MOONLIGHT V (മാലാഖയുടെ കാമുകൻ) 948

“എന്നും പ്രശ്നങ്ങൾ തന്നെ ആണല്ലോ മെറിൻ..”

“മ്മ്മ്..”

ലിസ ഒരു ദീർഘ നിശ്വാസത്തോടെ വണ്ടിയിലേക്ക് കയറി.. ഒപ്പം മെറിനും..

•••

“എല്ലാം മനസ്സിലായില്ലേ..? ഇനി തനിയെ ചെയ്യുമല്ലോ..?”

അവൾ ജൂഹിയോട് ചോദിച്ചപ്പോൾ അവൾ തല കുലുക്കി.

“നിനക്ക് മനസ്സിലാകാതെ ഇരിക്കാൻ മാർഗ്ഗം ഇല്ല.. നിന്റെ കഴിവുകൾ ഇനിയും നീ മനസ്സിലാക്കാൻ ഉണ്ട് ജൂഹി…”

ജൂഹി സംശയത്തോടെ അവളെ നോക്കി..

“വരൂ.. കുറച്ചു കാര്യങ്ങൾ പറയാൻ ഉണ്ട്..”

അവൾ അത് പറഞ്ഞു കണ്ട്രോൾ റൂമിൽ നിന്നും പുറത്തേക്ക് പോയപ്പോൾ ജൂഹി ഒരു നിമിഷം സംശയത്തോടെ ഇരുന്നു..

അവൾ എന്താണ് പറഞ്ഞത് എന്ന് അവൾക്ക് മനസിലായില്ല..

“ഈ ഷിപ് കണ്ട്രോൾ ചെയ്യാൻ ഞാൻ ജൂഹിയെ പഠിപ്പിച്ചു കൊടുത്തിട്ടുണ്ട്.. അവൾ ആയിരിക്കും ഇനി നിങ്ങളെ മുൻപോട്ട് കൊണ്ടുപോകുക..”

അവൾ അത് പറഞ്ഞപ്പോൾ എല്ലാവരും ഒന്ന് പരസ്പരം നോക്കി..

“ഇനിയും..? അവിടേക്ക് പോകണോ ഞങ്ങൾ..?”

“പേടിയുണ്ടോ..? എൽവിഷ് ലോകത്തെ രക്ഷിക്കാൻ എന്തും ചെയ്യും എന്നല്ലേ നിങ്ങൾ ഓർക്കിഡിന്റെ അടുത്ത് പറഞ്ഞത്..?”

അവൾ പുഞ്ചിരിയോടെ അത് ചോദിച്ചപ്പോൾ അവർ പെട്ടെന്ന് ഒന്നും പറഞ്ഞില്ല.. ഇനിയും അവിടേക്ക് പോകേണ്ടി വരും എന്ന് ആരും ചിന്തിച്ചിരുന്നില്ല..

“അപ്പോൾ നിങ്ങൾ ആരും വരില്ലേ..?”

ജെയിംസ് അവളെ നോക്കി ചോദിച്ചു.

“മറ്റു ലോകങ്ങൾ പോലെ അല്ല എൽവിഷ് ലോകം.. അവിടെ ചില പ്രധാനപ്പെട്ട നിയമങ്ങൾ ഉണ്ട്.. അതെല്ലാം നിങ്ങൾക്ക് വഴിയേ പറഞ്ഞു തരാം.. തൽക്കാലം നിങ്ങൾക്ക് വേണ്ടത് ധൈര്യം ആണ്.. ചില ആയുധങ്ങളും..”

അവൾ അത് പറഞ്ഞപ്പോൾ ഒലിവറിനും ജാക്കിനും ആവേശം തോന്നി..