അവളുടെ ഓരോ വാക്കുകളും സത്യമുള്ളതാണെന്ന് എനിക്ക് മനസ്സിലായി, കാരണം അവളുടെ ഹൃദയം എന്താണ് പറയാൻ ആഗ്രഹിക്കുന്നതെന്ന് അവളുടെ കണ്ണുകളിൽ എനിക്ക് കാണാൻ കഴിഞ്ഞു . ആദ്യ പ്രണയത്തിലുള്ള ഒരു പെൺകുട്ടിയുടെ പേടി. ഇതെല്ലാം ഇങ്ങനെയായിരുന്നു. ദൈവത്തിന്റെ വിധി . ഞങ്ങളെ രാജ്യത്തിന്റെ വിവിധ ഭാഗങ്ങളിൽ നിന്ന് ഒരുമിച്ച് കൊണ്ടുവന്നു, ഞങ്ങളെ ഒരേ കോളേജിൽ എത്തിച്ചു, ഇത്രയും കാലത്തേ അപൂർണ ജീവിതത്തിൽ നിന്ന് ഈ നിമിഷത്തിലേക്ക് ഞങ്ങളെ എത്തിച്ചു.
ടേബിളിനു മുകളിൽ വെച്ച അവളുടെ കൈകളിൽ ഞാൻ പതുക്കെ പിടിച്ചു, അവ ചെറുതാണ്, വളരെ സോഫ്റ്റ് ആയി തോന്നി,ഞാൻ ചിന്തിക്കുകയായിരുന്നു , ഇത്രയും വർഷങ്ങളിലെല്ലാം, നല്ല സുഹൃത്തുക്കളായി നിൽക്കുമ്പോൾ ഞങ്ങൾ ഒരിക്കലും കൈ പിടിച്ചിരുന്നില്ല.
“ഇത് എന്താണ് മീര ? നീ എന്തിനാ ഒരു സംശയത്തോടു കൂടി സംസാരിക്കുന്നെ, നിനക്ക് എന്നോട് എന്തും തുറന്ന് പറയാല്ലോ”
അവൾ എന്റെ കണ്ണുകളിലേക്ക് നോക്കി. അവൾ തിരയുന്നത് അവൾ കണ്ടെത്തിയിരിക്കണം, കാരണം നിമിഷങ്ങൾക്കുശേഷം അവൾ പുഞ്ചിരിച്ചു,
ആ ചിരി മരിച്ചു മണ്ണോടു ചേരുന്നത് വരെ ഞാൻ എപ്പോഴും ഓർക്കും. ഞാൻ ഇപ്പോൾ കണ്ണുകൾ അടയ്ക്കുമ്പോൾ പോലും എനിക്ക് അത് കാണാൻ കഴിയും – ഹൃദയത്തിന്റെ മെമ്മറി പുസ്തകത്തിൽ ഒരു നിമിഷം സമയം മരവിചിരുന്നു പോയി ഞാൻ. അത്രയ്ക്ക് സുന്ദരമായിരുന്നു അത്.
“ഷാനു , എനിക്ക് സന്ദീപിനെ ഇഷ്ടമാണ് . അടുത്ത വർഷം ഞങ്ങൾ വിവാഹിതരാകാൻ പോകുന്നു. ”
ഞാൻ ചിരിച്ചില്ല.
അത് കേട്ടപ്പോൾ ഒരു മരവിച്ച അവസ്ഥയായിപ്പോയി എനിക്ക്
അവധിക്കാലത്ത് ഞങ്ങളുടെ ബാച്ച്മേറ്റ് സന്ദീപുമായു നടത്തിയ നീണ്ട സംഭാഷണത്തെക്കുറിച്ച് അവൾ എന്നോട് പറഞ്ഞിട്ടുണ്ടായിരുന്നു – ഓൺലൈൻ ചാറ്റുകൾ, കുടുംബങ്ങളുടെ കൂടിക്കാഴ്ച. വിവാഹനിശ്ചയ തീയതികൾ , അവൾ ഓരോന്നോരോന്നായി പറഞ്ഞു കൊണ്ടേ ഇരുന്നു .ദൈവത്തിന്റെ സഹായം കൊണ്ട് ഞങ്ങളുടെ സൗഹൃദത്തിൽ വിള്ളൽ വീഴ്ത്താൻ അപ്പോൾ എനിക്ക് കഴിഞ്ഞില്ല , ഒരു നിമിഷം പോലും. ഹൃദയം പൊട്ടി കരയുകയായിരുന്നെങ്കിലും പുറമെ ഞാൻ ചിരിച്ചു, അവൾ അവളുടെ ഭയങ്ങളെക്കുറിച്ച് സംസാരിക്കുമ്പോൾ ഞാൻ അവളെ ആശ്വസിപ്പിച്ചു, ആ നിമിഷം കണ്ണുകൾ നനയ്ക്കുന്നത് പോലും ഉചിതമാണെന്ന് തോന്നി – ഒരു സുഹൃത്ത് തന്റെ ഉറ്റ ചങ്ങാതിയുടെ സന്തോഷത്തിൽ പങ്കു ചേരുന്നത് പോലെ .
അവളുടെ മുഖത്തു വീണ്ടും പുഞ്ചിരി വീണു, അവളുടെ ശബ്ദത്തിലെ അസ്വസ്ഥതയും പേടിയും എല്ലാം മാറിയിരിക്കുന്നു, ഇപ്പൊ എന്റെ പഴയ മീരയായി മാറിക്കഴിഞ്ഞു .
”ഇനി ഷാനു പറ, എന്താണ് നിനക്ക് എന്നോട് പറയാൻ ഉള്ളത്”
ഞാൻ അവളെ നോക്കി. ഇതാണ് മീര . എനിക്ക് അവളോട് കള്ളം പറയാൻ കഴിഞ്ഞില്ല.
അവൾ അവളുടെ കൈകൾ എന്റെ കൈകളിൽ മുറുകെ പിടിച്ചു
“പറ ഷാനു, എന്തെ എന്നെ വിശ്വാസം ഇല്ലേ?”
വല്ലാത്തൊരു ഫീൽ കണ്ണ്നിറഞ്ഞു…
അടിപൊളി… എന്തോ മനസ്സിൽ കൊണ്ട്
😍😍😍😍😍😍😍😇