LOVE ACTION DRAMA-2 [Jeevan] 418

അങ്ങനെ ഞങ്ങൾ അർജുവിന്റെ വീട്ടിലേക്ക് ഇൻവെസ്റ്റിഗേഷന് വേണ്ടി കയറി…

അർജുവിന്റെ അമ്മ ഞങ്ങളുമായി കട്ട കമ്പനിയാണ്…ആദ്യമൊക്കെ വിനുവിന്റെ അമ്മയുടെ അതെ ഡയലോഗ് ആയിരുന്നു ഞങ്ങളെ പറ്റി… പക്ഷെ അർജുവിന്റെ ചേച്ചിടെ കല്യാണ സമയം എല്ലാത്തിനും ഓടി നടക്കാൻ ഞങ്ങളെ ഉണ്ടാരുന്നുള്ളു…അന്ന് തുടങ്ങിയ സ്നേഹമാണ്… പക്ഷെ അതിന് മുൻപും പിൻപും വഴക്ക് പറഞ്ഞാലും അവിടെ വന്നാൽ കഴിക്കാതെ വിടില്ല…

എന്തായാലും ഞങ്ങളെ കണ്ടപ്പോൾ തന്നെ ചോദ്യം വന്നു –

“ആരിത്…പക്ഷി നീരിക്ഷകരോ… കുറെ ദിവസമായല്ലോ രണ്ടിനേം കണ്ടിട്ട്… ഇപ്പോൾ എന്താണ് ഈ വഴി… ഉച്ചയായല്ലോ വല്ലോം കഴിച്ചോടാ മക്കളെ… ഇല്ലേ ചോറ് വിളമ്പട്ടെ….”

“കഴിച്ചു അമ്മേ… സപ്താഹം തുടങ്ങിയില്ലേ… അവിടെ നിന്നും തട്ടി…”

“അതിന് വേണ്ടിയെങ്കിലും നിയൊക്കെ അവിടെയൊന്നു കയറിയല്ലോ… ഇവിടെ ഒരുത്തനുണ്ട്….അങ്ങനെ പോലുമില്ല…”

“അത് പറഞ്ഞപ്പോളാണ്… അവനെവിടെയമ്മേ…”

“അയ്യോ തമ്പുരാൻ പള്ളിയുറക്കം ഉണർന്നിട്ടില്ല…രാത്രി ഉറക്കമില്ലല്ലോ… നിങ്ങക്ക് അറിയില്ലേ…”

“ഞങ്ങൾ പോയി പൊക്കാം അവനെ….”

അതും പറഞ്ഞു നേരെ മുകളിലുള്ള അവന്റെ റൂമിലേക്ക് വിട്ട് ഞങ്ങൾ…

റൂമിൽ കയറിയ പാടെ തലവഴിയേ പുതച്ചു കിടക്കുന്ന അവനെയാണ് കണ്ടത്… കണ്ടപ്പോൾ ഒരു രസം തോന്നി ഒരു പണി പറ്റിക്കാൻ തീരുമാനിച്ചു…

വിനു നേരെ കട്ടിലിൽ കയറി അവന്റെ നെഞ്ചിന് സൈഡിലായി മുട്ട് കുത്തി നേരെ കഴുത്തിൽ ഒരു പിടി…

ഞാൻ ഇതിന്റെയൊക്കെ ക്യാമറ മേനോനും…

പക്ഷെ പണി നൈസായി ഒന്ന് പാളി… ലവൻ കയറി പിടിച്ചത് കഴുത്തിനു പകരം കാലിലായിരുന്നു… കാലിലെ പിടുത്തത്തിൽ ഞെട്ടിയെണിറ്റ അർജു വിനുന്റെ മുതുകിൽ ഒരു തള്ളുകൊടുത്തു…

അവൻ ഒരുമാതിരി ഒളിമ്പിക്സിൽ ജിംനാസ്റ്റിക്കുക്കാർ കറങ്ങുന്ന പോലെ ഒരു കറക്കം കറങ്ങി മൂക്കും കുത്തി നേരെ താഴെ…