MOONLIGHT III (മാലാഖയുടെ കാമുകൻ) 1132

“സൂക്ഷിച്ച്..”

അവൾ ജൂഹിയോട് പറഞ്ഞു..

“ഓക്കേ..”

അവൾ വീണ്ടും പതുകെ ഇറങ്ങാൻ തുടങ്ങി.. ഇടക്ക് ഒക്കെ കുറെ നേരം കാല് കഴച്ചു അവർ നിന്നുപോയി..

എന്നാലും ഒരുപാട് നേരത്തെ ശ്രമത്തിന്റെ ഒടുവിൽ അവർ താഴേക്ക് എത്തി ചേർന്നു.. അവർ ശ്വാസം ആഞ്ഞു വലിച്ചു കുറച്ചു നേരം അവിടെ നിന്നു..

“സമയം കളയാൻ ഇല്ല.. ഇനി ഇവിടെ നിന്നും വലത്തേക്ക്..”

എൽഫ് പെണ്ണ് ആദ്യം നടന്നു.. അവർ പുറകെയും..

നീല വെളിച്ചം പകൽ വെളിച്ചം പോലെ തന്നെ ആയിരുന്നു.. പക്ഷെ ചുറ്റിനും ഉള്ള കൊടും കാടുകളിൽ എന്തൊക്കെയോ പതുങ്ങി ഇരിക്കുന്നത് പോലെ അവർക്ക് തോന്നി.. വല്ലാത്തൊരു ഭയം തോന്നി അവർക്ക്..

“പോകാനുള്ള പേടകം പേടകം അതാ..”

അല്പ ദൂരം കൂടെ നടന്നപ്പോൾ എൽഫ് പെണ്ണ് കൈ ചൂണ്ടി അത് പറഞ്ഞപ്പോൾ അവർക്ക് ജീവൻ വന്നത് പോലെ തോന്നി..

ശക്തമായ നീല വെളിച്ചം ഇടക്ക് ഇടക്ക് മിന്നിച്ചു കൊണ്ട് അവർ വന്ന സ്പേസ് ഷിപ്പ് ദൂരെ വീണ ഇടത്ത് തന്നെ ഉണ്ടായിരുന്നു.. അതിപ്പോൾ നേരെയാണ് കിടക്കുന്നത്..

കുറച്ചു ദൂരെ ആണ് അത്.. അവർ അവിടേക്ക് തിടുക്കത്തിൽ നടക്കാൻ തുടങ്ങി..

“നിൽക്കൂ.. ആപത്ത്..”

എൽഫ് പെണ്ണ് അവരെ തടഞ്ഞു കൊണ്ട് പറഞ്ഞപ്പോൾ അവർ അവിടേക്ക് സൂക്ഷിച്ചു നോക്കി..

അവരെ ഞെട്ടിച്ചു കൊണ്ട് ആ ഷിപ്പിന്റെ ഡോർ വലിച്ച് തുറക്കാൻ ശ്രമിക്കുന്ന ഒരു ചുവന്ന മനുഷ്യനെ ആണ് കണ്ടത്.. അയാൾ സർവ്വ ശക്തിയും എടുത്ത് വലിക്കുന്നു എങ്കിലും അതിന് ഒരു അനക്കവും ഇല്ല..

അവർ പെട്ടെന്ന് അവിടെ പേടിയോടെ പതുങ്ങി നിന്നതും ചുവന്ന മനുഷ്യൻ തല വെട്ടിച്ചു മണം പിടിക്കുന്നത് കണ്ടു…