എന്റെ ഗീതൂട്ടി 2💕💕[John Wick ] 210

ഗീതൂട്ടിക്കും എന്തൊക്കെയോ സംശയം തോന്നിയത് കൊണ്ടു അവൾ എല്ലാവരുടെയും മുഖത്തേക്ക് ഉറ്റുനോക്കികൊണ്ടിരുന്നു…….

 

അവളെ അമ്പരപ്പിച്ചുകൊണ്ട് എന്റെ അമ്മ വന്ന് അവളെ കെട്ടിപിടിച്ചു…….

 

ഗീതൂട്ടിയെ പണ്ടേ അമ്മക്ക് ഇഷ്ട്ടമാണ്….. എന്നെയും അവളെയും ഒരുപോലെയാണ് അമ്മയും ചെറിയമ്മയും വളർത്തിയത്….. എന്തിന് അവളുടെ പഴയ ടി ഷർട്ട്‌ ഒക്കെ ചെറുപ്പത്തിൽ എന്നെകൊണ്ട് ഇടീപ്പിച്ചിട്ടുണ്ട്……

 

അങ്ങനെ കൂട്ടുകാർ അധികമില്ലാത്ത എന്റെ ചെറുപ്പം മുതലുള്ള കളികൂട്ടുകാരി ആണ് ഗീതൂട്ടി…..

 

അമ്മ അവളെ കെട്ടിപിടിക്കൽ നിർത്തി അവളുടെ നെറ്റിയിൽ ചുംബിച്ചു……

 

“എന്താ വല്യമ്മേ….എന്താ ഇവിടെ നടക്കണത്….. എല്ലാരും ഇങ്ങനെ ത്രിൽ അടിപ്പിക്കാതെ കാര്യം പറയ്…..”ഗീതു എല്ലാവരോടുമായി പറഞ്ഞു…..

 

“അച്ഛന്റെ കുട്ടിക്ക് ഭാഗ്യണ്ട് ട്ടോ….. മോൾക്ക് ലണ്ടനിലേക്ക് പോകാനുള്ള വിസ വന്നിരിക്കുണു…..”ചെറിയച്ഛൻ ഗീതുവിന്റെ തലയിൽ തലോടി കൊണ്ട് പറഞ്ഞു…..

 

ഇത് കേട്ട ഗീതുവിന്റെ മുഖം ആയിരം ചന്ദ്രൻ ഒറ്റയടിക്ക് ഉദിച്ചപോലെ പ്രകാശപൂരിതമായി…….അവൾ ചെറിയച്ഛനെ സന്തോഷം കൊണ്ട് കെട്ടിപിടിച്ചു…..

 

ഇത് കേട്ട എനിക്കും സന്തോഷമായി….അവളുടെ ഏറ്റവും വലിയ ആഗ്രഹങ്ങളിൽ ഒന്ന് നടക്കാൻ പോകുന്നു….. പക്ഷെ….എവിടെയോ മനസ്സിന്റെ കോണിൽ ഒരു ചെറിയ നോവ് തോന്നുന്നു……

 

ഏയ് വെറുതെ തോന്നുന്നതാകും….. അല്ല അവളെ മൂന്നു കൊല്ലത്തോളം പിരിഞ്ഞിരിക്കാൻ തന്നെകൊണ്ട് പറ്റുമോ….. മൂന്നു കൊല്ലം പോയിട്ട് മൂന്നു ദിവസം കാണാതിരിക്കാൻ പറ്റില്ല….. പക്ഷെ അവളുടെ സന്തോഷമല്ലേ എനിക്ക് വലുത്….. ആഹ് അവൾ പോകട്ടെ…..

 

ഇതൊക്കെ ഞാൻ ആലോചിക്കുന്നതിനിടയിൽ എല്ലാവരും വന്ന് അവളെ കെട്ടിപിടിച്ചും ഉമ്മ വെച്ചും സന്തോഷം പങ്കുവെച്ചു……