?അസുരൻ ( the beginning )? [Vishnu] 468

ഗോവിന്ദും അർജ്ജുനും പോയിക്കഴിഞ്ഞാണ് മാലിക്ക്  എഴുന്നേറ്റത് ..

“അവര് പോയോ” മാലിക്കിന്റെ  ചോദ്യം കേട്ടാണ് ഗണപതി അവനെ പറ്റി ഓർത്തത്..

“നിനക്ക് അപ്പൊ ബോധം ഉണ്ടായിരുന്നോ മയിരെ ..”

“എന്തിനാ വെറുതെ കേൾക്കുന്നെ എന്നു കരുതി എഴുന്നേറ്റില്ല ..കഴിഞ്ഞ തവണ നല്ലോണം കേട്ടതല്ലേ..”

“വാ ഇനിയും ഇവിടെ ഇരുന്ന ശെരിയാവില്ല..” ഗണപതി മെല്ലെ എഴുന്നേറ്റ്‌ അവിടെ ഉണ്ടായിരുന്ന കുപ്പികളും വേസ്റ്റും ഒക്കെ എടുത്ത ജീപ്പിൽ വെക്കാൻ തുടങ്ങി.. മാളിക്കും പോകാൻ തയ്യാറായിരുന്നു..

_____________________________________

അർജുന്റെ കാർ വളരെ വേഗത്തിൽ ആയിരുന്നു പോയിക്കൊണ്ടിരുന്നത്.. തന്നോടുള്ള ദേഷ്യമാണ് കാറിൽ തീർക്കുന്നത് എന്നറിഞ്ഞ ഗോവിന്ദ് ഒന്നും മിണ്ടിയില്ല പകരം പുറത്തേക്ക് നോക്കിയിരുന്നു..

“നിന്നോട് ഞാൻ പലവട്ടം പറഞ്ഞിട്ടിലെ രാവിലെത്തന്നെ കുടിക്കരുതെന്ന്..”

അർജുന്റെ സംസാരം കെട്ടുവെങ്കിലും ഗോവിന്ദ് തിരിച്ചൊന്നും മിണ്ടിയില്ല..

“ഡാ നിന്നോടാ പറയുന്നേ.. കുടി നിർത്താൻ പറഞ്ഞാൽ കേൾക്കാത്തതുകൊണ്ടാണ് കുടി കുറയ്ക്കാൻ പറയുന്നേ അതും കേൾക്കില്ല പട്ടി..”

“മാലിക്ക്  ഇന്ന് തിരിച് പോകും അപ്പൊ ഒന്നു കൂടാം എന്ന് ഗണപതി പറഞ്ഞപ്പോ..”

“കൂടുന്നതൊക്കെ കൊള്ളാം പക്ഷെ രാത്രിക്കുള്ളിൽ തിരിച്ചു എത്തണം………..”

“ഇച്ചു ഓഫീസിൽ പോയോ”