Because it’s the..3 [It’s me] 288

ഒപ്പം പഠിക്കുന്നതാണേലും ഇത്രേം കാലമായും ഇവരോട് അങ്ങനെ അടുത്ത കമ്പനിയില്ലാർന്നു,,, സാധാരണയുള്ള ക്ലാസ് ഫ്രണ്ട്സ് അത്രേന്നെ,,, റോയിയോടും കൂടെയുള്ളവരോടുമായിരുന്നു ചങ്ങാത്തം കൂടുതൽ,,, ലാസ്റ്റ് ബെഞ്ഞിലിരിക്കുന്നവർ ഫുൾ ഉയപ്പന്മാരും ഉടായിപ്പും കൂടെയൊപ്പം കൂട്ടാനും പറ്റാത്തവരാണ് എന്നൊക്കെയാണ് അവരെ കുറിച്ച് വിചാരിച്ചിരുന്നേ,,,

പക്ഷേ ഒരു പ്രശ്നം വന്നപ്പോൾ ഒപ്പം നിന്നവർ പുറകീന്ന് കുത്തിയിട്ട് എന്നേ ഒറ്റപെടുത്തി കളിയാക്കി ചിരികുകയാണ് ചെയ്തത്,,, എന്നാലെനിക്കിന്ന് കൂട്ടായി വന്നത് ആ ലാസ്റ്റ് നെഞ്ചിലെ ഉഡായിപ്പുകളാണ്,,,

ഇവരെയാണല്ലേ ഞാൻ തരംതാണ് കണ്ടെന്ന് ഓർക്കുമ്പോ എന്നോട് തന്നേ പുച്ഛംതോന്നി,,, ഒരാപത്ത് കട്ടത്തീവരുമ്പോ ഇട്ടിട്ട് പോകുന്നവരല്ല കൂടേ ചങ്കും പറിച്ചു നിക്കുന്നവരാണ് എതാർത്ത സുഹൃത്തേന്ന്നിക് മനസിലാക്കി തന്നു,,,

അന്നെന്നേ തള്ളക്കോഴികൾ കുട്ടികളെ ചിറകിൽ ഒളിപ്പിച്ചു വെക്കുന്നത് പോലെ അവരെന്റെയൊപ്പം നിന്നു,,,

സ്കൂൾ വിട്ട് വീട്ടിലേക്ക് കയറുമ്പോൾ ചെറിയൊരു പുഞ്ചിരി എന്റെ ചുണ്ടിയുണ്ടായിരുന്നു,,,

വീട്ടിലേക് കേറുമ്പോൾ തന്നേ മുന്നിൽ അച്ഛനുണ്ടായിരുന്നു ഒരു കട്ടനും കുടിച്ചു,, എന്റെ മുഖത്തേ പുഞ്ചിരി കണ്ട് അച്ഛന്റെ മുഖത്ത് ചെറിയൊരു സന്ദോഷം കണ്ടു,, ഞാനത് കണ്ടതും എന്റെ ചിരി സ്വിച്ചിട്ട പോലെ നിക്കുകയും അച്ഛനിൽ നിന്ന് നോട്ടം മാറ്റുകയും ചെയ്തു,,,

ആ സംഭവത്തിന്ന് ശേഷം ഞാൻ ചിരിക്കുകയോ അധികമാരോടും സംസാരിക്കുകയോ കൂട്ട് കൂടുകയോ ചെയ്തില്ല,,, എപ്പോയും എല്ലാവരിൽ നിന്നും ഒഴിഞ്ഞു മാറി നടന്നു,,, ഫുഡ്‌ കഴിക്കാൻ മാത്രം റൂമിൽ നിന്നിറങ്ങും അല്ലാത്ത സമയമേപ്പോഴും റൂമിൽ തന്നേ,,,

ആ ഞാൻ പെട്ടെന്ന് ചിരിച്ചു നിക്കുന്നത് കണ്ടപ്പോ ഞാനെല്ലാം വിട്ടുവെന്ന് കരുതി കാണും,,,

യൂണിഫോം അയിച്ചുവെച്ചു വീട്ടിലിടുന്ന ഡ്രസ്സും മാറി അമ്മേടെന്ന് ചായേം മേടിച്ചു കുടിച്ചു പുറത്തേകുറങ്ങാനായി നിന്നു,, ഡെയിനിങ് ഹാൾ കടക്കുന്നതിന് മുൻപായി അമ്മയേ വിളിച്ചു,,

” അമ്മേ ഞാൻ അടുത്തുള്ള ഗ്രാണ്ടിൽ പോവാണ്,, ന്റെ കൂട്ടുകാര് വരാൻ പറഞ്ഞിരുന്നു,,, എന്നേയവിടെ അവര് കാത്തിരിക്കും അതോണ്ട് പോവാണ്,, ” ഞാനീ പറേണത് അച്ഛനുങ്കൂടി കേക്കാൻവേണ്ടിയാണ്,,,, അച്ഛന്റേം അമ്മേടേം മറുപടി കേക്കുന്നതിന് മുന്നേ ഞാൻ നടന്നിരുന്നു,,,

ഞാനിന്ന് വരേ ആ ഗ്രൗണ്ടിലേക് കളിക്കാൻ പോയിട്ടില്ല,,, കണ്ടിട്ടുണ്ട് കുട്ടികൾ കളിക്കുന്നത് ഒക്കേ,,, ഞാനെപ്പോഴും വാമിയുടേം വന്ദുവിനും ഒപ്പമായിരുന്നു,,,ഹുസൈൻ സ്കൂൾ വിട്ട് വരുമ്പോളേ പറഞ്ഞിരുന്നു ഗ്രൗണ്ടിലേക് വരാൻ,,, അവനോട് പറ്റില്ലാന്ന് പറയാൻ തോന്നിയില്ല,,, ഫുട്ബോളാണ് അവര് കളിക്കുന്നെ,,, ഹുസൈന്റെ വീട് ഇവിടെ അടുത്ത് തന്നെയാണ് അവനെ മാത്രമേ എനിക്ക് കൂടുതൽ പരിചയമുള്ളൂ അഖിലിന്റേം ആരിഫിന്റേം വീട് ഇവിടെയല്ല,,