ഒരുപാടു വർഷങ്ങൾക്കുശേഷം ഞാൻ ഇന്ന് ആ മോതിരം കണ്ടു. ഒരുപാടു ഓർമ്മകളുടെ കലവറ തുറക്കുന്ന ഒരു കഴ്ചയായിരുന്നു ഇത്,കാലങ്ങളായി കണ്ടിട്ടില്ല. വികാരങ്ങളുടെ നിശബ്ദമായ ഒരു വെളിച്ചം  അതിന്റെ മുകളിലൂടെ ഒഴുകുന്നത് പോലെ തോന്നി, നിലാവുള്ള രാത്രിയിലെ നിശബ്ദതയിൽ ആരോ പുല്ലാങ്കുഴൽ വായിക്കുന്നത് പോലെ ഒരു സ്വർഗ രാഗം എന്റെ മനസ്സിൽ കൂടെ കടന്ന് പോയി , എനിക്ക് ചുറ്റുമുള്ള ലോകം എന്റെ ഓർമ്മകളെ തടസപ്പെടുത്താതെ  തടസ്സമില്ലാതെ പ്രവർത്തിച്ചുകൊണ്ടിരിക്കുമ്പോൾ പോലും ആ  പരിചിതമായ ഒരു രാഗം എന്റെ മനസ്സിൽ ഒരിക്കൽ കൂടി കേൾക്കാൻ എനിക്ക് കഴിഞ്ഞു- വർഷങ്ങളായി ഞാൻ കേട്ടിട്ടില്ലാത്ത ഒരു ഗാനം. പതുക്കെ, ഞാൻ ആ സ്വർണ്ണ മോതിരത്തിലേക്ക് ഉറ്റുനോക്കുമ്പോൾ ഓർമ്മകളും പഴയ സ്വപ്നങ്ങളും എന്നെ നോക്കി ചിരിക്കുന്നത് പോലെ തോന്നി ….ആരുടെ പേരിലാണ് ഞാൻ ഇത് ബിൽ ചെയ്യേണ്ടത്? ജ്വല്ലറി ജീവനക്കാരൻ  അവന്റെ കണ്ണുകൾ കമ്പ്യൂട്ടർ സ്ക്രീനിൽ നിന്ന് എടുക്കാതെ ചോദിച്ചു,.

“എന്റെ ” , “ഞാൻ ഉദ്ദേശിച്ചത് ഷാനു”.

ആ മോതിരത്തിൽ  നിന്ന് കണ്ണെടുക്കാതെയായിരുന്നു എന്റെ ഉത്തരം.. തിളങ്ങുന്ന വജ്രങ്ങളോ മാണിക്യങ്ങളോ അതിൽ ഉണ്ടായിരുന്നില്ല. ബാക്കിയുള്ളവർക് അത് വെറും സ്വർണ മോതിരം  മാത്രമാണ് . എന്നാൽ എന്നെ സംബന്ധിച്ചിടത്തോളം, ഇത് എന്റെ ഹോസ്റ്റൽ ജീവിതത്തിലെ ഒരു വർഷത്തെ ഭക്ഷണ ചിലവിൽ നിന്ന് മിച്ചം പിടിച്ചതും കൂട്ടുകാരുടെ കൂടെ പുറത്തു കറങ്ങിആസ്വദിക്കേണ്ട പ്രായത്തിലെ ചെലവ് ചുരുക്കലിന്റെ ബാക്കി കൂടിയായിരുന്നു. ഏറ്റവും പ്രധാനമായി, ഇത് എൻറെ ഹൃദയത്തിൽ വളരെക്കാലമായി നിലനിന്നിരുന്ന വികാരങ്ങളെ പ്രതിനിധീകരിക്കുന്ന ഒന്നായിരുന്നു . മനസ്സില്ലാമനസ്സോടെ, ഒരു പുഞ്ചിരി എന്റെ ചുണ്ടുകളിൽ കൂടെ  വീണ്ടും കടന്നുപോയി, സ്വർണ്ണത്തിൽ കൊത്തിയെടുത്ത രണ്ട് അക്ഷരങ്ങൾ ഞാൻ കണ്ടു: S & M .

M എന്നാൽ  മീര . അവളെക്കുറിച്ച് ഞാൻ  എന്ത് പറയാനാ ? വർഷങ്ങളായി ഞങ്ങൾക്ക്  പരസ്പരം അറിയാം. ഒരേ മെഡിക്കൽ കോഴ്‌സിൽ അവിചാരിതമായി എത്തിപ്പെട്ടു കുടുങ്ങിപ്പോയ രണ്ടു പേർ . അവളെക്കുറിച്ചുള്ള എന്റെ ആദ്യത്തെ ധാരണ അവൾ ഒരു അഹങ്കാരിയായ കുട്ടി എന്നായിരുന്നു . പക്ഷെ എങ്ങനെയോ ഞങ്ങൾ തമ്മിൽ കൂട്ടായി .കാലക്രമേണ ഞങ്ങൾ രണ്ടുപേരും മുൻജന്മ ബന്ധമുള്ള സുഹൃത്തുക്കളായി മാറുകയായിരുന്നു എന്ന് വേണം