എന്റെ ഗീതൂട്ടി 2??[John Wick ] 210

ഒരു ദിവസം ക്ലാസ്സിൽ ഇരിക്കുമ്പോൾ അഖിൽ എന്നോട് ചോദിച്ചു…..

“എടാ കുട്ടാ….എനിക്കും ലവ് അടിക്കാൻ ഒരു പൂതി….”

“നീ എന്നെ ഒറ്റക്കാക്കി ലവ് അടിക്കാൻ പോകുവാണോടാ….”ഞാൻ ചോദിച്ചു…

“ഏയ്….ഞാൻ ഒരു തീരുമാനം എടുത്തു….നിന്നെക്കൊണ്ടും പ്രേമിപ്പിക്കും….”അവൻ അവന്റെ പ്ലാൻ പറഞ്ഞു….

എല്ലാവരും പ്രേമിക്കുന്നത് കണ്ട എന്റെ മനസ്സിന്റെ ഉള്ളിലും ആരെയെങ്കിക്കും പ്രേമിക്കണം എന്നുണ്ടായിരുന്ന ചിന്തയെ പുറത്തേക്ക് അവൻ കൊണ്ട് വന്നു….

“എന്നെ ഒക്കെ ആര് പ്രേമിക്കാനാടാ…”ഞാൻ അവനോട് ചോദിച്ചു….

“നീ നിനക്കിഷ്ടമുള്ള ഏത് പെണ്ണിനെ വേണമെങ്കിലും കാണിച്ചു താ….ഈ അഖിൽ നിനക്ക് വേണ്ടി അവളെ സെറ്റ് ആക്കി തന്നിരിക്കും…..”അവൻ അവന്റെ നെഞ്ചത്തടിച്ചുകൊണ്ട് പറഞ്ഞു….

അങ്ങനെ അന്ന് തൊട്ട് എനിക്ക് വേണ്ടി പെണ്ണിനെ കണ്ടുപിടിക്കുന്ന ദൗത്യം അവൻ ഏറ്റെടുത്തു….. ഓരോ ദിവസവും അവൻ എനിക്കുവേണ്ടി പെൺകുട്ടികളെ കാണിച്ചു കൊണ്ടിരുന്നു…..

ഒറ്റ എണ്ണത്തിനോടും എനിക്ക് ഒരു സ്പാർക് തോന്നിയില്ല…..അങ്ങനെ അവൻ പരാജയം സമ്മതിച്ചു…..

“പൊന്നു മോനെ എന്നെക്കൊണ്ടിനി വയ്യ….നമ്മുടെ ബാച്ചിലെയും….ഏഴാം ക്‌ളാസിലെയും എല്ലാ പെൺകുട്ടികളെയും ഞാൻ കാണിച്ചു തന്നിരിക്കുന്നു….. ഒറ്റ എണ്ണത്തിനെയും നിനക്കിഷ്ട്ടപെട്ടില്ല….നിനക്ക് പ്രേമിക്കാൻ ഇനി ഐശ്വര്യ റായ് വരും…..”അവൻ ഞാൻ ഗീതൂട്ടിയെ കാത്തിരിക്കുമ്പോൾ പറഞ്ഞു….

കറക്റ്റ് ടൈമിൽ അവന്റെ കൺമുന്നിലേക്ക് ഗീതുട്ടി ക്ലാസ്സിൽ നിന്നും പുറത്തിറങ്ങുന്നത് കണ്ടു…..ഒരുതരം സിനിമ സീൻ പോലെ…..