എന്റെ ഗീതൂട്ടി 2??[John Wick ] 210

“നീ ഇനി അതാലോചിച്ചു കരയണ്ട ട്ടോ….”എന്റെ നെറ്റിയിൽ ഉമ്മ വെച്ചു കൊണ്ട് ഗീതൂട്ടി പറഞ്ഞു….

ഞാനും ഗീതൂട്ടിയെ കെട്ടിപിടിച്ചു….പണ്ടും ഇങ്ങനെ ആണ്… എന്റെ കണ്ണൊന്നു നിറഞ്ഞാൽ അവളുടെ നെഞ്ച് കലങ്ങും…..

അവൾ വേഗം എന്നെ കെട്ടിപിടിക്കുന്നത് നിർത്തി എന്റെ മുഖം അവളുടെ ടൗവൽ വെച്ച് തുടച്ചു വൃത്തിയാക്കി…..

“ഇനി നീ ഒന്ന് ചിരിച്ചേ….”അവൾ എന്നോട് പറഞ്ഞു…

“അപ്പോ ഗീതൂട്ടി വീട്ടിൽ ഇത് പറയില്ലേ….?”ഞാൻ സംശയത്തോടെ ഗീതൂട്ടിയെ നോക്കി….

“പിന്നേ….ഇതൊക്കെ വീട്ടിൽ പറയൽ അല്ലെ എന്റെ പരിപാടി….. ഇങ്ങിട് വാടാ ചെക്കാ…..”അവൾ അതും പറഞ്ഞ് എന്നെ വലിച്ചു കൊണ്ട് നടന്നു…..

ഹോ അത് കേട്ടപ്പോൾ എന്റെ മനസ്സിൽ ഒരു മഞ്ഞു മഴ പെയ്തപോലത്തെ സുഖം തോന്നി….എന്തായാലും ഗീതൂട്ടി വീട്ടിൽ പറയില്ല എന്ന് പറഞ്ഞത് തന്നെ സന്തോഷം ആയിരിക്കുന്നു…..

അധികമൊന്നും സംസാരിക്കാതെ ഞാനും ഗീതൂട്ടിയും വീട്ടിലേക്ക് നടന്നു….പഴയ പോലെ എന്നുമൊന്നും ഞങ്ങൾക്ക് ഒപ്പം നടക്കാൻ പറ്റാറില്ല ഇപ്പൊ….. ഗീതൂട്ടി പത്താം ക്ലാസ്സിൽ ആയതിനാൽ സ്പെഷ്യൽ ക്ലാസ്സ്‌ ഇടയ്ക്കിടെ ഉണ്ടാവാറുണ്ട്….

വീട്ടിലേക്ക് എത്തിയപ്പോൾ തന്നെ ചെറിയമ്മയും സരസ്വതിയമ്മയും ഞങ്ങളെ കാത്തിരിക്കുന്നുണ്ടായിരുന്നു…..

“എവിടെയായിരുന്നു കുട്ട്യോളെ….എത്ര നേരമായി ഞങ്ങൾ കാത്തിരിക്കുന്നു….”ആവലാതിയോടെ ചെറിയമ്മ ചോദിച്ചു…..

ഞാൻ നേരെ ഗീതൂട്ടിയുടെ മുഖത്തേക്ക് എന്ത് പറയുമെന്ന രീതിയിൽ ഒളികണ്ണിട്ടു നോക്കി….

“അതെന്റെ ഒരു ബുക്ക്‌ വാങ്ങാൻ ഉണ്ടായിരുന്നു അമ്മേ….അതാ നേരം വൈകിയത്….”ഒന്നും നടക്കാത്ത രീതിയിൽ ഗീതൂട്ടി പറഞ്ഞു….