ഒരുനിമിഷം അവൾ പഴയ കാലത്തേക്ക് ഒരു തിരിഞ്ഞു നോട്ടം നടത്തി.

“ആരാ ഫോണിൽ.. എമർജൻസി വല്ലതും ആണോ.”

ധ്രുവന്റെ ചോദ്യമാണ് അവളെ ഉണർത്തിയത്.

അവൾക്ക് അവനോടൊന്നും പറയാൻ കഴിഞ്ഞിരുന്നില്ല.

ആ കണ്ണുകൾ നിറഞ്ഞൊഴുകിയത് അവൻ അപ്പോഴാണ് കണ്ടത്..

“എന്ത് പറ്റി..”

പരിഭ്രമത്തോടെ അവൻ ചോദിച്ചു.

“അപ്പച്ചൻ…”

അവൾക്ക് അത് പറഞ്ഞു മുഴുവിപ്പിക്കാൻ കഴിഞ്ഞില്ല.

“അപ്പച്ചന് എന്ത് പറ്റി..”

“ആക്‌സിഡന്റ് പറ്റിയെന്ന്… കുറച്ച് സീരിയസ് ആണെന്നാണ് പറഞ്ഞത്..”

“ആരാ വിളിച്ചത്..”

“മനോജ് ആണ്…അവനല്ലേ എന്റെ അപ്പച്ചൻ ആരാണെന്ന് അറിയാവുന്ന സ്റ്റേഷനിലെ ഏക വ്യക്തി…എനിക്ക് അപ്പച്ചനെ കാണണം.”

അവളുടെ കണ്ണീർ നിലക്കാതെ ഒഴുകി .

“നീ പേടിക്കണ്ട, നമുക്കു പോകാം.”