എന്റെ ഗീതൂട്ടി 2💕💕[John Wick ] 210

“എടാ… നിന്റെ ഗീതൂട്ടിയെ നിനക്ക് പ്രേമിച്ചൂടെ….”അവൻ എന്നെ നോക്കി കണ്ണിറുക്കി….

 

ഞാൻ തിരിച്ചു അവനെ രൂക്ഷമായി നോക്കി…

 

“നീ നോക്കി പേടിപ്പിക്കുവൊന്നും വേണ്ട….എടാ എനിക്കുറപ്പാ അവൾക്കും നിന്നോട് ഒരിതുണ്ട്….. ഇല്ലേൽ ഇത്രേം ഗ്ലാമർ ഉള്ള അവൾ എന്തിനാ നിന്റെ ഒപ്പം നടക്കണേ….. മോനെ നീ ഒന്നും പറയണ്ട… എല്ലാം ഞാൻ ഉറപ്പിച്ചു…..”

 

എനിക്കെന്തേലും പറയാൻ പറ്റുന്നതിന്റെ മുന്നേ അവൻ ഇറങ്ങി ഗീതൂട്ടിയുടെ അടുത്തേക്ക് ഓടി….

 

അവൻ പറയും എന്ന് പറഞ്ഞാൽ പറഞ്ഞിരിക്കും….അതാണ് എന്റെ പേടിയും….

 

ഒട്ടും സമയം കളയാതെ അവന്റെ പുറകെ ഞാൻ ഓടി….

 

ഞാൻ എത്തുന്നതിന്റെ മുന്നേ തന്നെ അവൻ ഗീതൂട്ടിയുടെ അടുത്ത് ചെന്ന് പറയുന്നത് കണ്ടു…..

 

ഭൂമി പിളർന്നു താഴേക്ക് പോയാൽ മതി എന്നായി എനിക്ക്….ഇതറിഞ്ഞാൽ ഇനി ഗീതൂട്ടി എന്നോട് മിണ്ടില്ലേ….എന്നോടിനി കൂട്ടുകൂടില്ലേ….അങ്ങനെ പോയി എന്റെ പിഞ്ചു മനസ്സിന്റെ ചിന്തകൾ…..

 

കുറച്ചു നേരം കഴിഞ്ഞപ്പോൾ അഖിൽ പോയി….ഗീതൂട്ടി എന്റെ അടുത്തേക്ക് നടന്നു വന്നു….. ഗീതൂട്ടിയുടെ മുഖം കണ്ടാൽ തന്നെ അറിയാം….എന്നെ കൊന്നു തിന്നാനുള്ള ദേഷ്യമുണ്ടെന്ന്….

 

വീട്ടിലേക്ക് ഓടിയാലോ എന്നുവരെ ഞാൻ ചിന്തിച്ചു….അല്ലേൽ വേണ്ട….വീട് എത്തുന്നതിനുള്ളിൽ എല്ലാം പറഞ്ഞു സോൾവ് ആക്കണം….ഇല്ലേൽ പണി പാളും എന്നറിയുന്നത്കൊണ്ട് ഞാൻ അവിടെ തന്നെ നിന്നു…..