന്നതുകൊണ്ട് നാണുവേട്ടന്‍ എനിക്കു തര്‍ജ്ജിമ ചെയ്തു തന്നു.

മണിയന്‍ അവന്‍ ശരിക്കും ഒരു ഭയങ്കരന്‍.
എല്ലാവര്‍ക്കും ഉപദ്രവം, മോഷണം,ഏഷണി തമ്മില്‍ തല്ലിക്കല്‍ ഇതെല്ലാം അവന്റെ പ്രധാന വിദ്യകള്‍.

സ്വന്തം മക്കൾക്ക് പോലും ഇവന്റെ ഉപദ്രവത്തിൽ നിന്നു രക്ഷയില്ല.
മണിയന്റെ പ്രധാന ദൗര്‍ബല്യം മറ്റുള്ളവരെ ദ്രോഹിച്ച് ആനന്ദിക്കുക എന്നതായിരുന്നു.

മക്കൾ പലതരത്തില്‍ ചികിത്സിച്ചെങ്കിലും ഫലമുണ്ടായില്ല. പനിച്ചുകിടക്കുന്ന മകന്റെ കിടക്കയില്‍ വെള്ളംകോരിയൊഴിക്കുക, കഞ്ഞിയില്‍ മണ്ണുവാരിയിടുക, വെടക്കാക്കി തനിക്കാക്കുക, എല്ലാം സഹിച്ചു. അച്ഛനല്ലേ, പ്രായക്കൂടുതലല്ലേ എന്ന് നിനച്ചു.

അതുമാത്രമല്ല ഇവിടുത്തെ പേരെടുത്ത കള്ളന്‍.അതിനാല്‍ പോലീസെല്ലാം അവന്റെ കൂട്ടുകാര്‍.
എല്ലാവര്‍ക്കും ഭയം തിരിച്ചൊന്നും ചെയ്യാന്‍ കഴിയില്ല ചെയ്താല്‍ പോലീസിന്റെ കള്ളക്കേസോ മണിയന്റെ തല്ലൊ ഉറപ്പ്
നാട്ടുകാര്‍ അവനെ കൊണ്ട് പൊറുതി മുട്ടി.ദിനംപ്രതി അവന്റെ ശല്യം അധികരിച്ചു വന്നു.

നാട്ടുകാര്‍ രഹസ്യയോഗം ചേര്‍ന്ന് ഒരു തീരുമാനം എടുത്തു,മണിയനെ രാത്രിയില്‍ ഇരുട്ടടി കൊടുക്കണം.
എല്ലാവരും അതിനെ പിന്തുണച്ചു.

ഇരുട്ടടി നിത്യ സംഭവമായപ്പോള്‍
ദിവസവും രാത്രിയില്‍ മണിയനു പുറത്തിറങ്ങാന്‍ ഭയമായി ഇറങ്ങിയാല്‍ അടി ഉറപ്പ് .

അടി കിട്ടി , കിട്ടി പാണ്ടിമണിയൻ ഒരു നിത്യരോഗിയായി,
ഒടുവിലൊരുനാള്‍ പാണ്ടിമണിയന്‍ കിടപ്പിലായി.

മക്കളെ അടുത്ത് വിളിച്ച്, തന്നെ പ്രതിമ ഇപ്പോൾ നിൽക്കുന്ന ഭാഗത്തേക്ക് കൊണ്ട് പോകാൻ പറഞ്ഞു. അവിടെ വച്ച് മണിയൻ
ഒരു പ്രഖ്യാപനം നടത്തി.

അന്‍പുള്ള അപ്പ,അമ്മ,അണ്ണന്‍,അണ്ണി ഇന്നു സായം കാലം നാന്‍ തല്‍കൊല പണ്ണപോറേന്‍…

നാന്‍ സെയ്ത കൊടുമയ്ക്ക് നീങ്കെ എന്നെ മന്നിച്ചിടുങ്കോ….
മണിയന്റെ പ്രഖ്യാപനം നാട്ടുകാര്‍ക്ക് അമ്പരപ്പു ശ്രിഷ്ടിച്ചെങ്കിലും മനസ്സു
നിറയെ ആഹ്ലാദമായിരുന്നു എല്ലാവര്‍ക്കും.

മണിയനു പിന്നാലെ കൂടി എല്ലാവരും.

ഏന്‍ മണിയാ എന്ന പ്രചനം??

നീങ്കെ എല്ലാം എനിക്കു സിന്ന ഉദവി സെയ്യണം…

എല്ലാവരും മുഖത്തോടു മുഖം നോക്കി.
മണിയന്‍ തുടര്‍ന്നുകൊണ്ടേയിരുന്നു.
ഞാന്‍ മരിച്ചാല്‍ എന്റെ ശരീരം നിങ്ങള്‍ വെട്ടി നുറുക്കണം.
ഞാന്‍ ചെയ്തതെറ്റിനു പ്രായ്ശ്ചിത്തം ആകട്ടെ ഇത്.
നാട്ടുകാര്‍ എല്ലാവരും സമ്മതിച്ചു.

വൈകുന്നേരം എല്ലാ ജനങ്ങളും മണിയന്റെ വീട്ടിലേക്കു പ്രവഹിച്ചു.