ഓർമ്മകൾ 2 [മനൂസ്] [Climax] 3085

അവളെ പിരിയുന്ന കാര്യം എനിക്ക് ആലോചിക്കാൻ പോലും കഴിയില്ല… കാരണം അവൾ എന്നത് എനിക്കൊരു ഭ്രാന്ത്‌ ആയിരുന്നു…. അവളെ നഷ്ടപെടുന്നതു എനിക്ക് എന്നെ തന്നെ നഷ്ടമാകുന്നതിനു തുല്യം ആയിരുന്നു…..

കോളേജ് കഴിഞ്ഞിട്ടും ഇടക്കിടെ ഞാൻ അവളെ പോയി കണ്ടിരുന്നു…. ഫോൺ വിളിയിലൂടെ ഞങ്ങൾ എന്നും പ്രണയിച്ചു…. അവളെ നേടാൻ വേണ്ടി ഞാൻ ഒരു ജോലിക്കു ശ്രമിച്ചു കൊണ്ടിരുന്നു… അതിന്റെ ഫലമായി ഒരു പ്രൈവറ്റ് സ്ഥാപനത്തിൽ എനിക്ക് ക്ലാർക്ക് ആയി ജോലി കിട്ടി….

അപ്പോഴേക്കും അവൾക്കു വീട്ടിൽ കല്യാണം ആലോചിച്ചു തുടങ്ങിയിരുന്നു….. ഈ ജോലിയും അവളുടെ അച്ഛനെ തൃപ്തി നൽകില്ല എന്ന് എനിക്ക് അറിയാം,, പക്ഷെ ന്റെ അച്ചുവിനെ കൈ വിടാൻ മനസ്സ് അനുവദിക്കുന്നില്ല…

അച്ചുവിന്റെ കാര്യം അമ്മയെ അറിയിച്ചു… ന്റെ ഇഷ്ടങ്ങൾ എന്നും സാധിച്ചു തന്ന അമ്മ ഇതും സമ്മതിച്ചു….. ആ സമ്മതം എനിക്ക് എന്നെ കിട്ടിയതാണ്….

പക്ഷെ അവളുടെ ആലോചനയും ആയി പോയ ഞങ്ങളെ ജാതിയുടെയും പണത്തിന്റെയും അളവുകോൽ കൊണ്ട് തൂക്കി അയാൾ അപമാനിച്ചു…. അച്ഛൻ മരിച്ചതിനു ശേഷം ന്റെ അമ്മ കരയുന്നതു ഞാൻ കണ്ടു….. ഒരു മാസത്തിനുള്ളിൽ അവളുടെ വിവാഹം നടത്തും എന്ന് അയാൾ എന്നോട്  വെല്ലുവിളിച്ചു…..

അങ്ങനെ കോളേജിലെ സുഹൃത്തുക്കൾ കൂടി ചേർന്ന് വിവാഹം രജിസ്റ്റർ ചെയ്യാനുള്ള തീരുമാനം എടുത്തു.,, എനിക്കും സമ്മതം ആയിരുന്നു കാരണം അവളെ നഷ്ടപ്പെടാൻ ഒരിക്കലും ഞാൻ ആഗ്രഹിച്ചിട്ടില്ല….

അവളെ ഞാൻ കാര്യങ്ങൾ ഫോണിലൂടെ പറഞ്ഞു മനസ്സിലാക്കി…. എന്നെ കെട്ടിയില്ലേ മരണം മാത്രമെന്നു കരുതിയ അവൾക്കു ഇത് പുതു ജീവിതത്തിലേക്കുള്ള വഴി ആയിരുന്നു….

അങ്ങനെ അവളുടെ അച്ഛൻ ബിസിനെസ്സ് ആവശ്യത്തിനു പുറത്തുപോയ ഒരു നാൾ ഞാൻ അവളെ വീട്ടിൽ നിന്നും ഇറക്കി എന്റെ ഒരു ബന്ധുവിന്റെ ആളില്ലാത്ത വീട്ടിൽ കൊണ്ടു വന്നു….

പിറ്റേന്ന് രജിസ്റ്റർനു വേണ്ട കാര്യങ്ങൾ എല്ലാം ഫ്രണ്ട്സ് ശരിയാക്കാം എന്ന് ഉറപ്പു തന്നിരുന്നു…..ദൈവം ഞങ്ങളെ ഒന്നിപ്പിച്ച സന്തോഷത്തിൽ താലി കെട്ടിന് മുൻപ് തന്നെ അവളെ എല്ലാ അർത്ഥത്തിലും അന്നത്തെ രാവിൽ ഞാൻ സ്വന്തമാക്കി…. അതും അവളുടെ ശരീരത്തോട് തോന്നിയ ഭ്രമം കൊണ്ടല്ല അവളുടെ പ്രണയത്തിന്റെ തീവ്രത കൊണ്ട് സംഭവിച്ചതാണ്…..