ഒരു മുത്തശ്ശി കഥ

oru muthashi kadha ശ്രീജ അനിലാഷ്

മാതു എന്ന പതിമൂന്നു കാരിയുടെ ലോകം മുഴുവൻ തന്റെ തറവാടും മുത്തശ്ശിയുമായിരുന്നു.
പിന്നെ അമ്മാത്ത് ചിലവിടുന്ന അവധിക്കാലവും..
മുത്തശ്ശിയുടെ പഴങ്കഥകൾ കേട്ടാണുറക്കം. ചാത്തനും മാടനും മറുതയുടെയും ഒരു നൂറു കഥകളറിയാം മുത്തശ്ശിക്ക്..
സന്ധ്യയ്ക്ക് നിലവിളക്കു കൊളുത്തി നാമം ജപിച്ചു കൊണ്ടിരുന്ന മുത്തശ്ശിയുടെ മടിയിലേക്കവൾ ചാടിക്കേറിയിരുന്നു കൊഞ്ചിത്തുടങ്ങി…
മ്മ്… എന്നിട്ട്…?
എന്നിട്ട് ?
ബാക്കി പറ മുത്തശ്ശി..
ഒടിയന്റെ കഥേടെ ബാക്കി പറയ് മുത്തശ്ശി…
ആസ്വദിച്ചു കേട്ടുകൊണ്ടിരുന്ന കഥ ഇടയ്ക്ക് വച്ച് നിർത്തിയതിൽ മാതു പരിഭവിച്ചു.
എന്നിട്ടെന്താ….
അയാൾ തന്റെ കൊടുവാൾ കൊണ്ടെറിഞ്ഞ് മുന്നിൽക്കണ്ട ചെടിയെ വെട്ടിയരിഞ്ഞു വീഴ്ത്തി.
പിറ്റെ ദിവസം രാവിലെ എഴുന്നേറ്റുനോക്കുമ്പോൾ അയാളുടെ കാലുകൾ ആരോ വെട്ടിമാറ്റിയിരിക്കുന്നു.
ആര്…?
മാതുവിന് സംശയം തീരുന്നതേയില്ല
ആകാംക്ഷയും കൂടി വരുന്നു..
ആരാ മുത്തശ്ശി ?
അതും ഒടിയനാണോ ചെയ്തത്?
ഒടിയനാണോ അയാളുടെ കാല് വെട്ടിമാറ്റിയത്.?
എന്തിനാ അങ്ങിനെ ചെയ്തത്?
ഹാ… ഒടിയൻ തന്നെ.. അല്ലാണ്ടാരാ
എന്തിനാണെന്നു ചോദിച്ചാൽ എന്താ ഞാൻ പറയ്യാ…?
ഒടിയൻ അങ്ങനാ.. കൺകെട്ട് വിദ്യകൾ എല്ലാം ഒടിയനുണ്ട്..
ഒടിവിദ്യ കൊണ്ട് കളവും കൊലയും ഒക്കെ ചെയ്യും. ഒടിയന്റെ ഈ വിദ്യയെപ്പറ്റി കേട്ടിട്ട് പേടിച്ച് മരിച്ചുപോയവരും ഒരുപാടുണ്ട് .
ഒടിവിദ്യയൊ ?
എന്നു വച്ചാന്താ മുത്തശ്ശി?
ഈ ഒടിവിദ്യ..?
മാതുവിന്റെ സംശയം ഏറിവന്നു
ഒടിവിദ്യയോ !
പറയാം