ഒടിയൻ 2 [അപ്പു] 259

പിന്നാലെ ചെന്ന ലക്ഷ്മി വിളിച്ചെങ്കിലും അവൾ കേട്ടതായി തോന്നിയില്ല

” ചേച്ചി… ചേച്ചി വാ ഈ അസമയത്ത് പുറത്ത് ഇറങ്ങേണ്ട പ്രത്യകിച് വയറ്റിലുള്ളപ്പോ..!”

” കൊണ്ടുപോട്ടെ. എന്നെയും കൊണ്ടുപോയി കൊല്ലട്ടെ. എന്റെ കുഞ്ഞിനേയും എടുക്കട്ടെ. പാതി ചത്ത ഞാനിനി എന്തിന് ജീവിക്കണം മോളെ…..

“……ഞാനാ.. ഞാനാ ഏട്ടനെ പറഞ്ഞ് വിട്ടത്. വേണ്ട വേണ്ട ന്ന് പറഞ്ഞിട്ടും കേട്ടില്ല. എന്റെ ആഗ്രഹത്തിനാണ് ഏട്ടൻ പോയത്. എന്നാലും ന്റെ ദേവേട്ടൻ …. ”

അതും പറഞ്ഞ് പെട്ടന്ന് പാർവതി ഒരു ഭ്രാന്തിയെപ്പോലെ നിലത്ത് കുത്തിയിരുന്ന് അലമുറയിട്ട് കരഞ്ഞു. ലക്ഷ്മി മുട്ടുകുത്തി അവളെ കെട്ടിപ്പിടിച്ചു. അവളും കരഞ്ഞു ഒരുപാട്. ഇതെല്ലാം കണ്ടിട്ടും എന്ത് പറഞ്ഞ് ആശ്വസിപ്പിക്കണം എന്നറിയാതെ ഗോവിന്ദൻ നായർ വാതിൽപ്പടിയിൽ നിന്ന് കരഞ്ഞു. പക്ഷെ ലക്ഷ്മി പലതും മനസിൽ കണ്ടിരുന്നു.

ദിവസങ്ങൾ കഴിഞ്ഞു.

അന്നത്തെ പൗർണ്ണമിക്ക് ശേഷം വന്ന അമവാസി ദിനത്തിൽ വശീകരിച്ച മറ്റൊരു പെണ്ണിന്റെ ഭ്രൂണത്തിൽ നിന്ന് ഒടിമരുന്നും ശേഖരിച്ച് കർമങ്ങളും കഴിഞ്ഞ് ഭാർഗവൻ തിരികെ കുടിലിലേക്ക് നടന്നു.

വേലിക്കകത്ത് കാൽ കുത്തിയപ്പോഴേ അന്യന്റെ സാന്നിധ്യം അയാൾ തിരിച്ചറിഞ്ഞു. മുറ്റത്ത് കുടിയിരുത്തിയ മാടനും കുലദൈവത്തിനും കള്ളും കരളും സമർപ്പിച്ച് അയാൾ കുടിലിനുള്ളിലേക്ക് കയറി.

അകത്ത് കയറിയതും കണ്ണഞ്ചിപ്പിക്കുന്ന കാഴ്ച്ചയാണ് കുടിലിൽ അയാളെ വരവേറ്റത്. വെണ്ണതോൽക്കുന്ന ഉടലിൽ നേരിയ കസവുചുറ്റി കുടിലിലെ വിളക്കിന്റെ നേരിയ വെട്ടത്തിൽ അയാൾ കണ്ടു…..ലക്ഷ്മി.

മയ്യെഴുതിയ കണ്ണിൽ കാമം നിറച്ച് അവൾ അയാളെ നോക്കി. ദേവലോകസുന്ദരിയെ തോൽപിക്കാൻ പോന്ന അവളുടെ ശരീരത്തിൽ ഒരുവേള അയാൾ പോലും മയങ്ങിപ്പോയി.

“തമ്പ്രാട്ടി എന്താ ഒടിയന്റെ കുടീല് ?? ” അവളെ ശ്രദ്ധിക്കാതെ അലസമായി അയാൾ ചോദിച്ചു.

” ആളുകൾ എന്തിനാ ഒടിയന്റെ അടുത്ത് വരണേ..?? ”
അഴിച്ചിട്ട മുടി മുന്നിലേക്കിട്ട് ലാസ്യ ഭാവത്തിൽ ലക്ഷ്മി ചോദിച്ചു.

” ആരെയാ ഒടിവെക്കേണ്ടത് ചേച്ചിയുടെ ഭർത്താവിനെ കൊന്ന എന്നെയോ അതോ കൊല്ലിച്ച കേശവൻ നായരെയോ..?? ”
അവളെ നോക്കാതെ നിലത്തിരുന്ന് മണ്ണെണ്ണ വിളക്കിൽ തിരിയിട്ട് അയാൾ ചോദിച്ചു

” വാടക കൊലയാളിയെ അല്ല എനിക്കാവശ്യം അത് ഏല്പിച്ച ആളെ.. അയാളെ അത് ചെയ്തയാൾ തന്നെ ഇല്ലാതാക്കണം..”

” പ്രതിഫലം….?? ”

ലക്ഷ്മി ദേഹത്ത് കിടന്ന കസവുതുണിയിലെ പിടി അയച്ചു. അത് നിലത്തൂർന്ന് വീണു.. കമദേവനെപോലും മോഹിപ്പിക്കുന്ന മേനിയഴക് ഭാർഗവന് മുന്നിൽ അവൾ അനാവരണം ചെയ്തു.

” കേശവൻ നായർ തരാമെന്നേൽക്കുന്നത്ര പണം മറ്റാർക്കും തരാനാവില്ല. പക്ഷെ എത്ര സ്വർണം കൂട്ടി തുലാഭാരം നടത്തിയാലും ഉയർന്നിരിക്കും എന്റെ ശരീരം, എന്റെ കന്യകാത്വം. അത് നിനക്ക് ഞാൻ തരാം. നീ ആശിക്കുന്നത്ര രാത്രികളും.അതാണ് അയാൾക്കും വേണ്ടിയിരുന്നത്. പക്ഷെ അയാൾ കൊല്ലപ്പെടണം.എങ്കിൽ അമവാസി രാത്രികളിൽ ഒടിയനെ കാത്തിരിക്കാൻ ഈ ഞാനുണ്ടാവും. “