?കൂടെ 4 [ഖുറേഷി അബ്രഹാം] 122

ബാലന്സിന് വേണ്ടി അവളുടെ ശരീരത്തിൽ കയറി പിടിക്കേണ്ടിയും വന്നു. പെട്ടെന്ന് സംഭവിച്ചതിൽ ഞാൻ ആകെ കിളി പോയി എന്ത് ചെയ്യണം എന്ന് ഒരെത്തും പിടിയും കിട്ടിയില്ല. ഞാൻ അവളുടെ മുകളിലാണ് വീണ് കിടക്കുന്നത് എന്നറിഞ്ഞതും ഞാൻ ചാടി പിടഞ്ഞ് എഴുനേറ്റു.

“ സോ… “.

“ ട്ടേ “ വേറെ ഒന്നും അല്ല അവൾ എന്റെ കാരണം പുകച്ച സൗണ്ടാണ് ഇപ്പൊ കേട്ടത്. എനിക്കൊരു സോറി പറയാനുള്ള സാവകാശം പോലും കിട്ടിയില്ല.

“ you b__, പെണ്ണുങ്ങളെ കയറി പിടിക്കുന്നോ “. നല്ല പച്ച ഇംഗ്ലീഷിൽ തെറിയും പറഞ്ഞ് എന്റെ കോളറിൽ പിടിച്ചു വീണ്ടും മോന്ത അടക്കി ഒന്നും കൂടി കിട്ടി. എന്റെ മോനേ പലതരം കിളികളായിരുന്നു തലക്ക് ചുറ്റും വട്ടം ഇട്ട് പറന്നിരുന്നത്, കൂടാതെ ചെവിയിൽ ആരോ വിസിൽ അടിക്കുന്ന സൗണ്ടും.

“ മേലിൽ ഇനി നീ ഒരു പെണ്ണിനേയും കേറി പിടിക്കരുത് “. അതും പറഞ്ഞിട്ടവൾ എന്നെ ബാക്കിലേക്ക് തള്ളി. അവിടെ നടന്നതിന്റെ ഹാങ്ങ് ഓവറിൽ നിന്ന് വിട്ടു മാറാത്ത ഞാൻ നേരെ ബാലൻസ് കിട്ടാതെ നിലത്തേക്ക് വീണു.
വീണിടത്ത് നിന്ന് കൈ കുത്തി എണീറ്റ്‌ നിന്നു ഞാൻ നാല് പാടും നോക്കി. വണ്ടർഫുൾ ഇവിടെ നടന്ന കലാപാരിബഡികൾ ഇനിയിവിടെ കാണാത്തവരായി ആരും ഇല്ല, എനിക്കത് തൃപ്തി ആയി.

ഞാൻ എല്ലാവരുടെയും മുമ്പിൽ നാണംകേട്ടു, എന്റെ മാനവും അഭിമാനവും എല്ലാം നഷ്ട്ടപെട്ടു. ഞാൻ തല തായ്തി എവിടേക് എന്നിലത്തെ മുന്നോട്ട് നടന്നു. അവളടിച്ചതിന്റെ പവറിൽ മോന്ത നന്നായി തരിക്കുന്നുണ്ടായിരുന്നു. അവിടുള്ള ആളുകളുടെ മുന്നിൽ ഇനിയും നാറേണ്ടെന്ന് കരുതി കവിൾ തടവാതെ വേതന സഹിച്ചു പിടിച്ചു.

“ ട്ടേ… “. പെട്ടെന്നാണ് ബാകിൽ നിന്നും വീണ്ടും ഒരു ശബ്‌ദം കേട്ടത്. ഞാനവിടെക് തിരിഞ്ഞു നോക്കിയതും അവിടെ കണ്ടത് പൊന്നു നേരത്തെ എനിക്കിട്ട് പൊട്ടിച്ച പെണ്ണിന്റെ മുന്നിൽ കലിപ്പിൽ നിൽക്കുന്നതാണ്.

എന്താണ് അവിടെ നടന്നത് എന്ന് എനിക് മനസിലായില്ലെങ്കിലും പിന്നെ അവിടെ നടന്നത് ഭയാനകം ആയിരുന്നു.

“ നീ എന്റെ ഏട്ടനെ തല്ലും അല്ലെടി “. എന്നും പറഞ്ഞിട്ട് പൊന്നു മറ്റവൾക് എതിരെ കയ്യോങ്ങിയതും അവൾ കയറി പൊന്നുവിന്റെ കയ്യിൽ പിടിച്ചു. എന്നിട്ട് കൈ ഒന്ന് സൈഡിലോട്ട് തിരിച്ചു. അതെ നിമിഷം പൊന്നു മറ്റവളുടെ മുടിക്ക് കയറി പിടിച്ചു വലിക്കാൻ തുടങ്ങി. അതോടെ മറ്റവൾ പൊന്നുവിന്റെ കയ്യിലെ പിടി ലൂസാക്കി, കൂടാതെ അവളുടെ മുടിയിലുള്ള പൊന്നുവിന്റെ കയ്യിൽ പിടിച്ചു.
പൊന്നു ആ നിമിഷം മറ്റേ കൈ അവളുടെ കയ്യിൽ നിന്നും വലിച്ചൂരി ആ കൈ കൊണ്ട് തല്ലനും അടിക്കാനും തുടങ്ങി. മറ്റവളും പൊന്നുവിന്റെ മുടിയിൽ പിടിത്തം ഇട്ടു. അവർ രണ്ടു പേരും വാശിയോടെ മുടി വലിച്ചും ചവിട്ടിയും കുത്തിയും പരസ്പരം തല്ലാൻ തുടങ്ങി.

ഹസ്സൽ നാടൻ പെൺ തല്ല്.

ഇതെല്ലം കണ്ടോണ്ട് നിന്ന അവിടെ ഉള്ള കുറച്ചു സ്ത്രീകൾ രണ്ടു പേരെയും പിടിച്ചു മാറ്റാൻ ശ്രെമിച്ചു കൊണ്ടിരുന്നു. ഞാൻ പൊന്നുവിന്റെ അടുത്ത ചെന്ന് അവളെ പിടിച്ചു മാറ്റാൻ നോക്കി. അവരെ രണ്ടു പേരെയും പിടിച്ചു മാറ്റാൻ നോക്കുമ്പോഴും അവർ തമ്മിൽ തല്ലാൻ തന്നെയാണ് വീണ്ടും ശ്രെമിച്ചു കൊണ്ടിരുന്നത്.

“ എന്നെ വിടാൻ, അവളുടെ അഹങ്കാരം ഇന്നത്തോടെ ഞാൻ തീർക്കും _______ ( ഫോറിൻ തെറികൾ ) അവളും അവളുടെ ഏട്ടനും _____ എന്നെ നിനക്‌ ഒന്നും അറിയില്ല “. മറ്റവൾ നല്ല കടുപ്പത്തിൽ ഉള്ള ദേഷ്യം മൊത്തം പുറത്തു യെടുത്തോണ്ട് പറഞ്ഞു.

“ ആ എങ്കി വാടി പുല്ലേ ആർക്കാണ് കിട്ടുന്നത് എന്ന് നമുക് നോക്കാം____ “. പൊന്നുവും ഒരുവിതക്കും വിട്ടു കൊടുക്കുന്നില്ല.