?അസുരൻ ( the beginning )? [Vishnu] 468

തന്റെ പുറകിൽ ഉണ്ടായിരുന്ന ആൾക്കാരുടെ എണ്ണം കുറഞ്ഞതായി തോന്നിയ ജോണ് തിരിഞ്ഞു നോക്കിയപ്പോൾ കാണുന്നത് അവർക്ക് പകരം നിൽക്കുന്ന ഗോവിന്ദും അര്ജുനുമാണ്..

എല്ലാരും ഗോവിന്ദിന്റെ കസേരയിൽ ഇരുന്നതിനു ജോണിന് ഗോവിന്ദിനെ കയ്യിൽ നിന്നും കിട്ടുമെന്നാണ് വിചാരിച്ചത്..

എന്നാൽ എല്ലാരേയും ഞെട്ടിച്ചുകൊണ്ട് അർജുന്റെ കാൽ ജോണിന്റെ നെഞ്ചിൽ പതിഞ്ഞു.. അതുകണ്ട ഗോവിന്ദും ഒന്നു ഞെട്ടി.. അവന്റെ ചവിട്ടാണ് അർജുൻ കൊടുത്തത്..

ചവിട്ടുകൊണ്ട ജോണ് കസേരയടക്കം നിലത്തേക്ക് വീണു..

പെട്ടെന്ന് എഴുന്നേൽറ്റ ജോണ് അർജുന്റെ നേരെ വന്നെങ്കിലും ഗോവിന്ദ് അർജുന്റെ മുന്നിൽ കയറി നിന്നു.. ഗോവിന്ദിനെ കണ്ടതും ജോണ് ഒന്നു പേടിച്ചു.. പണ്ട് ഗോവിന്ദുമായി കോർത്തതു ജോണ് മറന്നിരുന്നില്ല .. മറക്കാൻ കഴിയാത്ത രീതിയിലാണ് ഗോവിന്ദ് അന്ന് പെരുമാറിയത്.. അതുകൊണ്ട് തന്നെ ഗോവിന്ദിനെ കണ്ടതും അവന്റെ ധൈര്യം മൊത്തം ചോർന്നു പോയി..

.അപ്പോഴേക്കും ഗോവിന്ദിന്റെയും അടി ജോണിന്റെ മുഖത്തു തന്നെ കിട്ടി..

” എന്റെ കാബിനിൽ ഇരിക്കാൻ പാടില്ല എന്ന് പറഞ്ഞിട്ടില്ലേ പട്ടി..” ഗോവിന്ദ് അവനോടു ചൂടായി..

അപ്പോഴേക്കും ബോസും ഇക്ബാലും ശബ്ദം കേട്ട് അവിടെ എത്തിയിരുന്നു..

എന്നാൽ ജോണ് ഒന്നും പറയാതെ അവിടെനിന്നും തന്റെ കാബിനിൽ പോയി ബാഗും എടുത്തു ഓഫീസിൽ നിന്നും ഇറങ്ങി പോയി.. നാണം കെട്ടതുകൊണ്ടു അവിടെ നിൽക്കാൻ അവനു ബുദ്ധിമുട്ടു തോന്നിയിരുന്നു..

അഞ്ജുവിന് ഇതൊക്കെ കണ്ടപ്പോഴേക്കും അര്ജുനോട് ആരാധന തോന്നിയിരുന്നു.. ഗോവിന്ദ് ആയിരിക്കും ജോണുമായി കോർക്കുക എന്നു കരുതിയ ജെസ്സി അർജുൻ തല്ലിയത് കണ്ടു ശെരിക്കും വണ്ടർ അടിച്ചു.. ഇന്നേവരെ അവിടെയുള്ള ആരും അർജുന്റെ ഈ മുഖം കണ്ടിട്ടില്ലായിരുന്നു.. ജോണ് പോയശേഷം എല്ലാവരും തിരിച് അവരുടെ പണിയിലേക്ക് തിരിച്ച പോയി..

അഞ്ചു ശെരിക്കും അർജുനേ കണ്ട ശേഷം വേറൊരു ലോകത്തായിരുന്നു.. ജെസിയെ പറഞ്ഞിട്ടു കാര്യമില്ല..ആരായാലും നോക്കിപോകില്ലേ.. അവൾ മനസ്സിൽ ഓർത്തു..

“ഹലോ.. ഏത് ലോകത..” അർജുന്റെ ശബ്ദം കേട്ടപ്പോഴാണ് അവൾ സ്വപ്നത്തിൽ നിന്നു ഉണർന്നത്