എന്റെ ഗീതൂട്ടി 2??[John Wick ] 210

“ആഹ്….എന്ന പോയി രണ്ടാളും കയ്യും കാലും കഴുകി വാ….നിങ്ങൾക്കുള്ള ഭക്ഷണം എടുത്തു വെക്കാം….”ചെറിയമ്മ ഇതും പറഞ്ഞ് അകത്തേക്ക് പോയി….

വല്യേച്ചി കോളേജ് വിട്ടു വരാൻ നേരം വൈകും….അതുകൊണ്ടുതന്നെ ചെറിയമ്മ എന്ന കിടിലൻ കുക്ക് ഉണ്ടാക്കുന്ന കിടിലൻ ആഹാരം കഴിക്കാൻ ആദ്യം ഭാഗ്യം ലഭിക്കുക ഞങ്ങൾ രണ്ടാൾക്കുമാണ്…..

പൂമുഖത്തേക്ക് കയറിയപ്പോൾ കണ്ടത് ശ്രീമതി സരസ്വതി വളരെ സൂക്ഷ്മമായി ചെല്ലപ്പെട്ടിയിൽ വെറ്റിലയും അടക്കയും അടുക്കി വെക്കുന്നതാണ്….ദിവസത്തിൽ ഒരു തവണയെങ്കിലും മൂപ്പത്തിയാർക്ക് മുറുക്കണം…..

ഇടക്കൊക്കെ അമ്മയും ചെറിയമ്മയും ഒപ്പം കൂടാറുണ്ട്….. പക്ഷെ ഇളയമ്മക്ക് ഇതൊന്നും അത്ര താല്പര്യമുള്ള പരിപാടിയല്ല….

ഇളയച്ഛന് ഇവിടെയും….ഇളയമ്മക്ക് അവരുടെ വീടിന്റെ അടുത്തുമായാണ് ജോലി….. അതുകൊണ്ട് തന്നെ അവരുടെ മക്കളൊക്കെ ഇളയമ്മയുടെ വീട്ടിലാണ്…..

ശനിയും ഞായറും ഇളയമ്മ മക്കളുമായി ഇവിടെ വരാറുണ്ട്….. അല്ല വരുത്താറുണ്ട് എന്നതാണ് ശെരി…..

വല്യേച്ചിക്കും ഗീതൂട്ടിക്കും ഇഷാനെയും ഇഷുവിനെയും കൊഞ്ചിപ്പിക്കൽ ആണ് പ്രധാന പരിപാടി…..

അപ്പോഴേക്കും ഞാൻ എന്റെ മുറിയിൽ എത്തിയിരുന്നു…..അവിടെ ഞാനും അമ്മയുമാണ് ഇപ്പൊ കിടത്തം….

ഞങ്ങളുടെ വീട്ടിൽ ആകെ മൊത്തം അഞ്ചു മുറികളാണുള്ളത്…..സാധാരണ ഗതിയിൽ വലിയ മുറിയിൽ ഇളയച്ഛനും ഇളയമ്മയും മക്കളുമാണ് കിടത്തം….

പിന്നെയുള്ള മുറികളിൽ അമ്മയും അച്ഛനും ചെറിയച്ഛനും ചെറിയമ്മയും എന്നിങ്ങനെയും ഞാനും ഗീതൂട്ടിയും ഒരു മുറിയിലും….സരസ്വതിയമ്മയും വല്യേച്ചിയും വേറൊരു മുറിയിലുമാണ് കിടത്തം….