MOONLIGHT V

മാലാഖയുടെ കാമുകൻ

Previous Part 

Moonlight

“ജൂഹി.. ഷിപ്പ് ഇവിടെ അല്ലെ..?”

ജെയിംസ് പെട്ടെന്ന് അത് കൈ കൊണ്ട് തപ്പി നോക്കി.. അയാളുടെ നെറ്റി ചുളിഞ്ഞു..

“അത് കാണുന്നില്ലല്ലോ…!”

“കാണുന്നില്ലേ..?”

ജെയിംസ് അത് പറഞ്ഞപ്പോൾ അവർ വേവലാതിയോടെ അവിടെ കൈ എത്തിച്ചു തപ്പി നോക്കി.. സ്പേസ് ഷിപ്പ് അവിടെ ഇല്ലായിരുന്നു..

“ചുറ്റിനും തപ്പി നോക്ക്..!”

മുൻപോട്ട് നടന്ന് എല്ലായിടവും തപ്പി നോക്കി എങ്കിലും അത് കാണാൻ ആയില്ല.. തണുപ്പ് കൂടി കൂടി വരുന്നു.. അവർ നിൽക്കുന്നതിന്റെ ചുറ്റിനും മഞ്ഞിന്റെ കുന്നുകൾ ആണ്..

“ജെയിംസ്..? ഇനി സ്പേസ് ഷിപ്പ് മഞ്ഞ് വീണു മൂടി പോയോ..?”

അയാൾക്കും എന്ത് ചെയ്യണം എന്ന് ഒരു വശവും ഇല്ലായിരുന്നു..

“സാധ്യത ഇല്ല.. ഷിപ്പ് നിലത്ത് ഉറച്ചു നിന്നതിന്റെ അടയാളം ഇപ്പോഴും ഉണ്ട്.. നോക്ക്.. അത് ആരോ കൊണ്ടുപോയത് തന്നെ ആണ്..”

ജൂഹി നിരാശയോടെ പറഞ്ഞു..

“മരിക്കാൻ വേണ്ടിയാണോ അവർ നമ്മളെ ഇവിടേക്ക് വിട്ടത്..!”

ആലിസ് പരാതി പറഞ്ഞുകൊണ്ട് ചുറ്റും നോക്കി.. അവളുടെ കണ്ണുകൾ എന്തിലോ ഉടക്കി..

“ജെയിംസ്…!!!!!”

ആലിസിന്റെ പേടിച്ച നിലവിളി കേട്ട് എല്ലാവരും ഞെട്ടി അവളെ നോക്കി.. അവൾ എന്തോ കണ്ടു പേടിച്ചത് പോലെ ഒരു മഞ്ഞ് കുന്നിന് മുകളിലേക്ക് നോക്കി നിന്നപ്പോൾ അവരും അവിടേക്ക് നോക്കി..

“ആആആ..”

അവിടേക്ക് നോക്കിയ എല്ലാവരും ഒരു ഞെട്ടലോടെ അലറിക്കൊണ്ട് പുറകോട്ട് മാറി.. ആ മൈനസ് ഡിഗ്രി തണുപ്പിലും അവർ ആ കാഴ്ച കണ്ടു വിയർത്തു..

“എന്താ അത്..??”