എന്റെ ഗീതൂട്ടി 2??[John Wick ] 210

“ഓഹ്….അളിയനോട് എല്ലാം വിളമ്പി അല്ലെ….”ഞാൻ പുച്ഛിച്ചു….

 

“ഞാൻ ഒന്നും പറഞ്ഞിട്ടില്ല….പിന്നെ ഈ കാര്യം പറയാൻ വേണ്ടിയാണ് നിന്നേം കൂട്ടി പുറത്തേക്ക് പോകാൻ ഞാൻ അങ്ങേരോട് പറഞ്ഞത്…..”വല്യേച്ചി പറഞ്ഞു…..

 

“അല്ല അളിയനോട് ഇപ്പൊ തന്നെ പറയണോ….”ഞാൻ സംശയത്തോടെ വല്യേച്ചിയെ നോക്കി….

 

“എടാ… നിങ്ങക്കിനെ എത്ര കാലം മറച്ചു വെക്കാനാകും?….. അവൾ ലണ്ടനിലേക്ക് പോകുന്നതിന്റെ മുന്നേ എല്ലാം റെഡി ആക്കണം…..ഇല്ലേൽ എല്ലാം കുളമാകും…..മാത്രോല്ല….അവൾക്ക് ആലോചനകൾ വരുന്നുണ്ട്….ഇനിയും ഇങ്ങനെ ഒളിച്ചു കളിക്കാൻ പറ്റില്ല….. അങ്ങേര് നമ്മടെ കൂടെ നിക്കും….നിങ്ങടെ കാര്യം ഒക്കെ ഒന്ന് ശെരിയാക്കാൻ ആണ് അങ്ങേരെ കൊണ്ട് ഇല്ലാത്ത ലീവുമെടുപ്പിച്ചു ഞാൻ ഇങ്ങോട്ട് കൊണ്ട് വന്നത്…..”വല്യേച്ചി പ്ലാൻ വ്യക്തമാക്കി….

 

“ഇനി നീ കൂടുതലൊന്നും പറയണ്ട….അങ്ങേരെ കൂട്ടി നേരെ കള്ള് ഷാപ്പിലേക്ക് വിട്ടോ….”വല്യേച്ചി പറഞ്ഞു….

 

എല്ലാം സമ്മതിച്ച മട്ടിൽ ഞാൻ തല കുലുക്കി….. നേരെ മുറിയിൽ പോയി ഡ്രസ്സ്‌ മാറി അളിയന്റെ അടുത്തേക്ക് ചെന്നു….

 

“പോവാം….”ഞാൻ അളിയനോട് ചോദിച്ചു…

 

“എങ്ങോട്ടാ അളിയന്മാര് രണ്ടാളും കൂടെ….?”വല്യേച്ചി ഒന്നുമറിയാത്ത പോലെ ചോദിച്ചു….

 

“ഞങ്ങളൊന്നു കാറ്റ് കൊള്ളാൻ ഇറങ്ങീതാ….”അളിയൻ പറഞ്ഞു…

 

“കാറ്റ് കൊള്ളാൻ ഇറങ്ങണതൊക്കെ കൊള്ളാം….കള്ള് ഷാപ്പിലെങ്ങാനും കേറിയ….രണ്ടിന്റെയും മുട്ടുംകാല് തല്ലിയൊടിക്കും ഞാൻ….”വല്യേച്ചി കപട ദേഷ്യമണിഞ്ഞു….

 

ഇത് കേട്ടത്തോടെ ഗീതൂട്ടിയും എനിക്ക് കണ്ണ് കൊണ്ട് വാണിംഗ് തന്നു…..

 

“ഓഹ് ഞങ്ങള് കള്ള് ഷാപ്പിലേക്കെ കേറില്ല….പോരെ….”അളിയൻ എന്റെ നേരെ തിരിഞ്ഞു കണ്ണിറുക്കി….

 

ഞാനും ചിരിച്ചു കൊണ്ട് ഒപ്പം നടന്നു…. ഈ ഒളിച്ചു കളി അവസാനിപ്പിക്കാനുള്ള ആദ്യ ചുവടുമായി…..

 

തുടരും…….

---

ഈ പാർട്ട്‌ കുറച്ചു വൈകി എന്നറിയാം….കുറച്ചു കുടുംബപ്രശ്നത്തിൽ പെട്ടു കിടക്കുകയാണ് ഞാൻ….. കഴിയുന്നതും വേഗം അടുത്ത പാർട്ടും നൽകാം…..

 

എന്ന്,

 

John Wick ??