എന്റെ ഗീതൂട്ടി 2💕💕[John Wick ] 210

ഗീതൂട്ടിയുടെ എസ്.എസ്. എൽ. സി മാനിച്ചു കൊണ്ട് സരസ്വതിയമ്മയുടെ മുറിയിലേക്ക് കിടക്കാൻ ഗീതൂട്ടിക്ക് പ്രൊമോഷൻ കിട്ടി….

 

മറ്റൊന്നിനുമല്ല…നേരത്തെ എഴുനേറ്റ് പഠിക്കാൻ ആണ്….

 

ഞാൻ വേഗം ഡ്രസ്സ്‌ മാറി താഴേക്ക് ചെന്നു….ചെന്നപ്പോൾ കണ്ടതോ….നല്ല ആവി പറക്കുന്ന ശർക്കരയട…..എന്റെയും ഗീതൂട്ടിയുടെയും ഇഷ്ട്ടപെട്ട ഭക്ഷണം….

 

ഞാൻ താഴത്തു എത്തിയപ്പോഴേക്കും ഗീതൂട്ടിയും ഡ്രസ്സ്‌ മാറി എത്തിയിരുന്നു….

 

ഞങ്ങൾ രണ്ടാളും ചെറിയമ്മ തന്ന ശർക്കരയടയുടെ പൊതി പൊളിച്ചു വായിലേക്ക്…………….

 

************************************************

 

ബാക്ക് ടു പ്രെസന്റ്…..

 

ആരോ ഡോറിൽ മുട്ടുന്നു….ഞാൻ പതിയെ കണ്ണ് തിരുമ്മി എണീറ്റു…..

 

ശോ… നല്ലൊരു ശർക്കരയട മിസ്സായി….ഏതവനാണോ ഈ നേരത്ത്….അല്ലേലും നല്ല സ്വപ്നം കാണുന്നതിനിടയിൽ റൺഔട്ട്‌ ആകുന്നത് എന്തൊരു ദ്രാവിഡാണ്…..

 

കതകിൽ മുട്ടുന്നവനെ ശപിച്ചു കൊണ്ട് ഞാൻ വാതിൽ തുറന്നു….നോക്കിയപ്പോൾ ആരുമില്ല….

 

ശെടാ… ഇതെങ്ങനെ… എന്ന് ആലോചിച്ചു നിക്കുമ്പോഴാണ് എന്റെ ഇട്ടിരിക്കുന്ന ട്രൗസറിൽ ആരോ പിടിച്ച് വലിച്ചത്….

 

ഞാൻ നേരെ താഴേക്ക് നോക്കി….നോക്കിയപ്പോ കണ്ടതോ….വല്യേച്ചിയുടെ കുരിപ്പ് സാക്ഷാൽ ഹൃതിക്….

 

തീരുമാനമായി …. ആ കുരിശും… അവളുടെ കെട്ടിയോൻ കുരിശും എഴുന്നള്ളിയിട്ടിട്ടുണ്ട്……

 

“അല്ല ആരിത് ഹൃതിക് മോനോ….അല്ല മോൻ ഒറ്റക്കാ വന്നത്….”ചെക്കനെ തോളത്തെടുത്തു കൊണ്ട് ഞാൻ ചോദിച്ചു…..

 

“അതേലോ….ഞാൻ ഒറ്റക്ക് അച്ഛന്റെ കാറെടുത്ത്….ട്രും….ട്രും… ട്രും….ഇങ്ങനെ ഓടിച്ചു വന്നു…..”അവൻ കൊഞ്ചൽ മാറാത്ത സ്വരത്തിൽ വണ്ടി ഓടിക്കുന്നത് അനുകരിച്ചും….എന്റെ മുഖം അവന്റെ തുപ്പൽ കൊണ്ട് നിറച്ചും പറഞ്ഞു….