ഓർമ്മകൾ 2 [മനൂസ്] [Climax] 3085

ഞാൻ ആതുവിന്റെ മുഖത് നോക്കി ആമുഖം ഒന്നുമില്ലാതെ പറഞ്ഞു തുടങ്ങി…..

“അവൾ അശ്വതി….. നാട്ടിൽ നിന്നും ദൂരെ എറണാകുളത്തുള്ള കോളേജ് സമയത്തു അനുവാദം കൂടാതെ മനസ്സിലേക്ക് ഇടിച്ചു കയറിയ പെണ്ണ്…. വിപ്ലവം തലയ്ക്കു പിടിച്ചു കോളേജിൽ പാർട്ടിയിൽ പ്രവർത്തിച്ചു കൊണ്ടിരിക്കുന്ന  സമയം….

പി ജി അവസാന വർഷം ആയതിനാൽ ഞാൻ കോളേജ് ജീവിതം ആസ്വദിക്കുന്ന തിരക്കിൽ ആയിരുന്നു… അവിടേക്കു ഡിഗ്രി ആദ്യ വർഷ ഇംഗ്ലീഷ് വിദ്യാർത്ഥി ആയിട്ടാരുന്നു അവളുടെ വരവ്…

ന്റെ ഓർമ്മകൾ  4 വർഷങ്ങൾക്ക്  പിറകെ പോയി….

സുഹൃത്തിന്റെ കസിൻ എന്ന നിലക്ക് അവൻ പരിചയപെടുത്തി തന്നതാണ് അവളെ എനിക്കു…. ആദ്യം കണ്ടപ്പോഴേ ആ പുഞ്ചിരി നിറഞ്ഞ മുഖം എന്നെ വല്ലാതെ ആകർഷിച്ചു…. എപ്പോഴും ചിരിച്ച മുഖത്തോടെ അവളെ ഞാൻ കണ്ടിട്ടുള്ളൂ… ഇടക്ക് ആ പരിചയം വച്ചു മിണ്ടും…

കോളേജിലെ ഒരു പാർട്ടി പ്രവർത്തകൻ എന്ന നിലയിൽ അവൾക്കു വേണ്ട അത്യാവശ്യം സഹായങ്ങൾ ഞാൻ ചെയ്തു കൊടുത്തിരുന്നു ആദ്യമൊക്കെ അതിലുടെ ഞങ്ങൾ പരസപരം അറിഞ്ഞു നല്ല സുഹൃത്തുക്കൾ ആയി….. എനിക്ക് അവളോട്‌ സുഹൃത്ത് എന്നതിലുപരി ഒരു ഇഷ്ടം ഉണ്ടായിരുന്നു പക്ഷെ പേടി കൊണ്ട് പറയാൻ കഴിഞ്ഞില്ല,,, അവളുടെ പെരുമാറ്റത്തിൽ നിന്നും ഒരു പ്രണയം അവൾക്കു എന്നോട് ഉള്ളതായി തോന്നിയതെ ഇല്ല…. സൗഹൃദം നടിച്ചുകൊണ്ടു ഉള്ളിലെ ഇഷ്ടം മറച്ചു വച്ച് ഞാൻ അവളോടൊപ്പം കോളേജിലെ നാളുകൾ തള്ളിനീക്കി..

പക്ഷെ ഒരു ദിവസം എന്റെ സംശയത്തിനുള്ള ഉത്തരം എനിക്ക് കിട്ടി…

“ഏട്ടാ…. സച്ചുവേട്ടാ… ഇപ്പോൾ മുഴുവൻ സമയവും ആ ഫിസിക്സ് ലെ ഇന്ദുവും ആയിട്ടാണല്ലോ സംസാരം… ദേ ചീത്തപേര്  വാങ്ങിക്കോ… ”

ഉച്ചക്കുള്ള പതിവ് കൂടിക്കാഴ്ചയിൽ അശ്വതി ചോദിച്ചു..

“അയ്യോ ഞാനോ… ഡീ പൊട്ടി അവള്  ന്റെ വല്യമ്മയുടെ മോളാ… ന്റെ പെങ്ങൾ… ”