?അസുരൻ ( the beginning )? [Vishnu] 468

അഞ്ജുവിന്റെ ചോദ്യം കേട്ട ജെസ്സിക്ക് ചിരിയാണ് വന്നത്

 

“ഒന്നുമില്ലെടി നീ പേടിക്കണ്ട .. ഞാൻ ഇല്ലേ കൂടെ”

 

“എന്നാലും”

 

“നീ വരുന്നുണ്ടോ നമ്മൾ ഇപ്പൊ തന്നെ വൈകി.. ഇനിയും വൈകിയാൽ ആണ് പ്രശ്നം ആകുക..”

 

അഞ്ജുവിനെയും കൂട്ടി ഓഫീസിൽ എത്തുമ്പോൾ ജെസ്സി വൈകിയിരുന്നു..

വൈകിയതുകൊണ്ടുതന്നെ നല്ല രീതിയിൽ ജെസ്സിക്  ബോസിന്റെ  കയ്യിൽ നിന്ന് കേട്ടു.. ന്യൂ ജോയ്‌നി ആയതുകൊണ്ട് തന്നെ അഞ്ജുവിന് കേട്ടില്ല.അഞ്ജുവിനെയും കൂട്ടിപോയ ബോസ് അവളെ എല്ലാവർക്കും പരിചയപ്പെടുത്തികൊടുത്ത ശേഷം ഓഫീസിലേക്ക് തിരിച്ചുപോയി.. ജെസ്സിയുടെ തൊട്ടടുത്തുള്ള കാബിനിൽ തന്നെയായിരുന്നു അവൾക്കും കിട്ടിയത്.. എന്നാൽ അവളുടെ അടുത്തുള്ള മറ്റു രണ്ടു ക്യാബിനുകൾ കാലിയായിരുന്നു..

 

“ഹായ് ഞാൻ ഇക്ബാൽ.. ” പെട്ടെന്ന് തന്നെ ഒരു കൈ അവളുടെ നേരെ നീണ്ടു

 

“അഞ്ജലി..”ഒരു ഹാൻഡ് കൊടുത്തുകൊണ്ട് തന്നെ അവർ പരിചയപെട്ടു ..

 

“കേരളത്തിൽ എവിടെയാ ..”

 

“കണ്ണൂർ ”

 

“ഓഹ് കണ്ണൂരാണോ”

 

“ഏട്ടനും കണ്ണൂരാണോ..”

 

“ഏ അല്ല..  ഞാൻ പാലക്കാട് ..”

 

ഇത് കണ്ട ജെസ്സി പെട്ടെന്ന്  തന്നെ അവന്റെ അടുത്ത് എത്തിയിരുന്നു..

 

“എടാ ഇത്ര പെട്ടെന്ന് നിന്റെ ഉള്ളിലെ കോഴി ഉണർന്നോ അവൾ വന്നിട്ടല്ലേ ഉള്ളു വെറുതെ വിടെട ..”

 

” ഡീ ഡീ അധിക്ഷേപിക്കലെ ഒന്നു പരിചയപ്പെടാൻ പോയാൽ കോഴി ആകുമോ..” അവനും വിട്ടുകൊടുത്തില്ല..