ഒടിയൻ [അപ്പു] 244

നിലവിളിച്ചു. എന്നെ ഒന്നും ചെയ്തില്ല ആന പോയി. നെഞ്ച് പൊട്ടി എല്ലുകൾ പുറത്ത് വന്ന് ചത്ത് മലച്ചു കിടക്കുന്ന ചേറുവിനെ കണ്ട ഞാൻ വലിയവായിൽ നിലവിളിച്ച് എങ്ങോട്ടെന്നില്ലാതെ ഓടി. പെട്ടന്ന് ഒരു വലിയ കല്ല് തനിയെ വായുവിൽ ഉയർന്ന് വന്ന് എന്റെ തലയിൽ ഇടിച്ചു. പിന്നെ എനിക്കൊന്നും ഓർമയില്ല.

ചാവുന്നിടത്തോളം കാലം തങ്ങളുടെ വീരകൃത്യങ്ങൾ വാഴ്ത്താൻ ഓടിയന്മാർ ചിലരെ ബാക്കിയാക്കും അതിലൊരാളായി രാഘവൻ.

11 പേരാണ് ഒറ്റ ദിവസം മരിച്ചത്. ഓരോ ആളുകളും ഓരോ മൃഗങ്ങളുടെ ആക്രമണത്തിൽ. കാള പോത്ത് ആന പാമ്പ് ചെന്നായ അങ്ങനെ ഓരോന്നും ഓരോ അപകടങ്ങൾ. കണ്ണന്റെ വാക്കിൽ വിശ്വസിച്ച് തലയുയർത്തി കാലമർത്തി പടിപ്പുര കടന്നവരുടെ കഴുത്തും കാലും ഒടിച്ച് മടക്കി കൊന്നിട്ടിരിക്കുന്നത് കണ്ട് ഭയന്നവർ നേരം വെളുക്കുന്നതിന് മുന്നേ തലയും താഴ്ത്തി മനയിൽ എത്തി കേശവൻ നായരുടെ കാലിൽ വീണു. കേശവൻനായർ ആർത്തട്ടഹസിച്ചു. കണ്ടവരും കേട്ടവരും ഭയന്ന് തലകുനിച്ചു. അത് പക്ഷെ അയാളെയല്ല. അയാൾ കല്പിച്ചാൽ നായായും നരിയായും മാറാൻ കഴിവുള്ളവനെയായിരുന്നു. ഒടിയനെ…

ചില ഒടിയന്മാര് പേടിപ്പിക്കേ ഉള്ളു പേടിപ്പിച്ച് കൊല്ലും പക്ഷെ ഭാർഗവൻ. അവൻ ഒടിവെച്ചാൽ കാലനും തടുക്കാനാവില്ല….
കവലയിലെ ആൽമരത്തിനടിയിലിരുന്ന് തലമൂത്ത കാരണവന്മാർ കഥകൾ പറഞ്ഞ് തുടങ്ങി. അന്നേരമാണ് കുഞ്ചു അവിടെ എത്തിയത്. ഭാർഗവനെ കൂട്ടാൻ പോയ കഥ അയാളും പറഞ്ഞു. ഒടിയൻതുരുത്തിലെ കഥ കേൾക്കാൻ എല്ലാവരും ചെവി കൂർപ്പിച്ചു.

തമ്പ്രാൻ കല്പിച്ചതനുസരിച്ച് സന്ധ്യമയങ്ങി ഇരുട്ടായപ്പോഴാണ് ഞാൻ അവിടെ വള്ളം ഇറങ്ങിയത്. വന്മരങ്ങൾ മാത്രമുള്ള ഒട്ടും കാടുപിടിക്കാത്ത ഒടിയൻതുരുത്ത്. ഞാൻ ഒറ്റക്കല്ല മ്മടെ കേളുവും കീച്ചനും കൂടെയുണ്ട്. ഞങ്ങൾ നടന്നു. ഒടിയൻതുരുത്തിലെ ഒരേയൊരു കുടിലിലേക്ക്. ഒടിയന്റെ വീട്ടിലേക്ക്. കണ്ണിൽ കുത്തുന്ന ഇരുട്ടിൽ പന്തം വീശി നടന്നപ്പോ ഞങ്ങൾക്ക് മനസിലായി ഞങ്ങൾ മൂന്നുപേരല്ല ഒരു നാലാമനും കൂടെയുണ്ട്. ഞങ്ങൾ നിന്നു. ഒരടി അനങ്ങിയില്ല. തിരിഞ്ഞ് നോക്കിയില്ല. മാടൻ കുടിയിരിക്കുന്ന തുരുത്തിൽ തിരിഞ്ഞ് നോക്കിയാൽ മടലിന് അടിയുറപ്പ്.

ന്താ കുഞ്ചാ ഈ വഴിക്ക്.??

ശബ്ദം കേട്ടത് എന്റെ തലയുടെ പിന്നിൽ നിന്ന് പക്ഷെ എന്റെ പുറകിലുള്ള കീച്ചൻ ഒരാളെ പോലും കണ്ടില്ല.

ത.. തമ്പ്രാൻ പറ..ഞ്ഞയച്ചതാ.. ണെ!!

വിറച്ച് ഞാൻ പറഞ്ഞു…

എന്തെ കാര്യം… തമ്പ്രാനെ കാണാൻ വയ്യ.. നീയ്യ് കാര്യം പറ…!!

മനയിൽ സംഭവിച്ചത് വള്ളിപുള്ളി വിടാതെ ഞാൻ പറഞ്ഞു..

ഓ അപ്പൊ അവർക്കാണ് ഒടി…