?കൂടെ 4 [ഖുറേഷി അബ്രഹാം] 122

മനസിലുള്ള മുറിവിനേയും ദെയ്‌വം ഉണക്കും എന്നെനിക് ഉറപ്പുണ്ട് “. അമ്മ അത്രയും പറഞ്ഞു കൊണ്ട് എന്റെ തലയിൽ തലോടി കൊണ്ട് റൂമിൽ നിന്നും പോയി.

പിന്നീട് അങ്ങോട്ട് ഓരോ ദിവസവും ജോൺ പറയുന്നത് പോലെ അവരോട് എല്ലാം സംസാരിക്കാനും അവർക്ക്‌ വേണ്ടി കുറച്ചു സമയം കണ്ടത്താനും അവരെ ഒന്നും വിഷമിപ്പിക്കാതെ ഇരിപ്പിക്കാനും ഞാൻ ശ്രേധിച്ചു. പതിയെ പതിയെ എന്നിൽ മാറ്റങ്ങൾ വരാൻ തുടങ്ങി അവരോട് എല്ലാം പഴയ രീതിയിൽ അടുക്കാനും പഴയ ആരു ആകാനും സഹായിച്ചു. ഓരോ ദിവസം കഴിയും തോറും അവരോടുള്ള അകൽച്ച ഇല്ലാതെ ആകാൻ തുടങ്ങി. എന്റെ മാറ്റങ്ങളിൽ അവർക്ക്‌ ഏല്ലാവർക്കും വളരെ അതികം സന്തോഷം നൽകി.

ഇതിന്റെ ഒക്കെ കൂടെ തന്നെ ജോണും എന്റെ ഒപ്പം ഉണ്ടായിരുന്നു മറ്റാർക്കും കാണാൻ കഴിയാത്ത ഒരതൃക്ഷ്യ ശക്തി പോലെ എന്റെ നിഴലായി കൂടെ ഉണ്ടായി. അവനാകാം എന്റെ മാറ്റങ്ങൾക് കൂടുതൽ പങ്കു വഹിച്ചത്. കൂടാതെ ആളുകളുള്ളപ്പോഴും ഇല്ലാത്തപ്പോഴും ജോണും എന്റെ കൂടെ ഉണ്ടാവാൻ തുടങ്ങി. ആ സാഹചര്യങ്ങളിൽ അവൻ എന്റെ കൂടെ ഇല്ല എന്ന രീതിയിലാണ് മറ്റുള്ളവരോട് ഞാൻ ഇടപിഴകിയിരുന്നത്.

ദിവസങ്ങൾ പെട്ടെന്ന് കഴിഞ്ഞു കൊണ്ടിരുന്നു. എന്റെ ജീവിതം കൂടുതൽ സന്തോഷങ്ങളിലേക് ചേക്കേറി കൊണ്ടിരുന്നു, ഒന്നര മാസങ്ങൾക് ശേഷം
ഒരു കല്യാണ ഇൻവിറ്റേഷൻ കിട്ടി. അച്ഛന്റെ കൂട്ടുകാരന്റെ മകളുടെ കല്യാണ റിസെപ്ഷന്റെ ഇൻവിറ്റേഷൻ ആയിരുന്നു. പൊതുവെ കല്യാണത്തിന് വിളിക്കുന്നത് പോലെ വീട്ടിലെ എല്ലാവരോടും വരാൻ പറഞ്ഞിരുന്നു. അച്ഛനെയും ഞങ്ങളെയും ഒകെ അടുത്തറിയുന്നവർ ആയത് കൊണ്ട് വീട്ടിൽ ഉള്ളവർ എല്ലാവരും പോകുന്നുണ്ട്. എനിക് പക്ഷെ ഈ കല്യാണത്തിന് പോകാൻ വല്ല്യ താല്പര്യം ഉണ്ടായിരുന്നില്ല.
പിന്നെ പൊന്നുവും ജോയനും നിർബന്ധം പിടിച്ചപ്പോ ഞാനും അവരുടെ കൂടെ പോയി.

അവർ ഹൈ പാർട്ടിക്കാർ ആയത് കൊണ്ട് തന്നെ റിസ്‌പെഷൻ ഗ്രാൻഡ്‌ ആയിട്ടായിരുന്നു നടത്തുന്നത്.

എനിക് അറിയുന്നവരും അറിയാത്തവരും ആയി ഒരുപാട് പേര് അവിടെ ഉണ്ടായിരുന്നു. ചില ആളുകളെ എനിക്കറിയില്ലെങ്കിലും അച്ഛനെയും അമ്മയെയും അറിയുന്നവരും ആ കൂട്ടത്തിൽ ഉണ്ടായിരുന്നു.

അതിൽ ഞങ്ങളെ കാണുന്നവരിൽ പലരും വന്ന് അച്ഛനോടും അമ്മയോടും എന്നോടും ഒക്കെയായി എനിക് സുഗമായതിനെ കുറിച്ചും മറ്റു വിശേഷങ്ങളും തിരക്കി. സത്യത്തിൽ അതൊക്കെ എനിക് ഭയങ്കര ബോറായി തോന്നിയെങ്കിലും എല്ലാത്തിനും ചിരിച്ചു കൊണ്ട് മറുപടി പറഞ്ഞു കൊണ്ടിരുന്നു.

കുറച്ചു കഴിഞ്ഞപ്പോ അച്ഛനും ജോർജച്ചനും അവരുടെ കൂട്ടുകാരുടെ അടുത്തേക് പോയി ബിസിനസ് കാര്യങ്ങളെ കുറിച്ചും ചെറു തള്ളലുകൾക് വേണ്ടിയുമാണ് അവരുടെ മാറി നിന്നുള്ള ഈ സംസാരം കൂടാതെ ഫ്രീ ആയി കിട്ടുന്ന സാധനങ്ങൾ അടിക്കാനും വേണ്ടിയിട്ടാണ്, അമ്മയും മേരിയമ്മയും അവരെ അറിയുന്നവരുടെ അടുത്തേക്ക് പോയി, അവരാണെങ്കി പുതിയ സാരിയുടെയും ആഭരണങ്ങളുടെയും വിലയും ഡിസൈനും ക്വാളിറ്റിയും ഒക്കെ പറഞ്ഞ് പൊങ്ങച്ചം കാണിക്കുകയും ഒപ്പം മറ്റുള്ളവരുടെ കുന്നായ്മയും കുറ്റങ്ങളും കുശുമ്പും പറയാനായിട്ട് അവരും പോയി.

ഞാനും ജോയനും പൊന്നുവും മാത്രമായി. ഞങ്ങൾ അവിടെ ഒരു മുലക് പോയി ഇരുന്ന് സ്റ്റേജിൽ നടക്കുന്ന പാട്ടും കലാപരിപാടികളും കാണാൻ തുടങ്ങി. അങ്ങനെ ഇരികുമ്പോളാണ് പൊന്നുവിനെ അമ്മ എന്തോ ആവശ്യത്തിന് വിളിക്കുന്നത്, അവളാണെങ്കി അമ്മയുടെ കൂടെ പോയി.

കുറച്ചു കഴിഞ്ഞപ്പോൾ ജോയന്റ് ക്ലാസിൽ പഠിക്കുന്ന ഒരു ഫ്രണ്ടിനെ അവൻ കണ്ടപ്പോൾ അവൻ അവന്റെയും അടുത്തേക്ക് പോയി. ഞാൻ അവിടെ കട്ട പോസ്റ്റായി അതോടെ.