എന്റെ കൈ തലയിണയാക്കി എന്നോട് പറ്റിച്ചേർന്ന് കിടക്കുന്ന ചിന്നുവിനെ കണ്ടുകൊണ്ടാണ് ഞാൻ കണ്ണുതുറന്നത്.

നിഷ്കളങ്കത കളിയാടുന്ന മുഖം. അവളുടെ ചുടുനിശ്വാസം എന്റെ മുഖത്തടിക്കുന്നു. ജനലഴിയിൽകൂടി കടന്നുവരുന്ന പ്രഭാത സൂര്യന്റെ പൊൻകിരണത്തിൽ അവളുടെ മുഖത്തിന്റെ ശോഭ വർധിച്ചു. മുഖത്തേക്ക് വീണുകിടന്ന മുടിയിഴകൾ ചെറുപുഞ്ചിരിയോടെ എന്റെ കൈവിരലുകളാൽ മാടിയൊതുക്കിയപ്പോൾ അവൾ കണ്ണ് തുറന്നു.

ചെറുപുഞ്ചിരിയോടെ അവളെത്തന്നെ നോക്കി കിടക്കുന്ന എന്നെ കണ്ട് അവൾ നാണത്താൽ പൂത്തുലഞ്ഞു.

അവളുടെ കവിളുകൾ ചുവന്നു. കണ്ണിൽ എന്നോടുള്ള അടങ്ങാത്ത പ്രേമം എനിക്ക് ഇന്ന് തിരിച്ചറിയാൻ പറ്റുന്നു.

” ന്താ ഏട്ടാ ന്നെ ഇങ്ങനെ നോക്കുന്നെ. ” അവൾ ചെറുപുഞ്ചിരിയോടെ കൊഞ്ചിക്കൊണ്ട് ചോദിച്ചു.

” ഞാനേ.. ന്റെ ചിന്നൂസിന്റെ സൗന്ദര്യം ആസ്വദിക്കുവായിരുന്നു”

ഞാൻ അതെ ശൈലിയിൽ തിരിച്ചുപറഞ്ഞു.

” ശോ…. ഈ ഏട്ടൻ. ”

അവൾ എന്റെ നെഞ്ചിൽ മുഖമോളിപ്പിച്ചു.

” അച്ചോടാ… ന്റെ മുത്തിന് നാണം വന്നോടാ. ” ഞാനും അവളെ കളിയാക്കി.

എന്നാൽ അവൾ ഒന്നും മിണ്ടാതെ എന്റെ മാറിൽ ചുംബിച്ചു.

അവളെയും ചേർത്തുപിടിച്ചു കുറച്ചുനേരംകൂടി ഞാൻ കിടന്നു.