MOONLIGHT III (മാലാഖയുടെ കാമുകൻ) 1126

അലർച്ചയോടെ ഒലിവർ ശക്തമായി വാൾ വെച്ച് വെട്ടി കൊണ്ട് മുൻപോട്ട് ചാടിയപ്പോൾ ചുവന്ന നിറമുള്ള ആ മനുഷ്യർ അലർച്ചയോടെ കാല് വീശി ചവുട്ടി..

നെഞ്ചിൽ തന്നെ ചവിട്ട് കൊണ്ട് ഒലിവർ എടുത്തടിച്ചു താഴേക്ക് വീണു.. വാൾ വീണു പോയിരുന്നു..

നിമിഷ നേരം കൊണ്ട് ആ വാൾ നിലത്ത് നിന്നും എടുത്ത ചുവന്ന മനുഷ്യൻ ഒലിവറിന്റെ കഴുത്ത് ലക്ഷ്യം ആക്കി വെട്ടി..

അത് കണ്ട രണ്ട് എൽഫ്‌ പെണ്ണുങ്ങളും അവർ മൂവരും അലറി കരഞ്ഞു കൊണ്ട് കണ്ണുകൾ ഇറുക്കെ അടച്ചു..

“ക്ലിമ്..!!”

വാൾ എന്തിലോ ശക്തമായി തട്ടിയ സ്വരം കേട്ടപ്പോൾ അവർ കണ്ണ് തുറന്നു നോക്കി..

ചുവന്ന മനുഷ്യൻ വെട്ടിയ വാൾ ഒലിവറിന്റെ കഴുത്തിന് തൊട്ടു മുകളിൽ വച്ച് മറ്റൊരു വാൾ തടുത്തിരിക്കുന്നു… ഒലിവർ കണ്ണും മിഴിച്ചു കിടക്കുന്നു..

കുറുകെ വന്ന ആ വാൾ പിടിച്ച ആളെ കണ്ടതും രണ്ട് എൽഫ് പെണ്ണുങ്ങളും ബാക്കി ഉള്ളവരും ഒരുമിച്ച് പേടിച്ചു..

ഗുഹയിൽ വന്നു ജൂഹിയുടെ കഴുത്തിൽ പിടിച്ചു പൊക്കിയ എൽഫ്‌ പെണ്ണ്.. അവളുടെ മുഖം ദേഷ്യത്തിൽ ആയിരുന്നു..

ചുവന്ന മനുഷ്യൻ അലറിക്കൊണ്ട് മറ്റേ കൈ കൊണ്ട് ഒരു അടി അടിച്ചപ്പോൾ അവൾ തെറിച്ചു വീണു.. എന്നാൽ വീഴും മുൻപേ അവൾ കാലുകൾ കുത്തി വാൾ നിലത്ത് കുത്തി ബാലൻസ് ചെയ്തു നിന്നു..

കുതിച്ചു അവൾക്ക് നേരെ പാഞ്ഞ ചുവന്ന മനുഷ്യന്റെ മുൻപിൽ ഇരുന്ന അവൾ അയാൾ അടുത്ത് വന്നപ്പോൾ ഒന്ന് മുൻപോട്ട് ഉരുണ്ട് വാൾ മുകളിലേക്ക് ഉയർത്തി.. ഒരു അലർച്ച കേട്ടു..

അവൾ ചുവന്ന മനുഷ്യന്റെ അടിയിൽ നിന്നും ചാടി മാറി അയാളുടെ പുറകിൽ എത്തി എൽവിഷ് മെറ്റൽ കൊണ്ട് ഉണ്ടാക്കിയ ശക്തമായ ആ വാൾ ഒന്ന് കൂടെ ആഞ്ഞു വീശി അത് നേരെ അവളുടെ പുറകിൽ വച്ച് തിരിഞ്ഞു.. ഇതൊക്കെ ഒരു നിമിഷം കൊണ്ട് കഴിഞ്ഞു..

തല ഇല്ലാത്ത ചുവന്ന മനുഷ്യന്റെ ശരീരം നിലത്തേക്ക് വീണപ്പോൾ ആണ് അവൾ എന്താണ് ചെയ്തത് എന്ന് ബാക്കി ഉള്ളവർ മനസിലാക്കിയത്. അയാളുടെ തല നിലത്ത് കിടക്കുന്നുണ്ടായിരുന്നു..