എന്റെ ഗീതൂട്ടി 2??[John Wick ] 210

സരസ്വതിയമ്മയും ഇളയമ്മയും അമ്മയും ഇളയച്ഛനും എല്ലാരും ഗീതുവിന്റെ ഭാഗ്യമെന്ന് പറഞ്ഞു സന്തോഷിച്ചു……

സന്തോഷപ്രകടനങ്ങൾക്ക് ശേഷം എല്ലാരും ഉള്ളിലേക്ക് പോയി….. ഉമ്മറത്ത് ഞാനും എന്റെ പെണ്ണും മാത്രം….

അവൾ നേരെ എന്റെ അടുത്ത് വന്ന് എന്റെ ഷർട്ടിൽ വിരൽ കൊണ്ട് ചിത്രം വരയ്ക്കാൻ തുടങ്ങി…..

“എന്താ മാഷേ മുഖത്തൊരു ഗൗരവം…..”അവൾ കുറുമ്പോടെ എന്നോട് ചോദിച്ചു….

“ഒന്നുല്ലെന്റെ പെണ്ണെ….വെറുതെ ഇങ്ങനെ നിന്നതാ….. ഹോ നിന്റെ ആഗ്രഹങ്ങളിൽ ഒന്ന് നടക്കാൻ പൊവ്വല്ലേ…..”ഞാൻ അവളെ എന്നിലേക്ക് ചേർത്തു കൊണ്ട് പറഞ്ഞു…..

“ഹ്മ്മ്….എന്റെ ആഗ്രഹം ഒക്കെ തന്നെയാണ്….പക്ഷെ നിങ്ങളെ ഒക്കെ വിട്ടു പോകണ്ടേ എന്ന് ആലോചിക്കുമ്പോൾ….പറ്റിണില്ലെടാ എന്നെകൊണ്ട്…..”അവൾ അവളുടെ സങ്കടം പങ്കു വെച്ചു….

“നീ അതൊന്നും ആലോചിക്കേണ്ട….നിന്റെ സന്തോഷമാണ് എല്ലാർക്കും വലുത്….പിന്നെ ചില ചെറിയ വിട്ടുവീഴ്ചയില്ലാതെ വല്ലതും നടക്കുമോ പെണ്ണെ….നീ ഇപ്പൊ പോയി സന്തോഷിക്ക്….. ഞാൻ ഒന്ന് കിടക്കട്ടെ….ഒറക്കം എനിക്ക് മുഖ്യം ആണെന്ന് നിനക്കറിയില്ലേ…..”അതും പറഞ്ഞു ഞാൻ അവളെ നോക്കി കണ്ണിറുക്കി….

“ഹ്മ്മ്…”വലിയ സന്തോഷമൊന്നുമില്ലാതെ അവൾ മൂളി…

അധികനേരം അവിടെ നിൽക്കാതെ ഞാനും വേഗം എന്റെ മുറിയിലേക്ക് പോയി….ഇനിയും അവിടെ നിന്നാൽ ഞാൻ എന്റെ സങ്കടം പറയാതെ തന്നെ അവൾ മനസിലാക്കും….പിന്നെ അവളുടെ ഈ സുവർണ്ണാവസരം അവൾ കളയും…..

അതൊരിക്കലും നടക്കരുത് എന്നുള്ളത് കൊണ്ടാണ് ഞാൻ വേഗം അവളുടെ അടുത്ത് നിന്നും റൂമിലേക്ക് പോയത്….