?അസുരൻ ( the beginning )? [Vishnu] 468

” ഞാൻ എന്നാൽ എല്ലാം പറയാം അപ്പൊ ഇവൾ തന്നെ തീരുമാനിക്കട്ടെ നീ എന്താണെന്ന്…..”ജെസ്സി പറഞ്ഞു

അത് കേട്ട ഇക്ബാലിന് അതിലെ ഭീഷണി പെട്ടെന്ന് തന്നെ മനസ്സിലായി..

“അയ്യോ പറയണ്ട ഞാൻ പോകുന്ന.. അപ്പൊ ശെരി പെങ്ങളെ .. ഞാൻ തൊട്ടടുത്തുണ്ട്..”

ജെസ്സിയെകൊണ്ടു കൂടുതൽ പറയിപ്പികണ്ട എന്നു തോന്നിയ ഇക്ബാൽ സ്വയം വലിഞ്ഞു..

ഇക്ബാലിന്റെയും അഞ്ജുവിന്റെയും ഇടയിൽ രണ്ടു ക്യാബിനുകൾ ഒഴിഞ്ഞു കിടക്കുന്നത് അഞ്ചു അപ്പോഴാണ് ശ്രെദ്ധിച്ചത്..

ചായ കുടിക്കാൻ പോയ സമയം അഞ്ചു ആ സംശയം ജെസ്സിയോട് തന്നെ ചോദിച്ചു..

” എന്റെ അടുത്തുള്ള രണ്ടു കാബിനിൽ ആൾക്കാരെ കണ്ടില്ലല്ലോ..”

“ഓഹ് നിന്നോട് പറയാൻ വിട്ടുപോയി ..അത് നമ്മടെ ബാക്കി ടീം മെമ്പേഴ്‌സ് ആണ് .. അർജ്ജുനും ഗോവിന്ദും.. രണ്ടാളും മലയാളി ആണ് .. പിന്നെ അർജുൻ ഭാസ്കർ സാറിന്റെ മകൻ ആണ്.ഭാസ്കർ സർ ആണ് കമ്പനിയുടെ ഓണർ..ഗോവിന്ദ് അവന്റെ കൂട്ടുകാരനും..

ഈ ഇക്ബാലും അർജ്ജുനും ഗോവിന്ദും കളിക്കൂട്ടുകാർ ആണ്.. ഇക്ബാൽ ഒരു കോഴി ടൈപ്പ് ആണ്.. നല്ല വായാടിയും .. ”

“അർജ്ജുനും ഗോവിന്ദും..”

” അർജുൻ ഡീസന്റ് ആണ്.. ഫ്രണ്ട്‌ ആയ പിന്നെ നല്ല ജോളി ആണ്.. സമയം പോകുന്നത് അറിയില്ല .. ”

ആ സമയത്താണ് വെള്ളം എടുക്കാൻ ഇക്ബാൽ അവിടേക്ക് കേറി വരുന്നത്.. അവരുടെ സംസാരം കേട്ട അവൻ ജെസ്സിക്ക് ഒരു പണികൊടുക്കാൻ തന്നെ തീരുമാനിച്ചു..

” എന്തുകൊണ്ടാണ് ഡീസൻ്റ് എന്നൊക്കെ എനിക്ക് അറിയാം കേട്ടോ ” പെട്ടെന്ന് തന്നെ ആണ് ഇഖ്ബാൽ അവിടെ കേറി വന്നത്.