കർണ്ണ ധര്‍മം [Ajith Divakaran] 62

അങ്ങനെ ഇരിക്കുമ്പോളാണ് എന്റെ ചെവിയില് ഒരു നേര്ത്ത കാലൊച്ച വന്നു വീഴുന്നത്. ഞാന് സസൂഷ്മം ശ്രദ്ധിച്ചു കൊണ്ടേയിരുന്നു. ആരോ ഒരാള് ഞാന് ഇരിക്കുന്ന ആ വിജന വഴി വരുന്നുണ്ട്. ഞാന് ശ്രദ്ധിച്ചു നോക്കി. ആ ഇരുട്ടില് എനിക്ക് ആ നിഴല് വ്യക്തമായി കാണാം. അത് ഞാന് നില്ക്കുന്ന സ്ഥലം ലക്ഷ്യമാക്കി ആണ് വരുന്നത്. ഞാന് ആ രൂപത്തെ ശ്രദ്ധിച്ചു കൊണ്ടിരുന്നു.
കുറച്ചു സമയം കഴിഞ്ഞതും, ആ മനുഷ്യ രൂപം എന്നെ കിടന്നു മുന്പോട്ടു പതിയെ നടന്നു പോയി. ഞാന് അതിനെ മല്ലെ പിന്തുടര്ന്നു…കുറച്ചു മുന്പോട്ടു ചെന്ന് കഴിഞ്ഞപ്പോള് ഒരു തുറസ്സായ സ്ഥലത്ത് ആ രൂപം മല്ലെ നിന്നു. ചുറ്റും നോക്കി, ശാന്ത സുന്ദരമായ അന്തരീക്ഷം,നല്ല ശുദ്ധ വായുവുള്ള തുറസ്സായ സ്ഥലം, അവിടെ പടക്കോപ്പ് കൂട്ടുന്ന ആലോചനകളോ , യുദ്ധ നെടുവീര്പ്പുകളോ ഒന്നും ഇല്ല. അയാള് ശ്വാസം നന്നായി ഉള്ളിലേക്ക് എടുക്കുകയും പുറത്തേക്കു വിടുകയും ചെയ്യുന്നുണ്ട്. നിലാവെളിച്ചത്തില് ഇപ്പോള് എനിക്ക് ആ ശരീരം പൂര്ണമായി കാണാം. നല്ല വടിവൊത്ത ശരീരം,നല്ല നെഞ്ച് വിരിവ്, ഭൂമിയിലെ ഏതൊരു പുരുഷ പ്രജയും ആഗ്രഹിക്കുന്ന ശരീര ഭംഗി, മുടികള് തോളൊപ്പം നീണ്ടു കിടക്കുന്നു. പുരുഷ പ്രതീകമായ മീശ ചുരുട്ടി വെച്ചിട്ടുണ്ട്. എന്നാല് നെഞ്ചത്തും ചെവിക്കു ചുറ്റും എന്തോ വെള്ള തുണി വട്ടം ഇട്ടിട്ടുണ്ട്.ആ മുഖം എനിക്ക് അഭിമുകമായി തിരിഞ്ഞപ്പോള് ഞാന് അത്ഭുത സ്തംബിതനായി. സൂര്യ തേജസുള്ള ആ മുഖം എന്റെ എല്ലാ ചിന്തകളെയും ഒരു നിമിഷം എന്നില് നിന്ന് പഴുത് മാറ്റി. ഞാന് കണ്ട ആ മനോഹരമായ യോദ്ധാവിന്ടെ രൂപം പുരുഷ സൌന്ദര്യത്തിനു എനിക്കുള്ള പുതിയ അറിവായിരുന്നു.
ഒരു നിമിഷത്തേക്ക് എല്ലാം മറന്നു ആ രൂപത്തെ ലക്ഷ്യമാക്കി ഞാന് മുന്പോട്ടു നടന്നു നീങ്ങി ആ മനുഷ്യനു എതിര് ചെന്ന് നിന്നു. ആ മുഖത്ത് ഞാന് ദര്ശിച്ച സൂര്യന്റെ തേജസ് എനിക്ക് പറഞ്ഞു തന്നു ആ യോദ്ധാവ് ആരാണെന്ന്.
”കര്ണന്”
അദ്ധേഹത്തെ കണ്ടപ്പോള് എനിക്ക് സംസാരിക്കണം എന്ന് തോന്നി…കൂടുതല് അറിയണം എന്ന് തോന്നി.ഞാന് പതിയെ അടുക്കല് ചെന്ന് ചോദിച്ചു….അങ്ങ് നാളെ യുദ്ധത്തിനു ഇറങ്ങുകയാണല്ലെ?
അദ്ദേഹം ഒന്ന് അമര്ത്തി മൂളി…ഉം ,,,,
ഇടറിയ ശബ്ധത്തോടെ ഞാന് തുടര്ന്നു ,,,,അങ്ങേക്ക് തോന്നുന്നുണ്ടോ താങ്കള് നില്ക്കുന്നത് ധര്മ പക്ഷതാണെന്ന്?കാരണം സാക്ഷാല് ഭഗവന് വരെ അങ്ങേക്ക് എതിരാണ്?
കര്ണന് എന്നെ ആകെ അടിമുടി നോക്കിയിട്ട് പറഞ്ഞു…
“ഭഗവന് നില്ക്കുന്നത് ഭഗവാന് ധര്മം എന്ന് തോന്നുന്ന ഇടതാണ് ….അതെ പോലെ ഞാന് നില്ക്കുന്നത് എനിക്ക് മാനവും, ജീവനും നല്കിയവനോടുള്ള കൂറ് , ഞാന് കൊടുത്ത വക്കിനോടുള്ള സത്യസന്തത എന്ന ധര്മത്തില് നില കൊണ്ട് കൊണ്ടാണ്.” ലോകം നാളെ ഞാന് അധര്മ വാദി എന്നും, ദൈവ വിരോധി എന്ന് വിളിക്കുമായിരിക്കും. എന്നാലും എന്നെ പ്രതി എന്റെ ധര്മം വിശ്വസ്തത ആണ്.”
ആ മറുപടിക്ക് എനിക്കൊന്നും പറയാന് ഇല്ലായിരുന്നു….
കര്ണനെ ഞാന് അടിമുടി നോക്കി…അവിടെ ഞങ്ങളോട് ചങ്ങാത്തം കൂടി,ഞങ്ങളെ തൊട്ടിരുമി ഞങ്ങള്ക്ക് ചുറ്റും അടിച്ചു കൊണ്ടിരുന്ന മന്ദമാരുതന് കര്ണന്റെ ശരീരത്തില് മൂടിയ ആ വെള്ള വസ്ത്രം തെല്ലൊന്നു മാറ്റി. ആ കാഴ്ച കണ്ടു ഞാന് ഞെട്ടി. കര്ണനു ജന്മനാ കിട്ടിയ കവച കുണ്ഡലങ്ങള് അറുത്തു മാറ്റപെട്ടിരിക്കുന്നു.അതിന്റെ മുറിവുകള് ശരിക്കും ഉണങ്ങപെട്ടിട്ടില്ല. ഞാന് അത് കണ്ട പാടെ കാരണനോട് ചോദിച്ചു.എന്തിയെ നിന്റെ ശക്തിയുടെ ആയുധം?നിന്റെ ജീവന്റെ ബലം?
കര്ണന് നെറ്റിയൊന്ന് ചുളിച്ചു കൊണ്ട് പറഞ്ഞു. എന്റെ ശക്തി….ഹ ഹ….എന്റെ ശക്തി. എന്റെ ശക്തിയുടെ ആയുധം എന്റെ മനസ്സാണ്. എന്റെ ഹൃദയം ആണ്. ജീവിതത്തില് ഇന്നയോളം അനുഭവിച്ച അപമാനങ്ങലെക്കാള് വലുതായ പരീക്ഷണങ്ങള് ഞാന് ഒരു യുദ്ധത്തിലും നേരിട്ടിട്ടില്ല. അതിനെ ഞാന് അതി ജീവിചിട്ടുളത് എന്റെ മനസിനോട് ഞാന് സംസാരിച്ചു കൊണ്ടാണ്.