LOVE ACTION DRAMA-2 [Jeevan] 418

 

അവർ ഗേറ്റ് കടന്ന് വീട്ടിലേക്ക് കയറിയിട്ടു ഗേറ്റ് അടക്കാൻ വേണ്ടി തിരിഞ്ഞപ്പോൾ ഞാൻ കണ്ടു എനിക്ക് സ്പാർക്ക് തന്ന സോൾ മേറ്റിനെ ?…

 

” ചെഞ്ചുണ്ടുകളും, വിടർന്ന കണ്ണുകളും ഇടതൂർന്ന മുടിയും ഗോതമ്പിന്റെ നിറവും നുണക്കുഴി കവിളുകളും… പിന്നെ…

 

(മുഖത്തിനു താഴോട്ടുള്ളത് കേൾക്കാനിരിക്കുവാണോ… അയ്യടാ… അങ്ങനെ സുഖിക്കണ്ട….ഇത്രേം കേട്ടാൽ മതി…)

 

അങ്ങനെ എല്ലാം കൂടെ ഒരു കൊച്ചു സുന്ദരി…”

 

വീട്ടിലേക് കയറുന്നതിനു തൊട്ടു മുൻപ് അവൾ തിരിഞ്ഞൊന്നു നോക്കി… അപ്പോൾ ഞങ്ങളുടെ കണ്ണുകൾ പരസ്പരമൊന്നുടക്കി… ഒരു സെക്കന്റ്‌ മാത്രമേ  നീണ്ടുനിന്നുള്ളങ്കിലും ചങ്കിലേക്ക് കാർന്നിറങ്ങുന്ന നോട്ടം….ആ നോട്ടത്തിനൊടുവിൽ അവളുടെ ചുണ്ടിൽ ഒരു ചെറു ചിരി വിടർന്നില്ലേ??? ?…

 

//അപ്പോൾ ലെ മനസാക്ഷി – മോനെ മനസ്സിൽ പിന്നേം ലഡ്ഡു പൊട്ടി… അവൾ അന്നേ തന്നെയാണ്ടാ ഹമുക്കേ നോക്കിയേ… ഓൾക് അന്നോട് മൊഹബത്ത് ആണ്ടാ…//

 

എല്ലാം കൊണ്ടും വികാരപരവശനായ ഞാൻ ഒരുമാതിരി പ്രാന്തനെ പോലെ വിനുവിനോട് ചോദിച്ചു-

 

“ടാ നീ കണ്ടോ… അവൾ എന്നെ നോക്കിയത് കണ്ടോ… അവൾ ചിരിച്ചത് കണ്ടോ….നേരത്തെ ഞാൻ സ്പാർക്കിനേ പറ്റി പറഞ്ഞപ്പോൾ നീ എന്താ പറഞ്ഞേ….ഈ തവണ റിയലാണ് മോനെ…

 

“എന്ത്… ഞാൻ ഒരു തേങ്ങയും കണ്ടില്ല… നിനക്ക് വേറെ പണി ഒന്നുമില്ലെടാ നാറി… അവന്റെ ഒരു സ്പാർക്ക്, തിരിഞ്ഞു നോട്ടം തേങ്ങാകുല…”

 

ആളികത്തി വന്ന എന്റെ സ്പിരിറ്റ്‌ അവൻ പത്തല് കൊണ്ട് തല്ലി കെടുത്തിയപോലെയായി… റൊമാന്റിക് ഫീലിംഗ്സ് ഇല്ലാത്ത ഈ തെണ്ടിയെ ആണല്ലോ ചങ്കായി കൂടെ കൊണ്ട് നടക്കുന്നത്…

 

അല്ല ഓവർ റൊമാന്റിക്കായ, (കോഴിത്തരം എന്ന് ചില വിദ്യാഭ്യാസമില്ലാത്താവർ പറയുമെങ്കിലും) എനിക്ക് പെർഫെക്ട് ബാലൻസ് തരുന്നത് കിളിപോയ ഇവൻതന്നെയാണ്…

 

ഡാ… നമ്മുടെ അർജുവിന്റെ വീടാണ് അവളുടെ വീടിന്റെ തൊട്ടപ്പുറം… ഇവിടെ ഒരുപാട് തവണ വന്നിട്ടുങ്കിലും ഇത് വരെ ഇങ്ങനെ ഒരു ഐറ്റം ഇവിടെ താമസിക്കുന്നത് അറിഞ്ഞിട്ടില്ലല്ലോ… നീ വന്നേ വിനു… നമുക്ക് അർജുവിന്റെ അടുത്ത് നിന്നും അവളുടെ എന്തെങ്കിലും ഡീറ്റെയിൽസ് കിട്ടുമോ എന്ന് നോക്കാം…