?ബാല്യകാലസഖി 3? [കുട്ടപ്പൻ] 1232

അവളിപ്പോ +2 വിദ്യാർത്ഥിനിയാണ്. അപ്പു ഡിഗ്രി രണ്ടാം വർഷവും.

പാവാടക്കാരിയിൽനിന്നും ദാവണിയിലേക്കുള്ള വളർച്ച പോലെ അവരുടെ സൗഹൃദവും വളർന്നു. ആ കുളപ്പടവ് വൈകുന്നേരങ്ങളിൽ അവരുടെ കളിചിരികൾ കേൾക്കാനായി കാതോർക്കും.

ദേവികയിൽ സൗഹൃദം വളർന്നു അത് അവനോടുള്ള പ്രണയമായി മാറുന്നത് അവൾ അറിയുന്നുണ്ടായിരുന്നു. എന്നാൽ അവൾക്ക് അത് തുറന്ന് പറയാൻ ധൈര്യമില്ലായിരുന്നു. അവനോടൊപ്പമുള്ള നിമിഷം അവൾ ആസ്വദിക്കുകയായിരുന്നു.

*************************************

അവർക്ക് ഇപ്പോൾ രണ്ട് അമ്മമാരുണ്ട്. ലക്ഷ്മിയമ്മക്ക് ദേവു സ്വന്തം മകളാണ്. അതേപോലെ സരസ്വതിക്ക് അപ്പുവും.
അവർ അതുപോലെ അവരെ സ്നേഹിച്ചിരുന്നു.

അപ്പുവിന്റെ അടുത്ത് ദേവു മഹാ കുറുമ്പിയാണ്. അവൾക്ക് ദേഷ്യംവന്നാൽ അവനെ പിച്ചിയും മാന്തിയും കടിച്ചും ഒക്കെയാണ് അവളുടെ ദേഷ്യം തീർക്കുക.

എന്നാൽ ലക്ഷ്മിയമ്മയുടെ മുന്നിൽ അവൾ പൂച്ചക്കുട്ടിയാണ്. അവൾ പറയുന്നത് ആ അമ്മ അക്ഷരംപ്രതി അനുസരിക്കും.
അവൾ ലക്ഷ്മിയമ്മയുടെ മുന്നിൽ കണ്ണ് നിറച്ച് നിന്ന് എന്ത് പറഞ്ഞാലും അവർ വിശ്വസിക്കും. അങ്ങനെ അപ്പുവിന് എത്ര തല്ല് കിട്ടിയിരിക്കുന്നു.

അങ്ങനെ കളിയും ചിരിയും ഒക്കെയായി ജീവിതം മുന്നേറുമ്പോളാണ് വിധി അവർക്ക് മുന്നിൽ വില്ലനായി അവതരിക്കുന്നത്.

ഒരു ആക്‌സിഡന്റിൽ പെട്ട് ദേവികയുടെ അച്ഛൻ ശ്രീനിവാസൻ മരിച്ചു.
അതോടെ ആ വീട് ഉറങ്ങിയത് പോലെ ആയി. ദേവികയ്ക്കായിരുന്നു ഏറ്റവും സങ്കടം. അവൾക്ക് അത്രയും ഇഷ്ടായിരുന്നു അവളുടെ അച്ഛനെ.

വൈകുന്നേരം അപ്പുവിന്റെ ഒന്നിച്ചുള്ള ഇരുത്തം കുറച്ച് നാളുകൾക്കു ശേഷം അവൾ വീണ്ടും ആരംഭിച്ചു.എന്നാലും അവളുടെ നിഷ്കളങ്കമായ പുഞ്ചിരി അവന് കാണാൻ സാധിച്ചിരുന്നില്ല.

കുറച്ച് നാളുകൾക്ക് ശേഷം വേറെ ഒരു ദുഃഖ വാർത്ത കൂടി അവരെ തേടിയെത്തി.
ദേവുവിനെയും സരസ്വതിയെയും സരസ്വതിയുടെ ചേട്ടൻ ബാംഗ്ലൂർക്ക് കൂട്ടിക്കൊണ്ട് പോകുന്നു എന്ന്.

അത് ലക്ഷ്മിയമ്മയ്ക് ഒത്തിരി സങ്കടമുണ്ടാക്കി. കാരണം ലക്ഷ്മിയും സരസ്വതിയും തമ്മിൽ നല്ല ഒരു ആത്മബന്ധം ഉണ്ടായിരുന്നു.
സരസ്വതിയും ദേവികയും വരുന്നില്ല എന്ന് പറഞ്ഞെങ്കിലും ദേവികയുടെ ഭാവി ഒക്കെ പറഞ്ഞു ദേവികയുടെ അമ്മാവൻ അവരെ സമ്മതിപ്പിച്ചു.

ദേവു +2 കഴിഞ്ഞ് നിൽക്കുന്ന സമയമായിരുന്നു. ബാംഗ്ലൂർ ചെന്ന് അവൾ MBBS എടുത്തു. അത് കഴിഞ്ഞ് MD യും.

ദേവിക പോയതോടെ അപ്പു വല്ലാത്തൊരവസ്ഥയിലായിരുന്നു. ലക്ഷ്മിക്കും സങ്കടം തന്നെയായിരുന്നു.
ഇതൊക്കെ കണ്ട് ബാലകൃഷ്ണൻ സരസ്വതിയും ദേവൂവും ഒക്കെ പോയതിനു കുറച്ച് ദിവസം കഴിഞ്ഞപ്പോൾ തന്നെ വീടൊക്കെ വിറ്റ് ടൗണിലേക്ക് താമസം മാറി.

….

ബാംഗ്ലൂർ ചെന്ന് സരസ്വതി ആകുംപോലെ ഒക്കെ അന്വേഷിച്ചെങ്കിലും അവർ വീട് വിറ്റ് പോയി എന്ന് മാത്രമേ അറിയാൻ പറ്റിയുള്ളൂ.
ദേവികയുടെ പഠിത്തം കഴിഞ്ഞ് അവർ നാട്ടിലേക്ക് തന്നെ തിരിച്ചുവന്നു.

സിറ്റി ഹോസ്പിറ്റലിൽ ജോലിക്ക് കയറിയ അവൾ ആകസ്മികമായാണ് ലക്ഷ്മിയേയും അപ്പുവിനെയും വീണ്ടും കാണുന്നത്.

***********************